Hnuz 24/12, Tỉnh ủy Điện Biên tưz tsưr tsix khơưk kruôk trâu 32 lênhx nênhs uô tâu jông thiêz khơưk kruôk xar tơưv trâu 25 jax sâu văn học, nghệ thuật, pov tsir hâur cơưv ntơưr thiêz uô lơưr zơưv hloz Hôx li cêr uô nênhx jông. Ntơưv jiês cơưv, 32 tập thể, tiz nênhs tưz tâu Chủ tịch Ủy ban Tỉnh Điện Biên khơưk muôz ntơưr kruôk viv uô tâu ntâu kror hâur cơưv ntơưr thiêz uô lơưr zơưv hloz Hôx cêr uô nênhx jông. Thủ tướng Chinhr phuv thiêz Ban Tuyên giáo Trung ương cux khơưk muôz ntơưr kruôk trâu 2 tập thể thiêz 4 lênhx nênhs. Zơưv Trần Quốc Cường, Bí thư Tỉnh ủy Điện Biên puz pâuz, no puôr lênhx zos chor nênhs uô tâu hâux lưv jông sâuv cxuô kror hâur luz nênhx xar hôiv, hâur tas nro cxiv luôs chinhr triv đros têx hâux lưv uô tâu jông, tsênhv tsênhz, muôx tsiv gri, truôx jông thiêz kriz uô đêz đar; hêik tơưv tâu têx sir jos hâur cơưv ntơưr, cơưv shâuv uô lơưr hloz Hôx cêr uô nênhx jông txix ciês têx hâux lưv uô tsênhv tsênhz./.

Vũ Lợi-Lik Thox cxêik nhênhv

Huôv tsar ju lix-kôngz nuv tâu tỉnh Sơn La xav tinhv zos iz tsưr ziv cxơưz cxiz cxiv tsa jêx jok yiêz truôx. Sir jos fuô uô tỉnh têx muôx jông đros trâu zos iz tsênhv qơư kinh tế thax tsav Tây Bắc, Sơn La nhiv kruôr tsưr tsix hội ciêz cxơưz cxiz zuôr muôs têx xiv huv thiêz piêr kriê ju lix, vênhx huôv tsôngv box heir nênhs tsơưs, tox siêz ntơưv huyện Phù Yên. Hội ciêz piêr kriê têx xiv huv kôngz nuv jông thiêz cxuô thax tsav qơư chor hax huv OCOP. Co zos six hơưv chiê cxuô doanh nghiệp, HTX thiêz pêx xênhv cxuô thax tsav hâur thiêz đrâuv 2 chas huyện tâu siz chuôs njiz, sik piêr kriê têx xiv huv OCOP, kôngz nuv, zav nox kaz hâur thax tsav trâu lênhx nênhs sir zôngv pâuz txos./.

VTV-Riê Lâux cxeik, nhênhv

Txix uô tâu jông tsưr ziv du lịch côngv thôngx nhoz chor jok: Sin Suối Hồ, Vàng Pheo (huyện Phong Thổ); Sì Thao Chải, Bản Hon, Bản Thẳm (huyện Tam Đường)… tsôngv box cxuô mênhx cxưx Hmôngz, Thái, Cho, Lự… nhoz ntâu thax tsav qơư hâur tỉnh Lai Châu cux tsênhv kriz uô kror liv lok vênhx huôv zuk mênhx cxưx chiê huôv tsar du lịch, txix co paz zaz zâuv ziv hnuz ziv chôngz tsôngv kruô tuôx ndis shuôk, uô si, nriêr pâuz. Shông 2024, jiês xuz thơưx chor jêx jok nhz Lai Châu tok xar muôx 1,3 triệu lênhx kruô du lịch. No zos kror shir phaz, paz trâu du lịch huôv tsar ndê trâu iz ntu yiêz. Zơưv Trần Quang Kháng, Phưv Giám đốc Sở Vênhx huôv, Thể thao thiêz Du lịch Lai Châu puz pâuz: “Shông 2025 pêz sir jos cov tok tâu muôx 1,4 triệu ntâu lênhx kruô, paz cxiv tsa tsưr ziv thiêz uô txos shông 2030 zuôr tok tâu muôx 2 triệu ntâu lênhx kruô iz shông. Chiê uô tâu jênhv vưv no pêz tsuv tsêx trung hêik pâuz kriz uô têx tsưr ziv kho đuô nganhx, thax tsav. Tsêx trung hêik pâuz cxiv tsa têx tsênhv chêi paz huôv tsar du lịch hâur ntu 2025-2030…”./.

Khắc Kiên-Lik Thox cxêik nhênhv

Huyện Mường Khương, tỉnh Lào Cai nhiv no muôx 11 cxênhz ntâu tus tsiêx lox. Xav hur si chor chuôz zis muôx qơư cơư tsiêx trơưk cui tinhv tsav 95% ntâu têx chuôz zis huôv tsar tu zus. Chor hnuz đhâu, nhoz têx xã tox siêz hâur huyện Mường Khương lok six no njiv. Pok huôz thiêz no njiv nhoz ntâu jêx jok, uô ruôr hiêv txos tsôngv pêx xênhv luz nênhx xênhz huôx thiêz cêr huôv tsar uô nox. Chiê bax phax tar no trâu tsiêx tu zus, cxuô ziv chuôz zis pêx xênhv tưz chaz nhux tưv lok gâuv no, uô qơư cơư. Iz chas bax tsês têx jâuz krâur, pêx xênhv Mường Khương cux tưz bax chos nzir jâuz tâux, poz cưk chiê muôx txâuk jâuz puz tsiêx hâur cheix ntux no. Huyện Mường Khương cux tưz yênhx lix 16 tổ côngz xưv muk chox kriê cxuô xã, thị trấn uô jông lơưr cxuô faz tsưr ziv por hưv tsoz chos, tsiêx tu zus hâur têx hnuz no njiv. Zơưv Lê Thanh Hoa, Tsar phongx Kôngz nuv thiêz huôv tsar tox siêz Mường Khương heik pâuz: “Nhiv no iz chuôz zis tsuôk yuôr 3-5 tus tsiêx, muôx qơư cơư, xor thêir ntov jông chuô txiêk tsi yâu, bax chos tâu tâux chiê puz tsiêx  hur si, phênhv ntâu sơưr đơưk tsi uô li thâuv ntêx, tso têx nhux tưv lak yar lơưv. Lar heik, nhiv no tsôngv pêx xênhv sơưr đơưk tưz muôx tsưr ziv phax tar no, tsưx phưv truôx tuk trâu têx tsiêx, tsi yuô trâus uô ruôr hiêv”./. 

Thanh Thủy-Riê Lâux cxeik, nhênhv