Têis cik 7/1, tiv muôx chor chuô txiêk hênhr, jêx tưv ntơưv ntâu thax tsav nhoz tỉnh Lào Cai grêk kik. Tiv zix, ntơưv hâur trôngx Fansipan (Sa Pa), jêx tưv grêk kik đuô 3 tưv, muôx đâuk ntâu tiv zix txix thâuv hâur chêix ntux no txos nhiv no.

Lơưr hêik pâuz thâuv 6 six sơưr nzor, lok nas zâu đros nông siêz uô muôx đâuk sâuv têx đros tsuôs, côngz trinhx thiêz têx qơưk siêz txix 2.700 thiêr muk tror trâu sâuv hâur trôngz Fansipan (3/143 thiêr). Ban sêiz car qơư cáp treo Fansipan puz pâuz, đâuk muôx txix thâuv hmo 6 txos têis cik 7/1. Đaix njuôk ntux yar ntux nas tỉnh Lào Cai puz pâuz, tas nro tỉnh no chênhr, muôx têx qơư no njiv. Jêx tưv ntơưv Sa Pa grêk muôx 4,1 tưv; Mù Cang Chải 8,5 tưv; Bắc Hà 7,5 tưv.

Cơ quan njuôk ntux yar ntux nas xav jênhv, zuôr tror muôx ntux no hâur chor hnuz zuôr txos, đâuk tê cux tsenhv zuôr tror muôx ntơưv têx qơưk siêz. Sơưr đơưk tsuv sêiz shuôk, phax tar jông ntux no, paz ngaz tuk jông trâu lênhx nênhs thiêz cxuô zav./.

                                                                                                            An Kiên-Lik Thox cxêik nhênhv

Hnuz xiêz 07/1, ntơưv jiês cơưv ntâuk grê uô lơưr Nghị quyết sôr 18-NQ lok sir jos chox car, fuô uô kriê têx hâux lưv phax tir thêir zax zênhz ntu 2021-2025, tỉnh Sơn La tso tơưv hâux lưv sir jos yênhx thax tsav tsi muôx zax zênhz lok shông 2030.

Heik ntơưv jiês cơưv, zơưv Hoàng Văn Nghiệm, Bí thư Tỉnh ủy Sơn La heik cxuô cấp, cxuô ngênhx hlôngr yiêz txux chi, tsưr ziv yax kriê, phênhv ntâu zos trâu chor tuz nxeik  hluôk, shux xênhz, têx lênhx nênhs tsi muôx hâux lưv uô truôx thiêz tsôngv box tox siêz đêz đrôngs, ntus đriv; jux juk cxiv tsa xã, phường tsi muôx zax zênhz, paz uô tâu truôx tỉnh Sơn La têx hâux lưv tso tơưv tsi muôx zax zênhz lok shông 2030:“Cấp ủy Đảng, hâu nov cxuô cấp tsuv xav tinhv hâux lưv phax tir thêir zax zênhz zos hâux lưv chính trị tsuv uô tsi so, truôx ntêr; iz chas ntơư, cux tsuv uô jông, cxix cxuô thiêz zênhx max têx ntâuz ntơưr, tsênhv chei, cui tinhv têz qơưk, lar heik zos Chei zax zênhz tâu Côx hôiv thôngz đhâu thiêz zuôr fuô uô trơưk hâur ntu zuôr txos chiê cxuô cấp ủy, tsưr tsix Đảng, hâu nov ntơưv qơư, đoanx thêv xã, tas nro tsôngv pêx xênhv sik đros gra siêz tsưr ziv jênhv pâuz, sik đros moz siêz, đros lês uô truôx jông têx hâux lưv tso tơưv”./.

                                                                                                      Trấn Long-Riê Lâux cxeik, nhênhv

Chor jiês chuô txiêk tsênhv uô trâu jêx tưv ntâu thax tsav qơư hâur tỉnh Lào Cai grêk kik, muôx têx qơư kik đuô 8 tưv, muôx đros lok nas zâu thiêz huôz tsâuk, zuôr uô phiv liv txos uô kôngz nuv, tiv zix zos chor tsiêx cxu. Đros qênhx shênhx no, pêx xênhv thiêz chinhr quyền cxuô qơư tưz kriz uô ntâu tsưr ziv phax tar ntux no trâu chor tsiêx cxu.

Ntơưv jok Gốc Quân, xar Đông Cuông, Ban Côngz xưv jok tưz sir jos yax kriê têx tsưr ziv por vêv trâu chor nhux tưv. Ntâu chuôz zis tu zus kho đuô, thêỉ rvor têx tsưr guôx paz uô cov sor thiêz tsês chie zav nox trâu chor tsiêx cxu. Tsar jok Gốc Quân Cầm Ngọc Tuyến puz pâuz:“Jok tưz sir jos yax kriê txos trâu chor chuôz zis tu zus pâuz, tsêx trung trâu thêir vor têx tsêr guôx, phax tar ntux no trâu chor tsiêx cxu, tiv zix zos chor nhux tưv; đros co bax tsês chiê têx zav nox. Txix ciês thâuv hâur chêix sâu têx kôngz lôngk, ntâu ziv chuôz zis tưz sâu tsês têx nhaz blêx chiê uô zav nox trau chor nhux tưv hâur chêix ntux no, tsênhv njiêz no tâu pox nhuôs kriz uô lok six jông”./.

                                                                                                     Thừa Xuân-Lik Thox cxêik nhênhv

No njiv đros trâu lok nas huôz jis ntêr hnuz tsênhv uô ruôr hiêv txos têx tsiêx nhoz ntâu xã tox siêz đêz đrôngs tỉnh Lai Châu đas jos. Txix têx li heik co, hâu nov ntơưv qơư thiêz tsôngv pêx xênhv tsênhv sir jos fuô uô cxuô faz tsưr ziv bax phax tar no trâu têx nhux tưv.

Sở Kôngz nuv thiêz Tênhx qơư tỉnh Lai Châu tưz tso canr bôv muk ntơưv qơư, hux jos đros hâu nov cxuô thax tsav qênhz yuôx, kriê pêx xênhv uô jông trơưk têx tsưr ziv phax tair thêir no; tsi tâu tso nhux tưv lak yar hâur têx hnuz no njiv, lok nas ntơư. Zơưv Phạm Anh Hùng, thơưx seiz car Chi cục tu zus thiêz kho moz tsiêx cxu tỉnh Lai Châu heik:“Têx hnuz no njiv, lar heik zos muôx lok huôz jis đros ntơư, cơ quan lês car uô đreiv luôs hâux lưv heik sâuv tsuv kriê pêx xênhv chaz têx nhux tưv lok gâuv no trâu qơư kis thiêz xor thêir qơư tu zus ntov jông cov tsi yâu chuô txiêk. Tsi tas li, tsôngv box cux muôx têx trâur tơưk trâu nhux tưv ntê. Iz chas ntơư, cux bax txâuk jâuz tâux, muôz cxaz nzir têx krâur trâu tsiêx nox, tiv zix zos tsưx phưv truôx tuk đas jos trâu tsiêx, tsi chiê qơư tu zus ntuz, nông”./.

                                                                                                            Khắc Kiên-Riê Lâux cxeik, nhênhv