Tas cik hnuz 18/1, Đoanx Đại biểu Côx tỉnh tỉnh Điện Biên tưz muk seiz shuôs, phôngv tsiêz thiêz muôz huv puz trâu têx chuôz zis pluôs, chuôz zis muôx luz nênhx txov nhêv hâur thax tsav huyện Điện Biên Đông. Đoanx tưz muôz 200 poz huv, iz poz zos 500 cxênhz đeiv nhiêx trâu chor chuôz zis muôx côngz têz qơưk, chuôz zis pluôs, chuôz zis muôx luz nênhx txov nhêv….hâur thax tsav huyện Điện Biên Đông. Đoanx côngz xưv tưz muôx luk nus txos pêx xênhv luz nênhx xênhz huôx thiêz phôngv sơưr đơưk iz shông yiêz muôx ntâu cêr shir phaz, chuôz zis tsâu sor. Đoanx côngz xưv cux vav chiê siêz, cấp ủy, hâu nov cxuô cấp huyện Điện Biên Đông tror moz siêz txos, txoz cxơưx luz nênhx nox nhoz trâu têx chuôz zis muôx côngz têz qơưk, chuôz zis pluôs, chuôz zis muôx luz nênhx txov nhêv./.

Báo Điện Biên-Riê Lâux cxeik nhênhv

Tsiêz no, chor pêx xênhv nhoz Lai Châu muk lok txix yêz thâux xa kruô chiê lok tsêr nox tsiêz chuôz ndê chôngz lênhx pir li cxiê shông tiv caz moz tưz tâu tir tar jông. Đros sir jos chiê tsôngv kruô muk lok kênhz, Qơư tsar đrêk yêz kruô tỉnh Lai Châu tsênhv sir jos sik côngv đros chor doanh nghiệp vận tải bax uô têx tsưr ziv chiê phưx vưv tsôngv kruô. Zơưv Lê Xuân Thoan, Phưv Giám đốc Qơư tsar đrêk yêz kruô tỉnh Lai Châu puz pâuz, njuôk xav chor kruô shông no zuôr chuôz ndê muôx 200% pir li tsiêz tsêiz no thiêz nhiv no tsênhv muôx 100 ntâu jiês yêz muk lok iz hnuz, hâur co muôx 60 ntâu jiês yêz muk lok trâu têx tỉnh: “Qơư tsar đrêk yêz za tưz sik côngv đros têx taz viv vận tải thiêz hêik têx taz viv đăngk cir yêz cxaz nzir. Txos trâu six hơưv no, têx taz viv kinh doanh vận tải tưz đăngk cir iz qơư chuôz ndê nzir txix 1 txos 2 luz yêz pir li tsưr ziv tưz tsơtưv chiê phưx vưv trâu pox nhuôs li muk lok hâur jiês tsiêz”./.

(Khắc Kiên-Lik Thox cxêik nhênhv)

Zos iz hâur têx chuôz zis yêik txar lok nhoz jok Dọi, xã Tân Lập, huyện Mộc Châu chiê zuôr qơư uô tsêr meir tênhv tênhz Sơn La, tix lâus Tòng Văn Bình tror ndo đuô, têx hnuz xuz thơưx yêik lol nhoz qơư yiêz, thâuv co tix lâus chuôz zis cux xưk li ntâu chuôz zis txơưr đuô tsênhv ndo zuk kuz têz kuz qơư; lar heik, luz nênhx nhoz qơư yiêz tsi thôngx li qơư nhoz kuz, uô tsôngv box cux njiz trâul ntâu phiv liv. Đhâu zuôr xar 20 shông, tâu Đảng, têz qơưk moz siêz txos, hâu nov ntơưv qơư thiêz tsôngv cưr tix nênhx tsa sơưr đơưk hâur thax tsav paz max, tsôngv box luz nênhx tưz ziv hnuz ziv hlôngr yiêz, chor liêx têz yuôx zêx, txir khơưz cux iz hnuz huôv tsar chos ntâu jux juk, ciês tix lâus Bình chuôz zis txos nhiv no tưz huôv tsar chos tâu xar muôx 2 ha têz yuôx zêx thiêz txir khơưz, muôx phênhv sâu tâu zuôr xar 100 tsov đeiv iz shông: “Pêz pêx xênhv niêx shông, uô ntêx tsiêz iz luz hlik, ho sik đros bax cxuô luôs hâux lưv chiê nox tsiêz, tok shông yiêz, iz shông luz nênhx ho vav mênhx jux juk thiêz tsâu sor đuô pir li thâuv ntêx. Bax tok tsiêz shông no, cur chuôz zis cux đros tsôngv cưr tix nênhx tsa sơưr đơưk zok nriêr nhiêx, keiz buô chiê nox tsiêz thiêz đros sơưr đơưk hâur jok nthuôr uô têx cêr lov jêv”./.

(Trấn Long-Riê Lâux cxeik, nhênhv)

Zênhx muôx đas jos, sêiz đrơưv, chor pox niêv mênhx cxưx Tày nhoz huyện Lục Yên, tỉnh Yên Bái thâuv cxaz chuôz sik tưr ndơưk poz mak zênhx tâu chôngz nênhs nhiêv sêiz, viv têx tsôngk yo hnar đros txơưx ndơưk poz uô trâu cxuô lênhx nênhs lok six shir phaz…. Đhâu oz shông tsuv tso tsês sik tưr ndơưk poz tiv caz moz Covid-19, piz txix iz đraz shông 2022, chor pox niêv mênhx cxưx Tày nhoz huyện Lục yên, tỉnh Yên Bái tror tâu cxaz chuôz ndơưk poz, thâuv cxuô huôx tôngv tror tâu kriz uô li kuz. Huôx tôngv ndơưk poz cux tâu chor pox niêv nhoz ntơưv no kriz uô hâur têx ntu tsik yuô khưr: sâu kôngz lôngk tas lok sik chor jiês ntênhk tsiêz hâur shông…/.

(Thừa Xuân-Lik Thox cxêik nhênhv)