Shông 2025, uô kôngz nuv thiêz zuôr muôs chor kôngz nuv tỉnh Sơn La tror hlôngr yiêz jông. Tas nro thax tsav chos ntôngx nox txir thiêz txir tuôz ziz muôx 85 cxênhz ntâu héc ta, sâu tâu muôx 526 cxênhz ntâu tấn, tsar ndê muôx 2,73% lok thax tsav thiêz 34,47% ntâu chor txir ntông pir li shông 2024. Muôx tau li no zos muôx đêx ar huv đros, thax tsav chos txir ntông tsar ndê, đros pêx xênhv sir zôngv têx tsưr ziv kỹ thuật yiez lok uô thiêz phax tar jông têx caz hmoz. Uô chor kôngz nuv cux sar ndê siêz, đros tsiv gri kinh têr muôs tơưv saz đrâuv têz qơưk shông 2025 tâu muôx 218 triệu ntâu USD, ndê 15% pir li shông uô ntêx. Chor hax huv muôs tơưv saz đrâuv têz qơưk chênhr zos yuôx zêx, cà phê, kok ntông đros ntâu zav txir ntông li txir mo mộng, txir lưv tsiz sôngz, txir lưk kâuz hmaz, txir tsơưz, poz cưk jiz./.

                                                                                                     Thanh Thủy-Lik Thox cxêik nhênhv

Điện Biên muôx ntâu kror jông chiê huôv tsar kôngz nuv hax huv, taz sik qơư sâuv zuôr tsênhv zos iz phêv liv lox viv tsiv uô zâu, tsi tâu muôx sik côngv jông mak tsuôk khov txos tuz luôv. Txix qênhx shênhx no, tỉnh xav tênhv sik côngv thax tsav qơư, txix tsiv uô txos sâu zuôr zos tsưr ziv zuôr trâus chiê krêz đar niêv ciêz, muôz siêz tsiv grê thiêz đas jos tơưv txênhz trâu xiv huv tiv phaz. Ntu đhâu, tỉnh tưz yênhx lix ntâu thax tsav tsiv uô chêx chôngk đros têx tsoz chos tsênhv li blêx, cà phê, mắc ca, cao su, ntông nox txir; thôngx cxix cxơưz tiês sik côngv đros têx doanh nghiệp tsiv uô chiê muôz siêz tsiv grê. Tiv zix zos tsêr meir tsiv uô cao su xã Thanh nưa nhiv kruôr huôx tôngv kaz shông 2025, gôngr phênhv muôz siêz tsiv grê xiv huv thiêz muôz hâux lưv uô trâu lox tôngv tiv phaz. Đros yưv pênhr tsiv uô, tỉnh chuôz tsar muôv muôs, sik côngv, krêz đar niêv ciêz sâu zuôr xiv huv./.

                                                                                                          BĐB-Txâur Vax cxêik nhênhv

           Tiv muôx chuôz txiêk, têx hnuz đhâu, jêx tưv ntơưv chor thax tsav nhoz huyện Trạm Tấu, tỉnh Yên Bái kuz-nhiv no zos tỉnh Lào Cai grêk kik, yuôr muôx 10 tưv, hmo ntux thiêz têis cik sơưr nzor muôx qơư kik đuô 5 tưv, đros muôx huôz tsâuk. Đros qênhx shênhx no, shux xênhz niêv txir, tsêr cơưv ntơưr thiêz chinhr quyền ntơưv qơư tưz kriz uô chor tsưr ziv phax tar ntux no trâu chor shux xênhz. Tsêr cơưv nhuôv zâu Họa Mi, xar Phình Hồ nhiv no muôx 635 lênhx shux xênhz đros pêz luz tsêr cơưv nhoz têx jêx jok, phênhv ntâu zos tex tuz nhuôs tsônv box mênhx cxưx Hmôngz. Iz chas stêr cơưv khor truôx, chor nhuôv tâu bax txâuk pav sor thâuv pư thiêz nox têx jâuz mor sor. Cưk kriê Vũ Thị Liên, Hiệu trưởng tsêr cơưv puz pâuz:“Đros hâux lưv uô paz cov sor trâu chor shux xênhz hâur têx hnuz ntux no mak tsêr cơưv zuôr tsik tsưr tsix chor jiês cơưv đrâuv jôngr chiê chor nhuôv cơưv hâur lớp cơưv xưz, đros co zos yax kriê trâu shux xênhz niêv txir muôz trâu chor nhuôv hnaz cov txâuk sor, trâu khov khưv, lôngx têk, ntông câuk mov thiêz câur fuôv cov sor trâu mê nhuôv”./.

                                                                                                    Thừa Xuân-Lik Thox cxêik nhênhv

 Công an tỉnh Lai Châu nhiv kruôr tik cêr cxâuv, ntês Nguyễn Thị Nga xênhz shông 1980 nhoz phường Trung Thành, tỉnh Thái Nguyên chiê qênhz yuôx lok hâux lưv liv zôngv pênhr cov cik txos dự án tsêr meir đêx tênhv bản Chát chiê huôz nox ntâu ziv chuôz zis tsuv txar qơư nhoz yiêz li 1,5 tỷ nhiêx txiêx. Lơưr qênhz yuôx, Nguyễn Thị Nga zôngv taik khoản TikTok đăng ntâu video heik lok pênhr cov dự án, chiv chir jênhv zos pâuz thiêz shưv lênhs tov têx chiz coaz TƯ thiêz cam kết zuôr paz sđ car chêx zos têx ziv chuôz zis co gôngr côngv nhiêx txiêx. Njênhs Nga têx luk heik, ntâu ziv chuôz zis tưz xa nhiêx trâu Nga. Taz sik đhâu 6 luz hlik ntâu, Nga tsi xa đeiv ntơưr pênhr cov tưs trau chiz coaz muôx vax huôv. Hnuz 31/12/2025, Công an tỉnh Lai Châu tưz ntês Nga thiêz txos hnuz xiêz 8/1/2026 tror tik cêr cxâuv viv nziês đas huôz nox nhiêx txiêx. Nhiv no txuz hâux lưv no tror tâu qênhz yuôx uô trơưk PL li cui tênhv./.

                                                                                                        Khắc Kiên-Txâur Vax cxêik nhênhv