Chiv nhênhv 70 shông ntâuk zênhx tros châuz ntơưv Điện Biên Phủ (7/5/1954-7/5/2024), tỉnh yên Bái zuôr tsưr tsix 7 đoanx muk sêiz shuôk, khơưk muôz hax huv paz trâu chor ziv chuôz zis muôx nênhs zos Liệt sĩ, chiến sĩ Điện Biên, hluôk nênhs uô ntêx hlo thâuv ntêx, dân công hỏa tuyến cxaz chuôz trâu côngz xưv ntâuk tros châuz ntơưv Điện Biên Phủ shông 1954. Lơưr co, tỉnh Yên Bái zuôr tsês 230 kror hax huv tsiv gri muôx 1 triệu thiêz 2 triệu đêiv iz kror chiê muôz paz trâu 230 lênhx nênhs hlôngr njêx muôs chor chuôz zis muôx nênhs zos liệt sĩ, chiến sĩ Điện Biên, kuz hluôk nênhs uô ntêx hlo thâuv ntêx, dân công hỏa tuyến-zos chor nênhs cxaz chuôz trâu côngz xưv ntâuk tros châuz ntơưv Điện Biên Phủ tsênhv uô nênhx nhoz sâuv thax tsav tỉnh Yên Bái./.

Thừa Xuân-Lik Thox cxêik nhênhv

Đhâu 70 shông, taz sik chor tuz lênhv lâul tir ntâuk tros châuz tsưx phưv Điện Biên thâuv ntêx têx cêr txov, chiv nhênhv thâuv ntu co cux tsênhv nhoz đreiv hâur lơưr đruôz siêz tsi plox. Ntơưv jiês cơưv khoa học cấp têz qơưk nhiv kruôr đhâu lok ntâuk zênhx tros châuz Điện Biên Phủ, Đại tá Nguyễn Hữu Tài, kuz seiz car chính trị Trung đoanx 209, Sư đoanx 312, kuz Phưv Cục tsar Cục Quân huấn, Bộ Tổng tham mưu-lênhx buôk ti cxaz chuôz tir ntâuk tros châuz Điện Biên tưz heik uô cuô muôs pôngz nthar thâuv tror ndo txos pêz têx tuz lênhv tir ntâuk zênhx tros châuz, shir phaz lus tsa qix chuôs tsi ntơưv thơưx tuz tros DeCastries qơư nhoz tir ntâuk tsav. Chiê uô tâu luôs hâux lưv co, tsưx phưv têz qơưk thax zênhz, tsôngv pêx xênhv muôx qơư nhoz truôx tuk, têx lênhx fôngx zưs, tuz lênhv đros zơưv tir ntâuk tros châuz tưz tâu tas siv nênhx nhoz suôv qơư no:

“Pêz tưz sik thôngx siêz sir jos tir ntâuk tros châuz, ntâu jiês tsuv tso hôngz poz ntâuk tuô jê tros châuz têx qơư nhoz, qơư muk lol sâuv trôngz D1. Co zos têx jiês tir ntâuk lok six phiv liv taz sik pêz cux sir jos chiê tsưx phưv tâu truôx thax tsav qơư. Ntâu lênhx thơưx seiz car, tuz lênhv đros pêz tir ntâuk tros châuz tưz tâu tas siv nênhx, ntâu tus chôngz lênhx lơưr tâu tas siv nênhx nhoz qơư tsav tros no, viv li thâuv tưs heik txos têx cêr tir ntâuk tros châuz thâuv ntêx pêz cux jông siêz thiêz tâur tsi tâuk luz cuô muôs viv iz cxiê tuz lênhv viv têz qơưk, viv tsôngv lax pêx xênhv tưz tâu tas siv nênhx”./.

Vũ Lợi-Riê Lâux cxeik, nhênhv

Txêik tok têz qơưk Lào li Tsiêz cxôngx nzor Bunpimay, 800 ntâu lênhx shux xênhz Lào ntơưv Sơn La tưz đros cxaz chuôz tsaz yênhx njiz njêx muôs, vênhx huôv, vênhx nghệ, thể dục thể thao ntơưv tsêr cơưv cao đẳng Sơn La. Tsaz yênhx zos Tỉnh đoàn Sơn la tsưr tsix. Chor huôx tôngv tâu tsưr tsix hâur Tsiêz cxôngx nzor Bunpimay hêik tơưv têx sir jos, paz uô truôx jông đuô sik côngv siêz, thôngx ziv nhoz hluôk nênhs oz têz qơưk Lào-Việt Nam, paz muôx cêr lov jêv, shir phaz trâu chor shux xênhz Lào. Jiês no, Tỉnh đoàn, Sở Zoz zux, Hôiv Cxơưz cxiz cơưv ntơưr tỉnh Sơn La tưz muôz ntơưr kruôk trâu 45 lênhx shux xênhz Lào sir jos cơưv ntơưr txơưx thiêz cxaz chuôz têx huôx tôngv đoàn, hôiv ntơưv tỉnh Sơn La./.

Trấn Long-Lik Thox cxêik nhênhv

Cuz sor, kruôr gis ntêr hnuz tsênhv uô ntâu har jôngr nhoz Lai Châu zôngx ziv trâul hluôr tơưk txeik cuz, uô ruôr hiêv. Ngênhx muôx vax huôv ntơưv qơư nhiv no tsênhv sir jos fuô uô ntâu faz tsưr ziv chiê txo grêk tsơưs têx txuz hluôr tơưk cuz jôngr. Zơưv Vòng Cá Lành, nhoz jok Pa So, thị trấn Phong Thổ, huyện Phong Thổ (Lai Châu) muôx liêx têz nhoz jê thax tsav har jôngr lâul zos têx lênhx nênhs yuôx jôngr seiz car. Hâur têx hnuz đhâu, zơưv chuôz zis suô têx blôngx kruô, luôx têz hlơưr chiê bax chos poz cưk, uô blêx tưz uô jông trơưk cui tinhv luôx têz, hlơưr têz trơưk cui tinhv chiê hluôr tơưk tsi txeik chis cuz, uô ruôr hiêv jôngr:

“Cur chuôz zis muôx têz nhoz jê ntus har jôngr, chuôz zis cux tưz tâu canr bôv yuôx jôngr yax kriê lok sâuv phax tar tsi chiê hluôr tơưk cuz jôngr. Cur cux tưz đros tsôngv box uô jông lơưr cui tinhv lok phax cuz tuô cuz jôngr, tsi chiê txeik chis cuz trâu têx har jôngr, xuz tsuôs. Nhiv no tsênhv lok six kruôr gis, cuz sor hênhr, pêz tsênhv uô jông têx tsưr ziv, cui tinhv lok hlơưr têz, tok txos thâuv tưs muôx têx lênhx nênhs yuôx jôngr tso chei, pêz li tâu hlơưr têz”./.

  Khắc Kiên-Riê Lâux cxeik