Trung tướng Phạm Đức Duyên đros đoàn côngz xưv Quân khu 2 nhiv kruôr qênhz yuôx, chox kriê côngz xưv zok nriêr chor liệt sĩ thiêz nriêr têx hôngz poz, bôngk tsênhv yuôr hâur ntu ntâuk tros châuz ntơưv Tuyên Quang thiêz Lào Cai.

Kriz uô “Côngz xưv 500 hnuz hmo”, Quân khu 2 tưz tso cxaz nzir nênhs chôngz đuô muôx 6 jiês trâu chor đôiv zok nriêr chor liệt sĩ sâuv thax tsav. Uô ntêx co, chor lưx lươngv tâu cơưv shâuv tsưr ziv zok nriêr, xav jênhv nza, chor liệt sĩ, uô ntâuz ntơưr, cux li sir zôngv GPS thiêz sik côngv zok nriêr têx hôngz poz, bôngk. Ntơưv qơư siêz 211, Trung tướng Phạm Đức Duyên hêik mênhx, jiês cơưv shâuv tưz hêik tơưv Quân khu li sir jos chinhr triv siêz hâur kriz uô côngz xưv no. Đhâu ciês cơưv shâuv, têx taz viv tưz sir jos uô têx hâux lưv, uô cov tiêr jông jênhv vưv. Jiês no, Quân khu 2 tưz paz 130 triệu đêiv ntâu trâu chor lưx lươngv uô côngz xưv no ntơưv Tuyên Quang thiêz Lào Cai./.

TTTB-Lik Thox cxêik nhênhv

Ntơưv jiês cơưv tiv 2, Hôiv đôngx tỉnh Lai Châu khóa 16 tưz thôngz đhâu nghị quyết paz max shux xênhz heir nênhs tsơưs cơưv ntâuz ntơưr nox nhoz hâur tsêr cơưv têz qơưk zus mor, shux xênhz thiêz chor nênhs cơưv nhoz hâur tsêr cơưv chuôz zis zus mor, đros têx tsêr cơưv hâur thax tsav tsưr tsix kriê, cơưv cxaz txux chi tưr thik. Đros trâu têx li heik co, shux xênhz tâu paz nhiêx nox, nhoz hâur ntu cơưv cxaz nzir txux chi tưr thik thiêz dự thik, paz txo grêk tsơưs phiv liv trâu chuôz zis, lar heik zos ntơưv chor thax tsav txov nhêv. Chei paz co tâu vav chiê siêz, zuôr paz shux xênhz tso siêz nhoz cơưv ntâuz ntơưr chiê tưr thik tâu jông, iz chas ntơư muôz nzir six hơưv cơưv ntơưr trâu shux xênhz thax tsav tox siêz. Pos Hoàng Thu Phương, Phưv Giám đốc Sở Zoz zux Lai Châu heik pâuz, ngênhx tưz bax fuô uô ntâu faz tsưr ziv chiê uô tâu nzor tsênhv chei no hâur tsênhv tsênhz: “Ngênhx zoz zux cux tưz chox kriê cxuô luz tsêr cơưv sir jos piêr kriê, yax mông cxix cxuô têx cui tinhv paz max, lar heik zos kriê lok jiês thik cơưv tiêr ntơưr lớp 12 shông 2026 txos trâu canr bôv seiz car, cưk kriê ntơưr, nhân viên, shux xênhz thiêz shux xênhz niêv txir. Tiv zix zos yax kriê têx kror yiêz lok cui tinhv tưr thik, tsưr ziv tsưr tsix tưr thik. Cxuô luz tsêr cơưv cux tưz kriê cxaz nzir têx txux chi trâu chor shux xênhz, cxiv tsa tsưr ziv cơưv cxaz huv đros trâu tsênhv tsênhz”./.

Khắc Kiên-Riê Lâux cxeik, nhênhv

Thôngz mông “Kriz uô nox tsuv piz txix tsưr ziv txos ciêz đrôngs, tsik zos lav uô xưz” tưz puz pov tsênhz txix shux xênhz nhoz Bắc Hà , tỉnh Lào Cai iz dưv anr.

Zênhx yênhx puô lênhx nênhs, 5 lênhx shux xênhz mênhx cxưx Hmôngz lớp 9 Tsêr cơưv Phôv thông Mênhx cxưx niêv txir zus mor Thải Giàng Phố tưz tax tâu giải pêz tas nro têz qơưk txix hax huv yuôx đrox njuôz “Tiên Ngân Sâm” – tâu uô txix chor yuôx đrox njuôz hmaz txir nti tơưr luk tsoz tsiz zos lạc tiên, kim ngân thiêz đảng sâm. Txix hâur chuôz zis luz kror chuz, chor shux xênhz no tưz uô yênhx pêz kror hax huv, gri muôs txix 50 txos 250 cxênhz đêiv. Hax huv tâu njuôk shuôk, kra txiêk ntơưv hợp tác xã, thiêz muôs trâu chor nênhs zuôr ciês ntơưv qơư kruô nhoz so sâuv thax tsav. Iz ciêz, chor shux xênhz no tsuôk muôx 2 six hơưv thâuv kaz ciêz. Tsêr cơưv puz pâuz zuôr tror huôv tsar hax huv, uô cov zos yênhx hax huv OCOP ntơưv thax tsav qơư. Txix têx yuôx no, shux xênh Bắc Hà tưz uô yênhx têx hax huv chiê huôv tsar uô nox-puz pov iz cxênhx hluôk truôx siêz, sir jos thiêz car uô yênhx tsênhv tsênhz./.

An Kiên-Lik Thox cxêik nhênhv

Lok nas lox đros trâu khâur jênhs chuô ntơưv iz cxiê xã li: Tủa Thàng Na Sang, hâur tỉnh Điện Biên têx hnuz đhâu tưz uô puôk tsuôx lok têx vax tsêr, côngz trênhx uz no thiêz tsêr cơưv ntơưr,  hur si têx trâus ruôr hiêv njuôk xav tas yênhx puô tsov đeiv.

Đhâu hlo nas chuô uô ruôr hiêv, hâu nov cxuô qơư  tưz zênhx max fuô uô luôs hâux lưv khưx phưx lơưr tsưr ziv 4 ntơưv qơư. Chor lưv lươngv muôx vax huôv tror tâu hu muk qênhz yuôx, qênhz shuôs têx qơư trâus ruôr hiêv, ntâuk grê têx tsi jông thiêz sik đros txiêr, yêv têx ntông trâus vâu lor, cêr muk lol trâus puôk tsuôx thiêz seiz shuôs, paz têx chuôz zis pêx xênhv trâus uô hiêv; paz sơưr đơưk nzor truôx luz nênhx. Txix ntux txơưr txar phiv liv, cxuô thax tsav qơư tưz bax tso lênhx nênhs nhoz trơưr ntơưv qơư hâur yênhx hnuz hmo chiê phax tir thêir tâu têx tsi jông zos muôx yưv; iz chas ntơư sir jos yax kriê, heik pêx xênhv bax cxuô faz tsưr ziv phax txar nas chuô lox, lok lơưs./.

Vũ Lợi-Riê Lâux cxeik, nhênhv