42 tỉ đeiv ntâu zos phênhv yưv pênhr mak HĐ tỉnh Sơn La nhiv kruôr thôngz đhâu cuiz tênhv tsưr ziv yưv trâu dự án Tsêr cơưv cxênhx 2 Tạ Khoa, huyện Bắc Yên chiê khưx phưx qênhx shênhx đêx ngaz uô shux xênhz tsuv so ntơưr thâuv muôx ntux nas lox. Lơưr tsưr ziv, Tsêr cơưv cxênhx 2 Tạ Khoa nhiv kruôr tâu cxiv tsa đros tsưr ziv khưx phưx qênhx shênhx đêx ngaz nhoz tsêr cơưv kuz; paz cơ sở cxuô zav jông đuô, taz por, phưx vưv trâu cưk kriê thiêz shux xênhz li zoz qơưx kriê thiêz cơưv ntơưr. Tsêr cơưv cxiv tsa iz luz tsêr 3 yôngx đros muôx 15 qar cơưv thiêz qơư uô côngz xưv trâu cưk kriê; 17 qar qơư nhoz bán trú trâu shux xênhz thiêz tsêr uô jâuz mor; 10 qar qơư trâu cưk kriê. Six hơưv uô dự án hâur shông cơưv 2024-2025./.

Thanh Thủy-Txâur Vax cxeik nhênhv

Ntâu txox cêr muk lol nhoz Điện Biên trâul xưz poz muôx yênhx puô ntu, uô tuôr thênhv txos têx yêz muk lol tâus cêr. Cxuô taz viv seiz car, cxiv kho cêr nhiv no tsênhv sir jos tso lênhx nênhs, têx yêz câuk ar nhoz trơưr ntơưv qơư chiê khưx phưx, thoz huk têx ar, poz jêz thâuv trâul xưz poz. Đhâu qênhz shuôs sâuv têx cêr lox li: Txox cêr lox sôr 6, cêr lox 12, 279 puôr lênhx pov muôx yênhx puô qơư trâul xưz poz. Yuôr ntơưv huyện Điện Biên Đông, lok nas lox uô tox xưz poz cxuz ntu cêr txix qơư tu zus nhux (xã Keo Lôm) muk trâu tsênhv qơư huyện Điện Biên Đông. Txox cêr muk txix tsênhv qơư huyện trâu chor xã muôx ntâu ntu trâul xưz poz, uô têx yêz muk lol tâus cêr njiz trâul phiv liv, ntâu ntu yêz lox muk tsi tâu đhâu, iz zav li muk trâu chor xã Phiz Nhưx, Har Liêx, Tiêx Njênhx, Phình Giàng, Pú Hồng./.

Vũ Lợi-Riê Lâux cxeik nhênhv

Ntâu tsưr ziv tưz thiêz tsênhv tâu cấp ủy, chính quyênx tiv phaz thiêz têx cấp bộ đoàn nhoz tỉnh Sơn La krêz uô chiê heik kriê đêz đar hluôk nênhs li chinhz yênhx nhoz uô nênhx jông, uô ntêx nyuôk viv côngv thôngx. Nhoz uô nênhx jông, muôx liv zos têx hluôk nênhs li cêr uô nênhx jông chiê gôngr phênhv cxiv tsa Đảng, chính quyênx truôx vênhs, uô trâu xã hội ziv hnuz ziv jong đuô, shir phaz đuô. Viv li, đảng viên hluôk nênhs, đoàn viên hluôk nênhs thâuv uô têx hâux lưv muôx chêx cuk tsênhv tsênhz zuôr paz krêz uô đêz đar txos cxuô lênhx nênhs. Tix lâuk Lò Mạnh Cường, Phưv Bí thư tỉnh đoàn Sơn La puz pâuz: hâur têx ploz tsênhr shông no, tỉnh đoàn tso tơưv tsưr ziv sir jos muôx 90% đoàn viên, hluôk nênhs cxaz chuôz têx huôx tôngv txưv zênhv, uô ntêx nyuôk viv côngv thôngx: “Ban thường vụ tỉnh đoàn tror uô tsênhz mênhx thôngz đhâu têx phongz yaox huôx tôngv cơưx mênhv đoàn. Têx tsưr tsix đoanx cux cxơưz tiês têx phongz yaox txưv zênhv chiê gôngr phênhv uô jông đuô hâux lưv cơưv shâuv, huôv tsar têx lênhx nênhs jông”./.

Bích Thủy-Txâur Vax cxeik nhênhv

Shông 2024, huyện yên Bình, tỉnh Yên Bái tưz cxiv tsa 6 dưv anr huôv tsar kôngz-jôngr nuv. Txos nhiv no, huyện Yên Bình tưz cxiv uô tâu têx thax tsav huôv tsar kôngz ntâu chiê muôs li: Thax tsav uô blêx tsơưr lươngv siêz 4 cxênhz ntâu ha đros thiêz 20 ha blêx tưz tâu côngk nhav tsêz chos uô đreiv têx blêx jông; 50 ha blêx tsư ha tsơưr lươngv siêz nhoz xã Bạch Hà thiêz 70 ha blêx blâuv Lếch ntơưv xã Bảo Ái tưz tâu Cục sở hữu trí tuệ (Bộ khoa học thiêz Công nghệ) muôz ntơưr côngk nhav uô tâu jông. Iz chas ntơư, Yên Bình nhiv no muôx zuôr xar 500 ha chos têx yuôx zêx hur jông, tâu muôz ntơưr côngk nhav yuôx zêx hur Hán Đà./.

Báo Nhân dân-Riê Lâux cxeik, nhênhv