Đros tas nro têz qơưk ndar txos Chiv nhênhv 70 shông ntâuk zênhx tros châuz Điện Biên Phủ, têis cik 10/4, Sở Vênhx huôv, Thể thao thiêz Du lịch tỉnh Điện Biên sik côngv đros Sở Vênhx huôv, Thể thao thiêz Du lịch tỉnh Bắc Ninh tsưr tsix kriz uô piêr pâuz “Bắc Ninh hâur jiês tir ntâuk tros châuz Pháp”.

Hâur jiês tir ntâuk tros châuz Pháp, quân thiêz pêx xênhv tỉnh Bắc Ninh tưz muôx ntâu gôngr côngv, paz đas jos, cxuô zav trâu qơư ntâuk tros châuz, paz trâu zênhx liv Điện Biên Phủ “Nto bê sâuv ntiêx têz” co.

Zơưv Nguyễn Văn Đáp, Phưv Giám đốc Sở Vênhx huôv, Thể thao thiêz Du lịch tỉnh Bắc Ninh puz pâuz: “Pêz xar yax kriê, piêr pâuz đêz đar txos tas nro sơưr đơưk hâur thiêz đrâuv têz qơưk pâuz lok Bắc Ninh têx gôngr côngv hâur ntu tir ntâuk tros châuz Pháp tuôx txênhz têz qơưk, viv tsênhv tsênhz Bắc Ninh tưz paz lok six ntâu nênhs trâu têx qơư ntâuk tros châuz. Đhâu no pêz cux xar piêr pâuz lok đêx ar, lênhx nênhs nhoz Bắc Ninh txos trâu tsôngv kruô, sơưr đơưk pâuz”./.

Vũ Lợi-Lik Thox cxêik nhênhv

 8 tỉnh thax tsav Tây Bắc krêz đar muôx: Phú Thọ, Hà Giang, Điện Biên, Hòa BÌnh, Lai Châu, Lào Cai, Yên Bái, Sơn La muôx thax tsav qơư jông jav, muôx têx txơưr, têx vênhx huôv chax chês jông, phongz cxưx, cêr uô nênhx, ntênhs phêv, tsôngs yo, têx cưr cxiêx trâur lâuk jông. Tsov lơưr zuk li têx muôx ntơưv qơư, sik côngv huôv tsar ju lix thã tsav Tây Bắc krêz đar đros TPHCM tưz muôx ntâu huôx tôngv cxơưz tiês heik kriê ju lix, uô têx xiv huv ju lix jông, zaz zâuv tsôngv kruô, đhâu co paz ju lix huôv tsar, gôngr phênhv cxơưz tiês hlôngr yiêz kinh têr nhoz tiv phaz. Shông 2023, tas nro kruô tuôx 8 tỉnh njuôs xav tax 27 tsov jiês. Phú Thọ kruô tuôx njuôs xav tax 776 cxênhz jiês, chuôz ndê chungz fênhx 15% pir đros shông 2022. Shông 2024, ju lix txos têz qơưk Hùng Vương njuôs xav tsos 800 cxênhz jiês kruô tuôx ndis seiz têz qơưk, hâur co chêx chôngk lok ntu txiv côngv huôz teik Hùng Vương- Ntênhs phêv tsêr mnov HÙng thiêz Ciêz vênhx huôv ju lix têz qơưk Hùng Vương shông 2024./.

BaoPhuTho-Txâur Vax cxeik nhênhv

 Đros tsưr ziv “kriê têx kror pêx xênhv xar pâuz”, ntu đhâu, huyện Trạm Tấu (tỉnh Yên Bái) tưz sir jos kriê uô hâux lưv trâu chor lox tôngv jêx jok. Txix shông 2020 txos nhiv no, tas nro huyện Trạm Tấu tưz kriê trâu 3.700 ntâu lênhx nênhs, phênhv ntâu zos tsôngv box mênhx cxưx tsơưs nênhs, tsêx trung trâu têx kror hâux lưv: Chox ndis shuôk du lịch, tu zus tsiêx cxu-thú y, kỹ thuật chos ndêz, chos poz cưk, chos blêx… Txos nhiv no, chor nênhs cơưv muôx hâux lưv uô hâur kôngz nuv tax tâu muôx 100%, phênhv ntâu zos uô nox ntơưv zuk chuôz zis, thax tsav qơư nhoz. Đros chor nênhs tsik cơưv lok uô kôngz nuv li: Cơưv cxiv tsa, tênhv dân dụng, uô yuôx zêx… chor nênhs muôx hâux lưv uô txix 60-70% tror sâur thiêz zuôr uô tâu nox ntơưv zuk chuôz zis, cxaz chuôz cxiv tsa ntơưv têx tôv, đôiv côngz trinhx cxiv tsa hâur huyện./.

Báo Yên Bái-Lik Thox cxêik nhênhv

Tin 10: Lơưr Ban chỉ huiz phax tar ntux nas thiêz nriêr chơưv nanv tỉnh Lào Cai li pov cov, shông 2023 thiêz 3 luz hlik hâur shôngk shông 2024, tas nro tỉnh muôx yưv 30 jiês ntux nas uô ruôr hiêv zov chênhr lok lênhx nênhs thiêz chuôz zênhx chuôz tas. Chuô lox, lok nas, đêx ngaz, tox poz…uô 18 lênhx nênhs tuôs, iz lênhx nênhs plox mông thiêz 7 lênhx nênhs trâus saz; 659 luz tsêr trâus ruôr hiêv thiêz zênhr shar; zuôr xar 12 cxênhz ntâu hecta blêx, poz cưk, kôngz lôngk cxuô zav trâus ruôr hiêv; 500 ntâu tul tsiêx cxu, keiz ok trâus tuôs; zuôr xar 150 côngz tsinhx cxuô zav trâus puok tsuôx. Tiv zix, ntux nas uô 1 cxênhz ntâu qơư muôx tox poz sâuv têx cêr muk lok. Njuôs xav ruôr hiêv lok kinh têr tiv ntux nas shông 2023 zos 1 cxênhz 120 tỷ đeiv ntâu./.

BaoLaoCai-Txâur Vax cxeik nhênhv