Tỉnh ủy Yên Bái nhiv kruôr tsưr tsix Jiês cơưv hêik pâuz Ban Bí thư li Cuêz tênhv lok côngz xưv canr bôv. Ntơưv jiês cơưv, Ban Tsưr tsix Trung ương tưz hêik pâuz Ban Bí thư li cuêz tênhv chiê zơưv Nguyễn Tuấn Anh, Phưv Trưởng Ban côngz xưv Đại biểu, Ủy ban Thường vụ Côx hôiv, Phưv Chánh văn phòng Đảng đoàn Côx hôiv khóa 15, cxaz chuôz Ban Chấp hành, Ban Thường vụ Tỉnh ủy thiêz uô Phưv Bí thư Tỉnh ủy Yên Bái, ntu 2020-2025. Zơưv Nguyễn Tuấn Anh, xênhz shông 1975; nhoz phường Nhân Chính, quận Thanh Xuân, Thành phố Hà Nội. Txux chi: Tiến sĩ Kinh têr, nganhx zênhx hangx tài chính. Txux chi lý luận chinhr triv: Cao cấp. Uô ntêx thâuv tâu chiê lok uô hâux lưv ntơưv tỉnh Yên Bái, zơưv Nguyễn Tuấn Anh muôx ntâu shông uô côngz xưv hâur cxiv luôs zênhx hangx Kôngz nuv thiêz Huôv tsar jêx jok tox siêz thiêz ntơưv Zênhx hangx Têz qơưk Việt Nam. Txix shông 2021 txos hli 11/2024, zos Phưv Trưởng Ban côngz xưv đại biểu, Ủy ban Thường vụ Côx hôiv, Phưv Chánh Văn phòng Đảng đoàn Côx hôiv khóa 15./.

Thừa Xuân-Lik Thox cxêik nhênhv

HĐND tỉnh Lai Châu khóa 15 nhiv kruôr cơưv jiês tiv 15. Heik lok têx luôs hâux lưv huôv tsar kinh tế XH, taz por côx phax-txiv ngaz shông 2024 hâur thax tsav tỉnh tso pov, shông 2024, txơưv njiz trâus ntâu phiv liv, taz sik cxuô cấp, ngênhx, ntơưv qơư, taz viv hâur tỉnh tưz sir jos chox kriê trơưk T.Ư thiêz tỉnh tsưr ziv chiê uô cxuô luôs hâux lưv tax tâu 39 hâur 43 têx hâux lưv zok muôz. Shông 2025, ủy ban tỉnh Lai Châu tso tơưv hâux lưv, chuôz tsar phênhv sâu tâu 7%, tror sir jos huôv tsar công nghiệp tênhv tênhz, kôngz-jôngr-đêx nuv, huôv tsar uô ntâu kôngz muôs tâu truôx đros trâu cxiv tsa jêx jok yiêz. Iz chas co, tror sir jos hlôngr yiêz uô têx ntâuz ntơưr, tênhx qơư yưv pênhr; huôv tsar kinh tế đros trâu huôv tsar, côngz fênhx xã hội, txo grêk cêr pluôs truôx..... Jiês cơưv tiv 15 HĐND tỉnh Lai Châu njuôk xav zuôr cơưv txos tas hnuz xiêz 09/12/2024./.

Khắc Kiên-Riê Lâux cxeik nhênhv

Tỉnh Sơn La nhiv no tsênhv muôx tsik tâu txâuk yênhx puô lênhx bác sĩ, tiv zix zos ntơưv thax tsav nhoz đêz, tox siêz, thax tsav muôx kinh têr-xar hôiv txov nhêv tiv zix. Ntâu tsênhv chêi tưz tâu kriz uô taz sik tsênhv yuôr ntâu kror phiv liv. Tsưr ziv đơưk kho qênhx shênhx no tsênhv tâu cxuô cấp, cxuô nganhx sir jos kriz uô. Giám đốc Sở Y têr tỉnh Sơn La zơưv Trần Đắc Thắng hêik pâuz, chor qơư y têr ntơưv thax tsav qơư nhiv no muôx 1.155 lênhx bác sĩ. Lơưr Bôv trưởng Bôv Y têr li Thông tưz chox kriê, nganhx y têr Sơn La tsênhv muôx tsik tâu txâuk txix 289 txos 416 bác sĩ ( lơưr njuôk xav lok tsơưs tiv zix thiêz chôngz tiv zix). Tiv zix, yuôr 33 trạm Y têr xar tsik tâu muôx bác sĩ, ntâu xar nhoz đêz, tox siêz, thax tsav txov nhêv tiv zix, tsêx trung ntơưv chor huyện Thuận Châu, Bắc Yên, Vân Hồ, Sông Mã, Mường La. Chiê uô tâu chor luôs hâux lưv lok bác sĩ lơưr tsưr ziv hâur ntu zuôr txos, sir jos txos shông 2030 tỉnh Sơn La tax tâu 9,5 lênhx bác sĩ hâur 10.000 pêx xênhv, Giám đốc Sở Y têr Sơn La hêik tiêk: “Tsuv tsêx trung nhênhz chơưv, hêik pâuz kho đuô, cxaz nzir zaz zâuv, cxơưz cxiz chiê muôx bác sĩ lok uô côngz xưv ntơưv chor trạm y têr nhoz têx thax tsav qơư. Oz zos cxơưz cxiz têx tuz nhuôs ntơưv thax tsav qơư cxaz chuôz tsaz yênhx thox cxov cử tuyển thiêz jênhv thâuv cơưv tiêr zuôr tror lok phưx vưv tỉnh, uô hâux lưv ntơưv chor trạm y têr xar; muôx tsưr ziv paz lok nhiêx txiêx, học bổng, paz trâu lơưr truôx siêz cơưv ntơưr, uô hâux lưv ntơưv thax tsav qơư, tiv zix zos ntơưv têx thax tsav nhoz đêz, tox siêz, thax tsav muôx kinh têr-xar hôiv txov nhêv tiv zix. Đros co, sik côngv đros chor tsêr cơưv Đại học y, dược chiê muôx tsưr ziv paz trâu chor bác sĩ nhoz ntơưv tỉnh…”./.

Hạnh Long-Lik Thox cxêik nhênhv

Hâur ntu lok nas njuôs njêz, no njiv, pok huôz niêz, côngz trênhx cxiv uô qơư nhoz yiêz trâu jok Nủ, xã Phúc Khánh, huyện Bảo Yên, tỉnh Lào Cai cux tsênhv sir jos uô cov tiêr têx hâux lưv tso tơưv. 40 luz tsêr tsar lơưx tâu cxiv uô jông, khor truôx nhoz jok Nủ tưz jux juk uô tiêr, tsuôk yuôr iz kro mê njik têx côngz trênhx mê uz no. 2 côngz trênhx tsêr vênhx huôv thiêz tsêr cơưv cux uô zuôr luôs tiêr. Ntâu lênhx pêx xênhv tuôx đros paz hnuz côngz, đas jos uô tsêr, chos thiêz tu têx vax jâuz, pax uz no hâur jok yiêz. Pos Nguyễn Thị Cảnh, nhoz jok Nủ heik: “Tsôngv pêx xênhv lênhx tưs cux lok six shir phaz, jông siêz thâuv zuôr tâu muk nhoz tsêr yiêz, cux xor uô tâu têx vax jâuz, chos tâu ntâu jâuz tâuv, shir phaz tok njôngr zuôr tâu yêik muk nhoz hâur tsêr yiêz chiê tok nox tsiêz 30”./.

An Kiên-Riê Lâux cxeik, nhênhv