Tror uô côngz xưv ntơưv Điện Biên, tas cik hnuz 23/12, Phưv thủ tướng Chính phuv Hồ Đức Phớc tưz seiz thiêz uô hâux lưv ntơưv Zênhx pênhz phax trôngx đriv ntiêx têz Tây Trang. Zênhx pênhz phax trôngx đriv ntiêx têz Tây Trang pov cov đros Phưv thủ tướng: hâur shông đhâu, taz viv tưz chuv tôngv pâuz tâu qênhx shênhx hâur thiêz saz đrâuv ntus đriv, uô jông côngz xưv por vêv ntus đriv lơưr VN thiêz Lào li ntâuz ntơưr pháp lý thôngx ziv. Tiv zix zos hâux lưv tsưr tsix jông qênhz yuôx hâur 2 saz, sik njiz lơưr tsưr ziv, txix co pov thiêz yưr lir txos qơư têx lok hâux lưv muôx yưv, por vêv ntus đriv hôx fênhx, sik hux jos thiêz huôv tsar. Khov co, hâur shông tưz sik côngv ntês tâu ntâu txuz phamv cxâuv, hâur co muôx iz txuz án lox lok hli 7, sâu tâu 120 cxênhz njiêr zax zênhz thiêz ntâu chuôz zênhx txơưr muôx lênhx coaz; tsưr tsix tos jênhv 47 jiês tsôngv box VN uô cxâuv cêr chei Lào zos lưx lươngv muôx txơưx jênhv Lào choz lok…Phưv thủ tướng Hồ Đức Phớc heik: “Uô jênhv vưv por vêv txiv ngaz têz qơưk, por vêv ntus đriv taz sik cux ndo njôngr paz max tsôngv box cxiv kho luz nênhx, kriê lơưr tsưr ziv huôv tsar uô nox, pâuz tâu qênhx shênhx chie thâuv muôx têx chiz coaz têz qơưk yưv pênhr mak uô huv đros tsưr ziv, muôx chêx cuk. No zos têx lok six coaz tsôngv đros thax tsav ntus đriv, tsuv muôx ntâu trâur nuv kinh têr uô, txix têx trâur nuv zuôr cxơưz tiês chiê tsôngv box hla đhâu cêr pluôk, sir jos uô bluô nux”./.          

 Vũ Lợi-Txâur Vax cxeik nhênhv

         Chiê fuô kriê đêz đar Đảng, têz qơưk, tỉnh Sơn La têx tsưr ziv, tsênhv chei lok hâux lưv jênh sôr, têx mông lok jênh sôr lâul; tsoz phưz nênhs lâul hnuz nhôngs siêz huv đros trâu jênh sôr lâul.... Sở Y tế thiêz Hội Nênhs lâul hnuz nhôngs siêz tỉnh tưz sik hux jos tsưr tsix jiês sik tưr sâu “Nriêr pâuz chei têz qơưk lol tsoz phưz đas jos trâu nênhs lâul hnuz nhôngs siêz huv đros jênh sôr lâul hâur thax tsav tỉnh Sơn La” shông 2024. Đhâu zuôr xar iz hlik phuôx tôngv, Ban tsưr tsix jiês thik tưz txeik tâu 30 cơ quan, taz viv 2 cxênhz ntâu jax sâu; hâur co zuôr xar 2 cxênhz jax, sâu tâu huv đros. Suôx câuv jiês thik, Ban tsưr tsix tưz muôz huv puz trâu têx cơ quan, lênhx nênhs muôx jax sâu tâu jông./. 

Báo Sơn La-Riê Lâux cxeik, nhênhv

Đros tas nro cxix luôk chính trị thiêz xã hội li sir jos, shông 2023, tas nro tỉnh Lào Cai muôx zuôr xar 7 cxênhz 800 ziv chuôz zis hla đhâu cêr pluôk. Shông 2024, njuôs xav tas nro tỉnh muôx 20 cxênhz 700 ziv chuôz zis pluôk, hâur co, ziv chuôz zis pluôk thax tsav tsôngv box mênhx cxưx tsơưs nênhs zos 19 cxênhz 700 ziv. Tưz txu grês 6% ntâu pir đros shông tov ntêx. Chiê txu grês qênhx shênhx tror njiz trâus cêr pluôk, tiv zix zos hâur thax tsav tsôngv box mênhx cxưx tsơưs nênhs, txu grês cêr pluôk uôx tul tsênhv zos têx tiv phaz li tsưr ziv uô, thôngz đhâu ntâu tsưr ziv. Zơưv Trần Xuân Nhẫn, Tsar ban Mênhx cxưx tỉnh Lào Cai puz pâuz: “Hâur ntu nhiv kruôr đhâu tỉnh Lào Cai tưz chêx chộngk thox cxov hâux lưv uô trâu tsôngv pox nhuôk nhoz nôngx cxênhz. Txix co muôx ntâu tsưr ziv chiê tsôngv box huôv tsar cêr uô nox chuôz cxaz phênhv sâu trâu pox nhuôk”.

An Kiên-Txâur Vax cxeik nhênhv

Nhiv no, xav tas nro tỉnh Lai Châu têx tsiêx muôx 372  cxênhz ntâu tus. Chor hnuz đhâu, tiv chuô txiêk uô ruôr hiêv, tỉnh Lai Châu lok six no njiv, jêx tưv txix 10-16 tưv, têx xã tox siêz mak ziv no njiv đuô, lar heik zos thâuv hmo. No njiv đros trâu lok tê, uô ruôr hiêv txos têx tsiêx tu zus đas jos. Chiê txo grêk tsơưs têx tsi jông tiv no njiv uô, tsưx phưv tâu truôx chor tsiêx cxu, ngênhx Kôngz nuv tỉnh Lai Châu tưz hux jos đros cxuô thax tsav qơư bax fuô uô ntâu faz tsưr ziv tsênhv tsênhz chiê phax tar no thiêz moz ơưk trâu tsiêx tu zus. Hâur co, sir jos yax kriê, vênhv tôngv, heik têx chuôz zis tu zus uô lơưr cxuô faz tsưr ziv phax tar no trâu tsiêx cxu li: Muôz ntâuz tax xor thêir qơư cơư tsiêx cov chuô txiêk tsi yâu, bax jâuz krâur tsês trâu nhux tưv tâu nox hâur têx hnuz no njiv. Thiêz heik sơưr đơưk tsi tâu tso têx tsiêx muk nox jâuz thâuv no njiv hênhr./.

Báo Nhân dân-Riê Lâux cxeik, nhênhv