Têis cik hnuz 22/8, ntơưv tỉnh Điện Biên, zơưv Trần Quốc Cường, Bí thư Tỉnh ủy Điện Biên thiêz zơưv Viên Sạ Vặt Si Phăn Đon, Bí thư, Tỉnh trưởng tỉnh Luông Nậm Thà sik côngv đros sêiz car jiês cơưv hâur oz đoanx đại biểu Đảng, hâu nov tỉnh Điện Biên thiêz Đoanx đại biểu Đảng, hâu nov tỉnh Luông Nậm Thà. Hâu nov oz tỉnh cux hêik: Điện Biên thiêz  Luông Nậm Thà muôx tox trôngz câuv har, cêr khưr huôv tsar uô nox cux jông iz zav; viv li, hâu nov oz tỉnh tưz huôv tsar truôx cêr côngv siêz jông, sik paz uô cxuô luôs hâux lưv muôx liv trâu oz têz qơưs. Cxơưz cxiz huôv tsar cêr uô nox, kriz đar qơư ndis uô si, sêiz shuôk têz qơưs, sik côngv đas jos tsưr ziv tir thêir têx nênhs fêv nhiês zuôr muôs zax zênhz, tsưx phưv thax tsav ntus đriv oz têz qơưs truôx khor, tsôngv px muôx luz nênhx tsâu sor./.

                        Tsu cxêik nhênhv-Vũ Lợi-Thào Ly BT

Jiês cơưv HĐND tỉnh Lào Cai hnuz 22/8 tưz muôz 160 tyv đeiv ntâu chiê paz têx chuôz zis muôx luz nênhx txov nhêv, chuôz zis pluôs hâur thax tsav cxiv kho vax tsêr nhoz uô ntêx hli 9/2025. Chor nhiêx no zuôr muôz 8 tyv đeiv ntâu paz uô luôs hâux lưv njuôk hov têx ar nhoz, uô ntâuz ntơưr côngk nhav sir zôngv ar nhoz trâu 8 cxênhz ntâu chuôz zis zos chor tuz lênhv tâu tas siv nênhx chor nênhs hâur tsêr thiêz nênhs muôx côngz têz qơưk, chuôz zis pluôs, chuôz zis zuôr xar pluôs. Yuôr muôx 156 tyv đeiv muôz paz trâu 4.200 ntâu chuôz zis heik sâuv chiê cxiv uô yiêz, kho đuô vax tsêr nhoz. Tâu pâuz, đhâu qênhz shuôs, tas nro tỉnh Lào Cai nhiv no muôx 9 cxênhz ntâu chuôz zis tsênhv uô nênhx nhoz tax hâur têx luz tsêr đaz tuôs, kâus kêz jik. Yưx iz cxênhz chuôz zis muôx ar tsi huv đros njuôk hov uô vax tsêr nhoz, yuôr muôx 8 cxênhz ntâu chuôz zis muôx txâuk ar, ntâuz ntơưr chiê tâu paz. Nghị quyết tâu thôngz đhâu tưz uô tsênhz mênhx tỉnh Lào Cai têx cêr siz hluz siz paz, ndo txiêx njis txos chor nênhs muôx côngz têz qơưk muôx luz nênhx txov nhêv hâur thax tsav, paz txo grêk cêr pluôs, cxiv tsa jêx jok yiêz ntơưv qơư./.

An Kiên-Riê Lâux cxeik nhênhv

Hâur shông cơưv yiêz no, yênhx puô lênhx shuv xênhz zos hêir nênhs Hmôngz nhoz tsêr cơưv cxênhx iz thiêz cxênhx oz Hồng Ca 2, xã Hồng Ca, huyện Trấn Yên, tỉnh Yên Bái tsuv muk cơưv tax trâu qơư txơưr; viv tsêr cơưv nhoz thax tsav qơư riêz nênhs, ar, poz jêz zôngx ziv trâus poz lok cxuz tsêr cơưv ntơưr thiêz luz tsêr cơưv co, cxiv uô tâu tiêr trâu shông 2009. Hâur shông cơưv 2024-2025, tsêr cơưv no muôx 460 lênhx shuv xênhz.  Zơưv Hà Thanh Chương, Chủ tịch Uỷ ban xã Hồng Ca cux hêik pâuz tiêk: Viv ntux lok nas truz ntêr hnuz, thax tsav qơư tsêr cơưv co muôx trôngz siêz, tưz pov muôx ar xưz poz, zôngx ziv uô trâu ar, poz jêz poz lok cxuz tsêr cơưv ntơưr.

Chênhr zos li hêik ntơư, cưk kriê hâur tsêr cơưv tưz hêik trâu hâu nov xã, huyện chiê shuv xênhz muk cơưv tax trâu qơư txơưr, nhoz đêz tsêr cơưv co 2 cêik cêr, tsik chiê nas chuô uô ruôr hiêv txos cxuô lênhx shuv xênhz thiêz cưk kriê ntơưr luz nênhx, txo siê./.

                             Tsu cxêik nhênhv-TTTB-Thào Ly BT

Tiv ntux nas lox ntêr hnuz, ntâu suôv qơư hâur thax tsav TP Điện Biên Phủ, tỉnh Điện Biên tưz trâul đêx ngaz, tox xưz poz, uô ruôr hiêv tas ntâu têx chuôz zênhx chuôz tav thiêz tsôngv pêx xênhv luz nênhx xênhz huôx, huôv tsar uô nox uô hnar. Tsênhv tsênhz, lok nas lox hâur têx hnuz đhâu tưz uô tox poz, pêk tu lok cxuz 7 chuôz zis têx vax tsêr. Hâur co, phường Him Lam 3 chuôz zis, phường Tân Thanh 3 chuôz zis, phường Mường Thanh iz chuôz zis. TP Điện Biên Phủ tưz chox kriê cxuô xã, phường đros zênhx max paz 3 chuôz zis hâur phường Him Lam yêik txar lênhx nênhs, chuôz zênhx chuôz tav muk nhoz qơư truôx tuk; iz chas ntơư fuô uô cxuô faz tsưr ziv khưx phưx têx tsi jông tiv ntux nas uô nhoz chor thax tsav trâul ruôr hiêv txơưr đuô. Uô ntêx co, trơưk li heik pâuz, hnuz 21/8 hâur thax tsav huyện Điện Biên cux lok nas lox, uô đêx ngaz, tox xưz poz thiêz uô puôk tsuôx 7 chuôz zis pêx xênhv hâur huyện Điện Biên têx vax tsêr. Iz chas ntơư, đêx nas huôv lox tưz uô iz tus qox muk trâu tsêr cơưv cxênhx nhuôs zâu Co Pục, xã Hua Thanh trâul poz vâu. Uô tsôngv pêx xênhv ntâu liêx têz kôngz lôngk, pak njêl trâul ngaz, ar poz jêz cxuz..../.

Vũ Lợi-Riê Lâux cxeik, nhênhv