Cxiv uô tiêr tsêr meir tsiv uô khâu tơưr Yên Châu thiêz qir uô hâux lưv lok hli 9/2025 đhâu iz shông ntâu cxiv tsa. Co zos dưv anr muôx liv zov chênhr trâu huôv tsar công nghiệp, muôz cêr uô nox truôx trâu tsôngv pêx xênhv ntơưv qơư. Lơưr zơưv Lù Văn Cường, Bí thư Đảng ủy xã Yên Châu, công ty tsiv uô khâu tơưr Yên Châu zos iz hâur têx dưv anr lok fuô uô hâux lưv txix hâu nov ntơưv qơư tsưr ziv hu zâuv yưv pênhr, paz hlôngr yiêz tsưr ziv huôv tsar uô nox uô hâuk, muôz hâux lưv uô, cxaz nzir phênhv sâu tâu trâu nênhs lox tôngv, đhâu ntơư jux juk uô hlôngr yiêz jêx jok, thax tsav qơư nhoz:“Hâur ntu fuô uô, pêz sir jos siz paz, nzaz nzơưv T.Ư thiêz tỉnh Nghị quyết, têx tsênhv chei; moz siêz hu zâuv yưv pênhr, muôz hâux lưv uô chiê cxơưz tsaz yênhx cxiv tsa jêx jok yiêz hâur xã fuô uô tâu truôx, trơưk hâux lưv tso tơưv”./.

                                                                                                             Thu Thùy-Riê Lâux cxeik, nhênhv

Jos Hùng Pèng, xã Phong Thổ, tỉnh Lai Châu- têz qơưk muôx qênhx shênhx tsir têz tsir qơư ntâu, tsôngv box Cho luz nênhx tsi so trâus yeiz pluôk, nhiv no tưz jux jus tâu truôx tul luz nênhx, sir jos hla đhâu cêr pluôk. Gôngr phênhv lok têx hlôngr yiêz co zos têx lênhx bộ đội pênhz phax, cê por vêv ntus đriv, cê sik côngv đros tsôngv box huôv tsar uô nox, cxiv tsa luz nênhx yiêz. Lơưr đại tá Lê Công Thành, Phưv chính ủy Bộ đội pênhz phax tỉnh Lai Châu, thâuv sik côngv thiêz uô trâur nuv chính quyênx tiv phaz 2 cấp, tas nro tỉnh yuôr 11 xã ntus đriv đros muôx 269 jêx jos, 100% zos tsongv box mênhx cxưx tsơưs nênhs. Txơuv jêx jos muôx têx hlôngr yiêz jong, taz sik tsênhv yuôr ntâu phêv liv, zuôr trâus tror tâu Đảng, têz qơưk thiêz têx cấp, têx nganhx tsov cưv txos:“Bộ đội krêz uô hâux lưv cxiv tsa tsêr nhoz trâu pox nhuôk njiz lok six ntâu phêv liv. Ntu qir thơưx qiv hơưv tsi jông, viv li thâux chuôz zênhx hax huv cxiv tsa njiz ntâu phêv liv. Tiv 2 zos iz cxiê ziv chuôz zis nhoz đêz, bộ đội phênhv ntâu chiv chir thâux chuôz zênhx muk pôngz lok six ntâu six hơưv, tiv zix zos môngr jêz siz, poz jêz thiêz xi măng. Taz sik Ban chỉ huiz pênhz phax tỉnh cux chox kriê têx zênhx pênhz phax truôx siêz khưx phưx sir jos paz tsôngv box nhuôk”./.

                                                                                            Khắc Kiên- Txâur Vax cxêik nhênhv

Hâur ntu đhâu, têx nênhs fêv, nênhs uô cxâuv chei têz qơưk muk lol đhâu ntus đriv ntơưv Lào Cai muôx yưv phiv liv đros trâu ntâu tsưr ziv yiêz, txơưx jêik chiê tsi trâus lưv lươngv muôx vax huôv qênhz pov. Taz sik, chor tuz lênhv pênhz phax tỉnh tưz sir jos fuô uô jông cxuô faz tsưr ziv qênhz yuôx, yơưz phơưz têx nênhs fêv, nênhs uô cxâuv chei muk lol đhâu đriv têz, tsưx phưv truôx tuk chính trị, xã hội.

Hâur shông 2025, tuz lênhv Pênhz phax Lào Cai tưz qênhz yuôx, ruôr por tsês tâu 6 txuz nuv lox; xơưz xưv 16 txuz, 32 lênhx nênhs uô cxâuv chei têz qơưk. Têx chuôz zênhx sâu tâu muôx zuôr xar 3 cir cuz, 235 cir nhiêx đơưz, iz luz yêz lox đros ntâu chuôz zênhx txơưr đuô cik txos. Bluô uô cxâuv hành chính 12 txuz, 23 lênhx nênhs, sâu tâu 88 tsov đeiv ntâu nhiêx trâu têz qơưk. Đại tá Nguyễn Văn Tuấn, Phưv seiz car Tuz lênhv Pênhz phax tỉnh Lào Cai heik pâuz:“Pêz bax fuô uô cxuô faz tsưr ziv tsưx phưv truôx tuk đriv têz thiêz trôngx đriv. Hâur ntu nhiv kruôr đhâu, pêz tưz sir jos uô jông hâux lưv phax tir thêir zuôr muôs têx nhiêx cuz, zax zênhz, lênhx nênhs đhâu ntus đriv. Sir jos đros têx lưv lươngv cik txos hâur thax tsav ntus đriv, trôngx triv phax tar têx tsi jông, uô cxâuv chei”./.

                                                                                               An Kiên-Riê Lâux cxeik, nhênhv

Cxiv tsa jêx jos yiêz zos jênhv vưv zov chênhr, muôx ziz njiêz lêx ntêr hâur huôv tsar KTXH. Jênhv pâuz tsênhz lok hâux lưv co, têx cấp Hội pox niêv hâur tỉnh Điện Biên tưz cxơưz tiês yax mông, vênhv tôngv hội viên sir jos uô phongz yaox “Tas nro têz qơưk sik côngv tês cxiv tsa jêx jos yiêz”, zaz zâuv chôngz tsôngv pox niêv vir ndâus thiêz tsôngv px sđ sik đros cxaz chuôz. Lơưr pos Pờ Diệu Ninh, Chủ tịch Hội liên hiệp pox niêv tỉnh Điện Biên, niêx shông Hội sik côngv đros Bộ đội pênhz phax thiêz Bộ chỉ huiz Quân sợ tỉnh chuôz tsar yax mông Đảng, têz qơưk li chủ trương, cêr chei; thôngx cxix seiz shuôk qênhx shênhx tsênhv tsênhz, xeir trâur nuv huv đros chiê krêz uô nhoz têx tiv phaz, tiv zix zos thax tsav tox siêz ntus đriv. Txix shông 2018 txos nhiv no, tsaz yênhx tưz huiz tôngv 9 tỷ đeiv ntâu, gôngr phênhv paz pox niêv pluôk huôv tsar uô nox, muôz siêz luz nênhx, cxiv tsa jêx jos yiêz truôx tul./.

                                                                                                          Báo ĐB-Txâur Vax cxêik nhênhv