Tây Bắc zos qơư muôx 30 ntâu mênhx cxưx sik đros nhoz uô nênhx. Hâur jiês tsav txênhz Điện Biên Phuv, tsôngv box têx mênhx cxưx nhoz no tưz muôx têx gôngr côngv coaz tsôngv, gôngr phênhv lok tas nro mênhx cxưx li têx côngz lox sâuv têz qơưk. Tsôngv box thâuv co cê cxaz chuôz thâux hax huv, cê zos têx lênhx nênhs thôngz xor mông, thâuv tưs cux uô ntêx nyuôk hâur cxuô qơư tsav txênhz. Lơưr sei đrơưv, sir jos paz max, pheiz kênh têx phêv liv đros têx lênhx nênhs nhoz têx tỉnh tiêx đras tuôx cxaz chuôz jiês tsav txênhz. Zơưv Trần Quốc Cường, Ủy viên TW Đảng, Bí thư Tỉnh ủy Điện Biên puz pâuz: “Hâur jiês tsav txênhz Điện Biên Phuv, tsôngv box têx mênhx cxưx tỉnh Lai Châu, nhiv no zos tỉnh Điện Biên thiêz tỉnh Lai Châu tưz gôngr paz trâu 2 cxênhz 666 tênhr cxur, hla đhâu 64 tênhr; 226 tênhr greix, hla đhâu 43 tênhr, 210 tênhr jâuz njuôz, huiz tôngv zuôr xar 17 cxênhz dân công, đros 568 hnuz côngz; zuôr xar 450 tul nênhk, yênhx cxênhz jiês fuôx gox thâux hax huv, gôngr 25 cxênhz ntâu tsoz ntông lox uô cêr thâux fov lox thiêz bộ đội muk lok”./.

Vũ Lợi-Txâur Vax cxeik nhênhv

Txix hâur shôngk shông txos nhiv no, ntâu qơư hâur tỉnh Sơn La tsi lok nas, cuz sor, kruôr gis ntêr hnuz uô ruôr hiêv lox txos tsôngv pêx xênhv luz nênhx xênhz huôx, huôv tsar kôngz lôngk. Cuz sor, kruôr gis ntêr hnuz uô tix lâus Trần Bình Trọng nhoz jok Hoàng Văn Thụ, xã Hua La, TP Sơn La chuôz zis 2 ha ntâu txir lưv tsiz sôngz, txir mo môngk, cà phê tơưs pax, txi tsi tâuk txir; muôx kênh tsoz chos tơưs pax jênhs tas, blôngx, chês trâul kruôr njưs.... Tix lâus Trọng heik: Shông no, ntux txơưr txar phiv liv, tsi thôngx li cxiê shông. Tsôngv box sơưr đơưk hâur jok tưz nzaz nzơưv têx đêx hâur pak njêl, kror đêx chiê zưs iz kro mê njik trâu tsoz chos, taz sik no cux tsuôk zos lav zưs chơưv mê njik trâu tsoz chos xưz, viv têx hâur đêx iz hnuz cux kruôr jux juk. Nhiv no tsôngv box lênhx tưs cux tok njôngr sêz ntux pok lol nas paz xưz: “Chuôz zis tưs muôx kror đêx nhoz jê liêx têz mak thiêx zưs tâu trâu tsoz chos, zos tsi muôx đêx nhoz jê, tsi pov kaz uô li chas, viv hur si puôr lênhx khov trâu ntux, zuk tsi muôx faz tsưr ziv tưs phax tar tâu kruôr gis”./.

Trấn Long-Riê Lâux cxeik, nhênhv

Xor mông txix UB huyện Sìn Hồ, tỉnh Lai Châu puz pâuz, ntux lok nas thiêz chuô lox muôx yưv hmo 17/4 tưz uô 2 lênhx nênhs trâus plox mông thiêz uô ntâu luz tsêr trâus zơưk trur, ruôr hiêv lox txos tsôngv box sâuv thax tsav li  tsoz chos, kôngz lôngk cxuô zav. Ntux lok nas lox thiêz chuô lox uô tix lâuk Phàn A Công xênhz shông 1994 nhoz jos Dền Thàng, xã nậm Cha luz fuôx trâus nzênhr thiêz tos. Thâuv muôx txiêz nanv, sâuv fuôx thâux 4 lênhx nênhs. Chuô lox uô fuôx nzênhr, 2 lênhx nênhs trâus plox mông. Đrâuv co ntux lok nas lox cux uô lor ntâu tsoz ntông, ndêx tênhv; 120 luz tsêr trâus zơưk trur nhoz têx xã Chăn Nưa, Tả Ngảo, Nậm Cha thiêz uô puôk tsuôx tas hur si qơư uô mor nox nhoz tsêr cơưv phổ thôngz mênhx cxưx niêv txir zus mor Nậm Cha thiêz tsôngv box li iz cxiê mênhv chêx kôngz lôngk./.

K.Kiên-Txâur Vax cxeik nhênhv

Tas cik sơưr nzor hnuz 18/4, iz coz khâur jênhs chuô lok hâur iz cxiê thax tsav qơư ntơưv tỉnh Lào Cai tưz uô ruôr hiêv txos cxuô zav. Đhâu têx thax tsav qênhz shuôs tso pov, xav hur si pêx xênhv muôx 113 luz tsêr trâul uô hiêv, phênhv ntâu nhoz têx huyện Văn Bàn, Bảo Yên thiêz Mường Khương. Khâur jênhs chuô đros nas cux uô tsôngv box nhoz têx huyện Mường Khương, Bảo Yên, Bắc Hà li 40 ntâu ha kôngz lôngk trâul puôk tsuôx, tsi jông tas. Iz chas ntơư, chuô lox tsênhv uô ruôr hiêv txos iz cxiê côngz trênhx li: Tsêr vênhx huôv, Ủy ban qơư uô hâux lưv, qơư tsiv uô trox ciêv fix nhoz 2 huyện Bảo Yên thiêz Bắc Hà. Njuôk xav têx trâul nas chuô uô ruôr hiêv heik sâuv tas xar muôx 3 tyv đeiv. Nhiv no ntux txơưr txar lok six phiv liv, tsôngv box sơưr đơưk tsuv chênhr phax chiê txo grêk tsơưs têx tsi jông, trâul uô hiêv./.

 An Kiên-Riê Lâux cxeik