Dưv anr kho đuô thiêz phuôx huiz tsiv gri qơư du lịch lịch sử Ngã ba Cò Nòi đros bê hu zos” Qơư di tích lịch sử Ngã ba Cò Nòi, huyện Mai Sơn, tỉnh Sơn La” zos Ủy ban xar Mai Sơn uô tsưr yưv pênhr, kriz uô sâuv thax tsav đar xar muôx 6 héc ta, tas nro pênhr yưv uô muôx 61 tiv đêiv ntâu. Cxuô kror hâur dưv anr muôx: kriz uô qơư tsês chiê têx kror thâuv ntêx thiêz cêr muk lok xar muôx 2,9 héc ta; uô qơư quảng trường dịch vuv đros đrêk têx yêz đar xar muôx 0,33 héc ta; cxiv tsa têx tsas thêir, qơư tso đêx ntưk muk; cxiv luôs đêx, phax cuz tuô cuz… Trơưk tsưr ziv xuz thơưx, dưv anr tâu kriz uô hâur ntu txix 2021-2025, taz sik tiv yuôr iz cxiê kror phiv liv viv li tsênhv thor cov kho đuô txos shông 2026. Hâux lưv kriz uô dưv anr zos chiê tuôr tsês têx di sản vênhx huôv, paz gra siêz tsơưr lươngv tênhv qơư, huôv tsar du lịch vênhx huôv, siz txuôk têx qơư du lịch hâur thiêz đrâuv tỉnh./.

Thu Thùy-Lik Thox cxêik nhênhv

Đros têx chuôz tsar jông txix ciês hâur shôngk shông 2026, ju lix Điện Biên tưz huôv tsar muôx chêx cuk têx tsiv grê vênhx huôv tiv phaz, ndar txos huôv tsar truôx tul. Hẩu quý I, tiv phaz tos muôx nhos 550 cxênhz jiês kruô, chuôz ndê 30% pir đros tsêz no. Chêx cuk no muôx tâu zos txix hâux lưv hlôngr saz huôv tsar. Côngv thôngx 19 mênhx cxưx zos kror tsênhv tsênhz, đros têx tsiv grê li ntênhs phêv, zav nox, phongz qơưx tâu chox lok yênhx têx xiv huv ju lix jông. Zơưv Trần Hải Hà, Qênhx giám đốc Sở vênhx huôv thiv thao thiêz ju lix tỉnh Điện Biên puz pâuz:

          “ Hâur tsưr tsix têx huôx tôngv vênhx huôv, pêz zuôr tsưr tsix ntâu đuô nhoz têx jos ju lix côngv thôngx, jos vênhx huôv chiê paz têx jêx jos co heik kriê xiv huv ju lix jông nhoz zuk tiv phaz. Thâuv tsôngv kruô tuôx, lơưr zuôr tâu nriêr pâuz vênhx huôv, zav nox thiêz jông siêz đuô thâuv tuôx ndis seiz uô si”./.

Vũ Lợi-Lan cxêik nhênhv

Xar ntus đriv Phong Thổ, tỉnh Lai Châu, muôx zuôr xar 1.800 héc ta tsoz chos kôngz krâur, 700 ntâu héc ta ntông nox txir thiêz zuôr xar 1.000 héc ta tsoz chos công nghiệp, sâu tâu muôx 20.000 ntâu tấn iz shông. Kôngz nuv zos yênhx nganhx paz trâu kinh têr, taz sik cux tsênhv tâu muôs zâu, tsik tâu sik côngv đros doanh nghiệp. Viv li cux tsênhv muôx sâu tâu ntâu, ho muôs tsik tâu gri, tsuv muôx têx tsưr ziv jông đuô chiê paz gra siêz tsiv gri trâu chor kôngz nuv nhoz tox siêz. Zơưv Lò Văn Biên, Phưv Trưởng phòng Kinh têr xar Phong Thổ puz pâuz: Đros qênhx shênhx no, chinhr quyền thax tsav qơư tsênhv sir jos nriêr tsưr ziv đơưk kho: “Xar Phong Thổ nhoz buôs thax tsav ntus đriv, muôx trôngx đriv Ma Lù Thàng, lok six zôngx ziv trâu pox nhuôs zuôr muôs têx hax huv. Đuô li hâur xar li cêv kuôk zos cêv kuôk đros uô thax tsav kinh têr trôngx đriv. Xar cux tưz muôx ntâu tsênhv chêi yưv pênhr trâu pox nhuôs; tiv zix zos têx tsênhv chêi lok kôngz nuv, paz trâu kôngz nuv thiêz paz lok huôv tsar chor hợp tác xã; paz lok têx chủ trương chie cxaz chuôz đros uô chor hax huv OCOP”./.

Khắc Kiên-Lik Thox cxêik nhênhv

Nhoz thax tsav Phú hà, Phường Phong Châu, tỉnh Phú Thọ, qênhx shênhx ar jov, tox poz zov chênhr tsênhv uô phêv liv trâu tsôngv px nhoz buôk tul đêx Thao. Ntâu luz tsêr pov faz nja, plas tsêr tơưs plêz, njuôs xav zuôr poz vâu. Txix qênhx shênhx co chính quyênx tiv phaz tưz ciêr chênhr cêv kuôk, txar 11 ziv chuôz zis muk nhoz qơư taz por. Lưx lươngv công an, dân quân tâu huiz tôngv chiê seiz jor, paz tsôngv px txar qơư nhoz. Nhiv no qir tiv muôx yưv qênhx shênhx no tsênhv tror tâu qênhz shuôk, ntâuk grê. Chính quyênx heik tsôngv px tsi muk jê thax tsav qơư riêz nênhs, chuv tôngv txar jav chiê taz por trâu lenhx nênhs li txox siê thiêz chuôz zênhx chuôz tas./.

VOV-Lan cxêik nhênhv