Lào Cai zos thax tsav qơư xuz thơưx hâur tas nro têz qơưk, BCH Đảng bộ tỉnh muôx iz Nghị quyết chuyên đề lok cxiz cơưv shâuv thiêz uô trơưk Lâul cêr nênhx jông hâur ntu nhiv no. Tror uô trơưk têx luôs hâux lưv uô tâu jông hâur niêx shông lok uô ntêx nyuôs, sir jos uô nuv viv tsôngv lax pêx xênhv, nhiv kruôr đhâu iz jiês cơưv lok cơưv shâuv trơưk Lâul Hôx reik đros “7 car xar car uô” tưz tâu Tỉnh ủy Lào Cai tsưr tsix chiê fuô uô hâur shông 2024. Lơưr zơưv Dương Đức Huy, Tsar ban Tuyên giáo Tỉnh Ủy Lào Cai, canr bôv zos uô hâux lưv viv pêx xênhv, têx nuv uô phiv liv taz sik muôx iz cxiê lênhx canr bôv uô tsi yuô jông têx hâux lưv zok muôz, thâuv ziv hnuz ziv têz qơưk têx cui tinhv ziv đrux ntov, chênhr viv li chor canr bôv co zuôr zôngx ziv trâul pôngz hâux lưv:

“Uô canr bôv tsuv muôx txux chi tsưr ziv, lês uô tâu hâux lưv jông phưx vưv pêx xênhv thiêx uô tâu. Thâuv ntêx tsi yuô thôngx li no, taz sik nhiv no zos uô canr bôv tsi lês uô jông cxuô luôs hâux lưv zok muôz, tsi muôx txux chi mak lok six phiv liv. Chênhr zos li co, chor canr bôv, lar heik zos têx lênhx thơưx tsuv nhênhv, tsuv nhênhz chơưv lok six ntâu chiê pâuz tsênhz zuk têx hâux lưv uô, hâux lưv tâu zok muôz thiêz pâuz mênhx tsôngv pêx xênhv tsưr ziv, siêz xar thâuv ntơư thiêx uô tâu hâux lưv”./.

An Kiên-Riê Lâux cxeik, nhênhv

Lơưr Sở vênhx huôv thiv thao thiêz ju lix tỉnh Điện Biên li thôngz sâu nhiv no muôx 205 qơư nhoz so ju lix, đros 2 cxênhz 700 ntâu qar so, hâur co thax tsav TP Điện Biên Phuv thiêz 121 qơư nhoz đros 1 cxênhz 800 qar so. Txơưv hnuz 16/3 nhiv kruôr tsưr tsix ntênhs phêv pax lâus shông 2024, taz sik kruô tuôx ndis seiz Điện Biên tưz lok six chôngz, têx qơư nhoz so no puôr lênhx tsi yuôr qơư. Lơưr UB tỉnh Điện Biên li ntâuk grê, đros cxix luôk qơư nhoz li nhiv no sâuv thax tsav TP ĐBP tsi tâu taz por chiê tos kruô, tiv zix zos hâur ntu tsưr tsix têx huôx tôngv lox. Viv li, UB TP ĐBP tưz yax mông, vênhv tôngv têx ziv chuôz zis sâuv thax tsav têx jêx jos, tuêv jênh phố paz qơư nhoz trâu tsôngv kruô hâur ntu tsưr tsix ntênhs phêv, gôngr phênhv car chêx phêv li, taz por qơư nhoz so trâu tsôngv kruô, tsês chiê trâu hâur tsôngv kruô li siêz têx kror jông lok têz qơưk Điện Biên./.

(Vũ Lợi-Txâur Vax cxeik nhênhv)

Jok Nậm Nghẹp-suôv qơư muôx têx pax txir tuôz ziz tơưs ntâu hâur xã Ngọc Chiến, huyện Mường La, tỉnh Sơn La zos thax tsav nhoz tox siêz đêz đrôngs. Co zos iz hâur têx qơư chos ntâu tuôz ziz đuô hur si hâur tỉnh Sơn La, muôx yênhx cxênhz ha, hâur ntơư 800 ha tsoz txir tuôz ziz lâul yênhx muôx yênh puôk shông. Têx hnuz hâur hli 3 zos cheix tuôz ziz tơưs pax jông đra pâus kror cxiêx qơư. Tsôngv kruô tuôx txos no zuôr tâu ndis seiz têx pax tơưs yiêz jông jav đros trâu tsôngv box cxuô heir nênhs nhoz thax tsav co têx txux chi vênhx huôv. Thâuv ntêx, têx txir tuôz ziz ntơư nưk tuôx nưk, taz sik nhiv no, zav tsoz chos no tsi tiêk txi txir tâu sâu đê, txos cheix têx pax tơưs đra tsênhv zos iz kro jông hu zâuv tsôngv kruô, cxuô lênhx cxuô tus tuôx ndis seiz, cxeik đuôz uô si thiêz. No zos cêr shir phaz, zos đas jos cxiz chiê tsôngv box Hmôngz nhoz no tsưx phưv, tu jông têx txir tuôz ziz. Zơưv Dó Xênhv Kháng, nhoz jok Nậm Nghẹp, xã Ngọc Chiến heik:

“Cheix txir tuôz ziz tơưs pax tsuv tiz jông tu, têx chês kruôr, chês lâul mak txiêr por tsês, têx chês mok thiêx hlar bôngx, tơưs pax jông, tsuv tu nyis li ntơư li tơưs pax jông. Shông no huyện tsưr tsix ntênhs hội pax txir tuôz ziz hâur jok, tsôngv box sơưr đơưk lok six shir phaz, kruô lơưr cux tuôx chôngz cơưk ndis seiz, cxeik đuôz uô si”./.

Lê Hạnh-Riê Lâux cxeik, nhênhv

Thâuv hnuz pôngz đhâu trôngz cux zos thâuv têx lớp cxuôv đis muôs ntơưr nhoz tox siêz Mù Cang Chải (Yên Bái) qir tơưk tênhz kriê ntơưr. Têx pox niêv mênhx cxưx Hmôngz tuôx lớp cơưv, lênhx tưs cux pâuz tiêk, pâuz ntơưr thiêx li hla đhâu cêr pluôs, luz nênhx thiêx jông đuô tuôx. Ciês thâuv uô tas têx hâux lưv, pox niêv xã Nậm Có, huyện Mù Cang Chải, tỉnh Yên Bái ho max muk cơưv ntơưr ntơưv tsêr côngv thôngx jos Thào Xa Chải. 40 shông hnuz nhôngs, Niêv lâuk Shôngx Thị CHù, nhoz jos Thào Xa Chải qir muk cơưv ntơưr, niêv lâuk puz pâuz, iz phênhv viv luz nênhx txov nhêv, đrâuv co zos niêv lâuk zuôr txir nzor viv li tsi tâu muk cơưv ntơưr, đhâu chính quyênx li yax mông, tâu txir thôngx ziv nhiv no tâu muk cơưv ntơưr cux pâuz nhênhv, pâuz sâu ntơưr chiê muôx cxaz yênhx tưv huôv tsar uô nox.

“Muôx hnuz nhôngs lơưv, muk cơưv ntơưr cux khưr, tsi sei li cxênhx hluôk, taz sik ho shir phaz viv muôx ntâu lênhx cux xưk li zuk. Pâuz ntơưr nhênhv tâu ntơưr, pâuz tâu luôk têx tsưr ziv chos ntông, tu zus buô huôv tsar uô nox”./.