Hnuz 3/12, VOV sik côngv đros Hiệp hôiv Vuô đơưz vor tsêr Việt Nam khơưk muôz 2.000 đêiv vuôk đơưz trâu chor chuôz zis trâus ntux têz ruôr hiêv, chuôz zis pluôs nhoz xar Ngọc Chiến, huyện Mường La, tỉnh Sơn La. Xar Ngọc Chiến, huyện Mường La, Sơn La zos iz hâur têx thax tsav qơư trâus coz chuô sôr 3 ruôr hiêv txos ntâu hâur hli 9 nhiv kruôr đhâu, đros muôx ntâu thax tsav blêx, jâuz tâuv thiêz vax tsêr trâus đêx ngaz thiêz cuôr yôngz; chor jok Pú Dảnh, Giạng Phổng, Nà Tâu, Bản Lướt, Chặm Pộng, Khua Vai… trâus ruôr hiêv ntâu tiv zix. Niêv tix Cuz Xênhv Thox, jok Chom Khâu, xar Ngọc Chiến, huyện Mường La, Sơn La, hêik pâuz:

Lê Hạnh-Lik Thox cxêik nhênhv

Huyện Mường Khương, tỉnh Lào Cai nhiv no muôx 800 ha ntâu txir quýt, hâur co muôx 500 ntâu ha txir quýt tsênhv taz tov txi txir tâu sâu đê, phênhv ntâu zos chor txir quýt sen. Shông no, quýt sen Mường Khương tror tâu txi jông, gri truôx tuk txix 20-25 cxênhz đeiv iz cir. Njuôk xav têx txir quýt hâur thax tsav qơư shông no tax 6 cxênhz ntâu tênhr, xav kror đruôz đraz tax 12 tênhr iz ha, sâu tâu lok muôx 140 tyv đeiv. Chor txir quýt Mường Khương nox kaz jiz, tsi kruôr plơưr, tâu muôx truôx tuk ntơưv ciêz đrôngs hâur thax tsav thiêz 2 chas tỉnh. Zơưv Lê Thanh Hoa, Tsar phongx Kôngz nuv thiêz huôv tsar tox siêz huyện Mường Khương, tỉnh Lào Cai heik pâuz: “Tsoz quýt zos iz hâur têx tsoz chos tsi yuô zôngx ziv chos tâu, chênhr viv li huyện Mường Khương tsênhv sir jos hu zâuv têx lênhx nênhs nhênhz chơưv nhoz Viện nhênhz chơưv jâuz txir ntông tuôx kriê pêx xênhv tsưr ziv chos thiêz tu chiê hloz lox jông, txi txir ndư, muôs tâu gri. Huyện cux tror hux jos đros Tsênhv qơư cxơưz cxiz muôv muôs piêr kriê têx xiv huv txir quýt Mường Khương trâu ntâu tus chôngz lênhx nênhs sir zôngv hâur tas nro têz qơưk pâuz txos”./.

Thanh Thủy-Riê Lâux cxeik nhênhv

Ntu đhâu, cxuô cấp Hôiv Nôngx mênhx tỉnh Yên Bái tưz sir jos kriz uô côngz xưv yax kriê, piêr pâuz chêi têz qơưk, côngz xưv tiêv pêx xênhv, đơưk tu pêx xênhv têx ntâuz ntơưr siz pênhr, paz uô tâu jông qênhx liv huv chêi, huv đros trâu hôiv viên nôngx mênhx. Zơưv Câu Xênhv Zax-Chủ tịch Hôiv Nôngx mênhx tỉnh puz pâuz: 10 shông đhâu, cxuô cấp hôiv tưz chox kriê Hôiv Nôngx mênhx thax tsav qơư qênhz shuôk, cxơưz cxiz canr bôv, hôiv viên đros uô tôv đơưk tu ntơưv thax tsav qơư, cov chor tôv đơưk tu cxuô kror hâux lưv ntơưv thax tsav qơư muôx nôngx mênhx đros uô lơưr Chêi đơưk tu plâuz ntơưv thax tsav qơư. Nhiv no, tas nro tỉnh muôx 1.371 tôv đơưk tu plâuz ntơưv thax tsav qơư đros muôx 8.476 lênhx nênhs, hâur co muôx 1.292 tôv đơưk tu plâuz muôx hôiv viên nôngx mênhx đros uô hâux lưv, tsav muôx 94%. Chor tôv đơưk tu plâuz tưz đơưk tu tâu jông chor txuz plâuz txix ciês ntơưv thax tsav qơư; chor canr bôv Hôiv nhoz hâur ban, tôv đơưk tu plâuz puôr lênhx muôx txux chi chiê uô hâux lưv hâur chor tôv đơưk tu plâuz no./.

Baoyenbai-Lik Thox cxêik nhênhv

Hâur 02 hnuz (xiêz 2-3/12), Tsênhv qơư Dịch vụ nuv uô tỉnh Sơn La tưz hux jos đros Phongx Lox tôngv-Saz pênhz thiêz Xã hội huyện Mường La tsưr tsix cơưv piêr kriê têx hâux lưv uô shông 2024 ntơưv 2 xã Mường Chùm thiêz Mường Bú, hu zâuv 100 ntâu lênhx lox tônhv hâur thax tsav cxaz chuôz. Nênhs lox tôngv tưz tâu piêr kriê lok têz qơưk têx tsênhv chei li: Hâux lưv uô hâur thiêz đrâuv 2 chas têz qơưk; kriê tsưr ziv uô nuv trâu lox tôngv tox siêz; têx mông lok xeir zuôr nênhs lox tôngv hâur thiêz đrâuv 2 chas têz qơưk; vax huôv tâu sơưv thiêz tsưr ziv đơưk uô têx chei paz trâus pôngz hâux lưv uô; Công ty kuôr hlâu Ngọc Diệp, Tsêr cơưv Cao đẳng thênh khoar cxax Việt Nam, Công ty muôv muôs thiêz huôv tsar ntiêx têz IPM xeir zuôr nênhs lox tôngv. Thôngz đhâu têx hâux lưv paz chor doanh nghiệp, qơư xeir zuôr lênhx nênhs uô nuv xeir tâu têx lênhx lox tôngv muôx txux chi tsưr ziv lês uô tâu hâux lưv zok muôz. Iz chas ntơư, chiê nênhs lox tôngv xeir tsov têx ngênhx cơưv lok sik zok nriêr tâu hâux lưv uô huv đros, gra siêz phênhv sâu tâu, hlôngr yiêz luz nênhx, cxiz kinh tế, xã hội ntơưv qơư huôv tsar./.   

Báo Sơn La-Riê Lâux cxeik, nhênhv