Hla trâu shông yiêz, tox siêz Tây Bắc muôx ntâu tsar zav jông, Ủy ban xã Mường La, tỉnh Sơn La muôx tsưr ziv tsưr tsix tưr đhiê txos thax tsav “pax txir đuôx jôngr tơưs yiêz jok Cát Lình” shông 2026 trâu tas cik hnuz 11/01. No zos têx hâux lưv, txux chi vênhx huôv-ju lix jông ntơưv qơư, cxơưz cxiz tâu tsôngv px sơưr đơưk sik tưr đhiê. Sik tưr đhiê tsi tiêk paz kriz đêz đar phôngz yaox nthuôr uô lov jêv cov sơưr đơưk muôx đas jos truôx tuk, tsênhv zos jiês ndis seiz têx tox trôngz câuv har, liêx tơư ntêir  jông jav thiêz pax txir đuôx jôngr tơưs yiêz, đhâu ntơư piêr kriê têx txux chi, vênhx huôv thiêz têx muôx jông hâur thax tsav Mường La trâu tsôngv kruô pâuz txos.

Đros trâu sik tưr đhiê, xã Mường La tsênhv kriz uô ntâu cêr lov jêv, txux chi vênhx huôv, ju lix li: Ndis seiz shuôk pêz Hmôngz jok Cát Lình luz nênhx nox nhoz, cxeik đuôz uô si đros têx pax txir đuôx jôngr, liêx tơư ntêir, tsas đêx; sik đros côngv uô têx cêr lov jêv, piêr kriê kôngz nuv jông, zav nox kaz ntơưv qơư.... Zơưv Bùi Việt Cường, Chủ tịch Ủy ban xã Mường La, tỉnh Sơn La heik pâuz:“Pêz tsưr tsix sik tưr đhiê đros trâu tsưr ziv, xar piêr kriê trâu tsôngv kruô hâur thiêz đrâuv 2 chas thax tsav pâuz txos thax tsav tox siêz Cát Lình têx muôx jông. Têx lênhx sik tưr đhiê, tsôngv kruô đros côngv cêr lov jêv zuôr tâu seiz njiê pov têx pax txir đuôx jôngr tơưs yiêz jông jav thiêz pâuz tsênhz đuô lok  pêz Hmôngz nhoz no cêr nênhx phôngz cxưx, txux chi vênhx huôv jông cxôngx nzor”./.

                                                                                                       Thanh Thủy-Riê Lâux cxeik, nhênhv