Đhâu 12 shông tsưr tsix xiêz 02/9 cấp huyện (shông 2012), jiês xuz thơưx xiêz 02/9 shông no tỉnh Lai Châu zuôr nthuôr uô têx hâux lưv cấp tỉnh, đros trâu ntâu cêr lov jêv, cxuô heir nênhs têx txux chi vênhx huôv jông. Lar heik, tsaz yênhx uô lov jêv hơưv xiêz 02/9 zuôr muôx đhiê pax vuôk xòe sik thôngx siêz zos 3 cxênhz ntâu lênhx nênhs cxaz chuôz. Iz chas ntơư, nhoz cxuô thax tsav qơư zuôr nthuôr uô têx txux chi li: Sik tưr uô zav nox kaz; siz tưr heir nênhs tsơưs têx txux chi jông; piêr kriê têx xiv huv OCOP.... Zơưv Trần Mạnh Hùng, Phưv Giám đốc Sở Vênhx huôv, Thêv thao thiêz ju lix Lai Châu heik pâuz: “Xiêz 02/9 shông no nthuôr uô ntâu têx hâux lưv, txux chi jông đros thiêz tsưr ziv, tror por hưv, tuôr tsês cxuô heir nênhs têx txux chi vênhx huôv tsi chiê pôngz plox, lar heik tsưr tsix xiêz 02/9 đros trâu hnuz hội vênhx huôv cxuô heir nênhs hâur thax tsav huyện Than Uyên, chiê tror nthuôr uô đêz đar têx txux chi jông, cux li chiê ndo txiêx njis txos chor tuz lênhv tâu tas siv nênhx thâuv ntêx viv tsưx phưv têz qơưk”./.

          Khắc Kiên-Riê Lâux cxeik, nhênhv

Taz por cơ sở cxuô zav, tsov cưv paz shux xênhz thax tsav trâus đêx ngaz, tsi chiê mê nhuôk têx chuôz zis trâus zênhr shar tiv ntux nas tsi tâu muk cơưv ntơưr…Co zos têx cấp, têx nganhx tỉnh Sơn La li sir jos chox kriê thâuv tưz xar txos trâu shông cơưv yiêz thiêz tiv phaz tsênhv trâus ntux nas uô ruôr hiêv hnhar. Zơưv Đào Văn Nguyên, Chủ tịch UB huyện Bắc Yên, tỉnh Sơn La puz pâuz, tiv phaz tưz chox kriê, huiz tôngv lưx lươngv ntơưv qơư, seiz car, kho đuô, yưr lir têx trâus puôk tsuôx tiv ntux nas nhoz tas nro têx tsêr cơưv ntơưr. Kho đuô tsêr nhoz bán trú, tsêr uô jâuz mor, thâuv tos têx mê nhuôk shux xênhz tuôx cơưv ntơưr zuôr muôx qơư nox nhoz thiêz xênhz huôx taz por: “Tsêr cơưv Đèo Chẹn, tsêr cơưv cxênhx iz Hua Nhàn trâus tox poz, njuôs xav uô poz vâu tsêr cơưv, yuôr tsêr cơưv cxênhx 2 Tạ Khoa ntux lok nas txơưv trâus ngaz…pêz tưz muôx tsưr ziv sir zôngv chuôz zênhx taz por, txix yôngx 2 ndê muk. Bax têx tsưr ziv taz por trâu tsêr cơưv, iz zos phax tar txiêz nanv trâus saz, taz por phax cuz thâuv đêx ngaz, taz por zav nox hâur tsêr cơưv bán trú, taz por phax tar moz huôv xênhz, phax tar tox poz ar lơưk”./.

Lê Hạnh-Txâur Vax cxeik nhênhv

Heik trâu chor sâu xor xưv VOV, tsôngv pêx xênhv xã Nghĩa Lợi, thị xã Nghĩa Lộ, tỉnh Yên Bái heik pâuz, thâuv kêr txeik tsêr nhiêx li nhiêx txiêx thiêz muôs ar trâu luôs lưv tus mak lơưr kêr txeik thiêz muôs tsi tâu viv cơ quan muôx vax huôv muôz ntơưr côngk nhav sir zôngv ar trâu pêx xênhv tsi huv zos. Nhiv no thị xã Nghĩa Lộ tưz chox kriê cxuô phongx, ban lês car uô luôs hâux lưv co hux jos đros Ủy ban xã Nghĩa Lợi cxiz uô sei têx hâux lưv cik txos chor ntâuz ntơưr uô tsi huv zos heik sâuv. Zơưv Lê Đức Tuấn, Giám đốc Văn phongx đas cir uô ntâuz ntơưr sir zôngv ar thị xã Nghĩa Lộ heik pâuz, đhâu qênhz shuôs ntơưv xã Nghĩa Lợi, thị xã Nghĩa Lộ nhiv no muôx pêx xênhv 223 đeiv ntơưr côngk nhav sir zôngv ar uô tsi huv zos, tsuv cxiv kho, uô đuô, hâur co phênhv ntâu uô tsi zos qơư nhoz:“Pêz kriê pêx xênhv hux jos đros Ủy ban xã chiê uô sei têx ntâuz ntơưr heik co. Hâur 20 hnuz tsuv muôx mông heik trâu pêx xênhv pâuz chiê pêx xênhv xav jênhv, đhâu ntơư li xa trâu qơư lês uô têx ntâuz ntơưr co. Sir jos txos hnuz xiêz 10/9, cxiv kho, uô đuô cov tâu 223 đeiv ntơưr côngk nhav sir zôngv ar trâu pêx xênhv”./.

Đinh Tuấn-Riê Lâux cxeik, nhênhv

Zơưv Trần Quang Huy, Phưv giám đốc Công ty CP cêr ar 226 puz pâuz: Tiv trâus ntux nas uô zênhr shar ntêr hnuz đhâu, ntu cêr 279 ntơưv tỉnh Điện Biên muôx ntâu qơư njuôs xav trâus tox poz ar lơưk, tsi taz por zaoz thôngz. Li ntơưv cei cêr 10+800 (ntu đhâu xã Chiềng Sinh, huyện Tuần Giáo) yênhx châuv yiv đruôz ar zuôr trâus poz lok hâur tul đêx Nậm Hua; ntơưv cei cêr 30+600, niêv ciêr 279, ntu đhâu xã Ẳng Tở, huyện Mường Ảng tưz muôx ar poz ntêr muôx nhos 20 yiv. Txix qênhx shênhx co, taz viv đros têx chiz coaz muôx txơưx jênhv nhoz tiv phaz tưz cxok fiêx canhv pov, tir their chiê taz por trâu tsôngv box thiêz yêz muk lok cxaz chuôz zaoz thôngz. Nhiv no Công ty CP cêr ar 226 tsênhv chêx chôngk lênhx nênhs, cxuô zav meir chiê khưx phưx têx qơư zuôr muôx tox poz muôx yưv./.

Vũ Lợi-Txâur Vax cxeik nhênhv