Ntơưv jiês khiêz phêv chuyên đề jiês tiv 22, HĐ tỉnh Sơn La khóa 15, six cxiv 2021-2026 tsưr tsix tas cik hnuz 29/8, têx teiv plor tưz thôngz đhâu 17 nghị quyết coaz tsôngv, paz cơ sở pháp lý chiê car chêx têx vênhv thix nox nhoz xã hội, côx phax, txiv ngaz, tuôv zênhv têx jênhv vưv huôv tsar KTXH, tiv zix zos ciêr chênhr uô têx chế độ, chính sách đros shux xênhz uô ntêx thâuv lok trâu shông cơưv yiêz. Lơưr nghị quyết cui tênhv tsênhz mênhx lok thax tsav chiê xav tênhv shux xênhz muk cơưv ntơưr tsi tâu thiêz tror lok tsêr tsi tâu hâur hnuz chiê tâu sơưv chính sách lơưr Chính phuv li Nghị định tưz cxaz nzir 110 xã, 270 jêx jos. Tso tsês 30 ntâu xã, zuôr xar 70 jêx jos viv iz cxiê jos tsi zos jos txov nhêv tiv zix lơưv thiêz; shux xênhz muôx hộ khẩu nhoz tỉnh txơưr lok sik tưz muôx cêr zaoz thôngz muk lok jông. Phuôx plov ntơưv jiês khiêz phêv, zơưv Nguyễn Thái Hưng, Chủ tịch HĐ tỉnh Sơn La heik mênhx: “Đhâu jiês khiêz phêv no, thix ziv Thường trực HĐ, UB, têx Ban hâur HĐ, tuêv teiv plor thiêz teiv plor HĐ tỉnh chêx chôngk chox kriê krêz uo otêx nghị quyết nhiv kruôr tâu thôngz đhâu, taz por trơưk PL li tsưr ziv, cui tênhv, chox kriê uô têx chỉ tiêu, jênhv vưv tsưr ziv shông 2024”./.

Trấn Long-Txâur Vax cxeik nhênhv

         Txix têx uô tâu jông hâur jiês cơưv xuz thơưx tsưr tsix ntơưv Quảng Trị, hnuz 29/8, qir cơưv “siz chuôs njiz Thái Lan” jiês tiv 2, zos Bộ Ngoại giao Việt Nam đros trâu Đại sứ quán Thái Lan ntơưv Việt Nam thiêz Ủy ban tỉnh Lào Cai seiz car. Jiês cơưv no tsi tiêk chiê chuôz tsar 2 têz qơưk Việt Nam-Thái Lan cêr sik hux jos, siz paz hâur cxuô cêr nuv, tsênhv zos six hơưv chiê tỉnh Lào Cai  piêr kriê têx muôx jông lok yưv pênhr uô, huôv tsar ju lix, hu zâuv têx lênhx nênhs yưv pênhr uô thiêz doanh nghiệp Thái Lan moz siêz txos. Đhâu cir ntơưr chos luk sik hux jos nhoz doanh nghiệp 2 têz qơưk, zơưv Nguyễn Huy Long, Chủ tịch Hiệp hội Doanh nghiệp tỉnh Lào Cai heik pâuz: “Lào Cai muôx trôngx đriv ntiêx têz viv li zuôr jông huôv tsar uô iz cxiê hâux lưv. Đhâu Hiệp hội Doanh nghiệp Thái Lan ntơưv Việt Nam thiêz Hiệp hội Doanh nghiệp tỉnh Lào Cai cir ntơưr chos luk jiês no zuôr muôz jông six hơưv paz doanh nghiệp Lào Cai hux jos đros doanh nghiệp Thái Lan nhoz têz qơưk Thái Lan huôv tsar uô nox, thiêz tsi tas li tsênhv paz doanh nghiệp Thái Lan hux jos đros côngv thôngx doanh nghiệp ntơưv Lào Cai, txix ntơư txuôk đros tâu trâu côngv thôngx doanh nghiệp nhoz Vân Nam (Trung Quốc)"./.

An Kiên-Riê Lâux cxeik nhênhv

Krêz đar qênhz yuôx txuz án “Uô cxâuv cui tênhv lok seiz car chuôz zênhx cuz tơưs, sir zôngv tsi trơưk chei chuôz zênhx cuz tơưs” muôx yưv hnuz xiêz 9/8 ntơưv tsêr meir đêx tênhv Nậm Cấu (xã Bum Tở, huyện Mường Tè), hnuz 20/8, chiz coaz cảnh sát qênhz yuôx, Công an tỉnh Lai Châu tưz krêz tik cêr cxâuv txuz án “muôz jênhv nhiêx txiêx tsi trơưk chei”; tso tơưv cuiz tênhv ntês Vũ Văn Hinh, Tsar phongx, phongx seiz car công nghiệp; Nguyễn Thanh Nghị, chuyên viên phongx seiz car công nghiệp (sở công thương Lai Châu) lok hâux lưv jênhv nhiêx txiêx tsi trơưk chei; ntês cơư hình sự Trần Văn Huy, kỹ sư nhoz Công ty CP cxiv tsa Thành Phát viv muôz nhiêx txiêx tsi trơưk chei. Thâuv muôx cxix cxuô têx heik tơưv tsênhz mênhx lok hâux lưv uô cxâuv no, chiz coaz cảnh sát qênhz yuôx tưz tso tơưv cuiz tênhv ntês cxov Nguyễn Trọng Thức, nhoz tuêv 10, phường Tân Phong, TP Lai Châu, Phưv giám đốc Sở công thương viv jênhv nhiêx txiêx tsi trơưk cui tênhv cui tênhv ntơưv khoản 2 Grê 354 Bộ chei hình sự./.

K.Kiên-Txâur Vax cxeik nhênhv

Trơưk Cơ quan Cảnh sát qênhz Công an TP Điện Biên Phủ mông heik pâuz, hâur ntu txix hli 10/2020 txos hli 1/2021, liv zôngv cêr siz pâuz đros iz tus pox niêv, Vì Thị Tiên tưz đas nziêk tiêk cov muôz 400 tsov đeiv, mav paz thor hâux lưv trâu tus pox niêv co tus nxeik. Txos hli 7/2021, đhâu thâuv lênhx pox niêv heik sâuv tus nxeik tsi tâu hâux lưv uô, tưz ntâu jiês hu heik Vì Thị Tiên cov tror muôz chor nhiêx thor hâux lưv ntơư trâu 2 niêv tuz, taz sik Tiên cux heik li uz liz no tsi muôz nhiêx thiêz heik tiêk, chor nhiêx sâuv tưz muôz trâu iz tus txir nênhx hâur Sở Nội vụ tỉnh. Thâuv co lênhx pox niêv no thiêx xav, muôx têx trâul Tiên nziêk đas, li uô ntơưr pênhr trâu Cơ quan Cảnh sát qênhz yuôx công an TP Điện Biên Phủ. Seiz lok têx ntâuz ntơưr thiêz mông pâuz tâu, Cơ quan Cảnh sát qênhz yuôx Công an TP Điện Biên Phủ tưz tso tơưv quyết định xơưz xưv thiêz ntêk Vì Thị Tiên chiê qênhz yuôx, uô tsênhz mênhx./.

Vũ Lợi-Riê Lâux cxeik, nhênhv