Nhiv kruôr đhâu, ntơưv xã tox siêz Mù Cang Chải, tỉnh Lào Cai Festinval kênhx Hmôngz thiêz ntênhs hội pax tớ dày shông 2026 qir krêz uô đros trâu tsaz yênhx nthuôr uô cêr uô lov jêv đhiê kênhx.

Tsaz yênhx muôx 3 phênhv, co zos heik lol tsôngv box Hmôngz luz nênhx xênhz huôx, khưr huôv tsar uô nox thiêz têx txux chi cêr lov jêv đhâu đhiê kênhx uô lov jêv. Iz chas têx txux chi cêr lov jêv, ntênhs hội tsênhv nthuôr uô txux chi grêk taus cêr, piêr kriê têx txux chi vênhx huôv, đuôz shav, thiêz ndis shuôs têz qơưk uô si.

Zơưv Trần Ngọc Hiệp, Chủ tịch Ủy ban xã Mù Cang Chải heik pâuz, iz chas tsaz yênhx nthuôr uô têx cêr lov jêv heik sâuv, xã mù Cang Chải tsênhv tror cxiv uô têx txux chi vênhx huôv jông chiê pêx xênhv thiêz tsôngv kruô sik đros côngv uô lov jêv thiêz pâuz txos têx pax ntâuz tsôngk yo jông, chơưr blêx, têx txux chi đhiê kênhx, yuôz trax.... Iz chas ntơư, tsưr tsix piêr kriê têx ntơưv qơư xiv huv jông trâu chôngz lênhx ntâu tus pâuz txos./.

                                                                                                     Đinh Tuấn-Riê Lâux cxeik, nhênhv

Hnuz hôiv Vênhx huôv cxuô mênhx cxưx xar Sam Mứn tâu tsưr tsix ntơưv jok Na Ư, zos yênhx qơư chir kruôk txos tsôngv box cxuô mênhx cxưx, hâur co muôx mênhx cxưx Hmôngz chor tsiv gri vênhx huôv.

Chor ntênhk thiêz hôiv tâu tsưr tsix jông, hêik txos tsôngv box Hmôngz-mênhx cxưx xar muôx 1.400 lênhx nênhs, nhoz ntơưv 6 jêx jok hâur thax tsav Na Ư li têx vênhx huôv jông. Hâux lưv tsưr tsix hnuz hôiv ciês ntơưv jok paz uô trâu vênhx huôv huv đros luz nênhx côngv thôngx, paz trâu têx tsiv gri vênhx huôv tâu tuôr tsês thiêz phuôx huiz.

Kror jông hâur hnuz hôiv zos mênhx cxưx Hmôngz luz tsêr cxôngx nzor, muôx phongx cxưx txi xưv caz hâur hnuz pêz châus tsiêz, đros têx xênhz huôx vênhx huôv jông li têx tsôngk yo, têx chuôz zênhx nxôngx nzor, lêiv poz, tuôr nduôr, yuôx kênhx. Tiv zix, hôiv sik tưr tso nhux đas siz đrâu zaz zâuv chôngz tsôngv kruô thiêz sơưr đơưk tuôx sêiz shuôk.

Hnuz hôiv tưz tsik tiêk zos jiês chiê tsôngv box siz njiz thâuv hâur shôngk shông yiêz mak tsênhv paz tuôr tsês, phuôx huiz têx vênhx huôv jông mênhx cxưx Hmôngz, đros co zos piêr pâuz txos têx vênhx huôv ntơưv qơư txos trâu tsôngv kruô pâuz./.

                                                                                                      Báo Điện Biên-Lik Thox cxêik nhênhv

Tỉnh Lai Châu fuô uô luôs hâux lưv “hluôk nênhs sik đros por hưv, tuôr tsês heir nênhs Việt Nam têx txux chi vênhx huôv jông ntu 2025-2029” chiê uô jông  hluôk nênhs cêr uô ntêx nyuôs hâur cxuô luôs hâux lưv thiêz xar tơưv txux chi jông hâur sik đros tuôr tsês cxuô heir nênhs hâur thax tsav têx txux chi cêr nênhx vênhx huôv jông.

Trơưk luôs hâux lưv tso tơưv, zov chênhr zos cxơưz cxiz luôs hâux lưv yax kriê, gra siêz hluôk nênhs tsưr ziv jênhv pâuz lok por hưv, tuôr tsês heir nênhs tsơưs têx txux chi vênhx huôv tsi chiê pôngz plox; cxơưz cxiz hluôk nênhs sik đros tsxx phưv truôx têx li heik sâuv, cêr nênhx phôngz cxưx, ntênhs hội, cêr lov jêv, luk heik, ntơưr sâu..... Iz chas ntơư, cxiv tsa têx trâur nuv hluôk nênhs por hưv têx txux chi vênhx huôv đros trâu huôv tsar ju lix côngv thôngx, krêz hâu cêr huôv tsar uô nox truôx ntơưv qơư.

Thôngz đhâu luôs hâux lưv fuô uô đêx nar, tỉnh Lai Châu vav chiê siêz zuôr uô jông hluôk nênhs cêr uô ntêx nyuôs por hưv thiêz tuôr tsês heir nênhs têx txux chi vênhx huôv jông tsi chiê pôngz plox, sik thôngx siêz, sik đros cxơưz huôv tsar kinh tế, xã hội truôx./.

                                                                                                            Báo Lai Châu-Riê Lâux cxeik, nhênhv