Lơưr Sở Kôngz nuv thiêz Huôv tsar jêx jok tox siêz tỉnh Điện Biên, ntâu thax tsav tsêz chos ntơưv thax tsav qơư no tsênhv njiz trâus ntux kruôr zov chênhr. Chiê txo grêk tsơưs tiv zix têx trâus hiêv tiv muôx tsik txâuk đêx, nganhx Kôngz nuv tỉnh hêik cxuô thax tsav qơư bax sik côngv đros têx taz viv sêiz car đêx liv, tsưr tsix đêx liv sâuv thax tsav tsik so sêiz kaz jông chor đêx  muôx hâur têx pak đêx, cưx đêx, cưx ha, cxiv tsa tsưr ziv sir zôngv cxênhx txuôs, tsêx trung đêx chiê taz por trâu uô kôngz nuv. Sêiz kaz truôx jông xor mông njuôk ntux yar ntux nas chiê tso đêx hâur têx pak đêx cov huv đros; qênhz shuôk chor đêx muôx hâur têx côngz trinhx đêx liv./.

VOV4-Lik Thox cxêik nhênhv

         Siêz xar lok huôv tsar jôngr nuv ntơưv Lào Cai tưz tâu hlôngr yiêz jông txix chos jôngr reik đros por vêv tênhx qơư chiv xênhz đrox tsuôk yênhx huôv tsar kinh têr jôngr nuv reik đros tuôr tsês chiv xênhz đrox tsuôk. Zơưv Nguyễn Việt Hà, Chi cục tsar chi cục jôngr nuv tỉnh Lào Cai puz pâuz, hâur têx shôngk đhâu, huôv tsar kinh têr txix Lào Cai li har jôngr tưz hlôngr yênhx chos jôngr, txix jôngr ntông mê yênhx jôngr ntông lox. Côngv đros hlôngr yiêz tsoz chos muôx tsiv grê siêz. Têx tsêr meir tsiv uô jôngr ntông tâu yưv pênhr cxiv tsa reik đros huôv tsar thax tsav chos chêx chôngk, tsôngv box muôx phênhv sâu siêz txix jôngr, yênhx trus uô bluô nux txix hâux lưv chos jôngr./.

(TTXVN-Txâur Vax cxeik nhênhv)

         Txơưv tưz uô ntâu tsưr ziv, taz sik ntu đhâu sâuv thax tsav tỉnh Yên Bái cux muôx yưv txiêz nanv lox tôngv hâur têx huôx tôngv kriz uô khoangr yax. Chiê uô tâu jông đuô côngz xưv taz por ngaz tuk lox tôngv, txo grêk tsơưs tiv zix chor txuz txiêz nanv, tiv zix zos hâur chêix ntux nas chuô, cxuô nganhx, thax tsav qơư thiêz taz viv sir zôngv lox tôngv tsênhv kriz uô ntâu tsưr ziv tsênhv tsênhz. Pos Nông Thu Hà, Phưv Chủ tịch Ủy ban huyện Lục Yên, tỉnh Yên Bái hêik pâuz: “Huyện tror chox kriê chor doanh nghiệp kriz uô huv đros lơưr ploz tsênhr, kỹ thuật lok ngaz tuk hâur kriz uô têx poz jêz. Sir zôngv têx công nghệ yiêz jông lok uô chiê cxênhx txuôs thiêz por vêv tênhv qơư; tsik so qênhz yuôx têx qơưk uô chiê pov, thiêz khưx phưx tâu têx kror phiv liv muôx yưv; tsik kriz uô ntơưv têx qơư tsik ngaz tuk”./.

Thừa Xuân-Lik Thox cxêik nhênhv

         Hnuz 22/5, Công an huyện Sông Mã, tỉnh Sơn La puz pâuz, taz viv nhiv kruôr xưv bluô 2 lênhx nhuôv nxeik shux xênhz 14, 15 shông puôr lênhx hnuz huyện Sông Mã viv tsar yêz tsi ntông pov por vêv tâuz hâu thiêz tsi muôx ntơưr tso chei tsar yêz uô tsi taz por zaoz thôngz. Tsênhz mênhx, lok hnuz 20/5 sâuv mạng xã hội muôx video clip lok 2 lênhx nhuôv nxeik tsar yêz meir gra biển số 26C-217.42 tsi ntông mov por vêv tâuz hâu thiêz cê tsar yêz cê zưs đêx uô si thâuv cxaz chuôz zaoz thôngz sâuv thax tsav. Ciês thâuv co, tuêv cảnh sát zaoz thôngz, Công an huyện Sông Mã tưz xav tênhv tâu 2 lênhx nxeik co nhoz jos Lưng, xã Chiềng En, huyện Sông Mã (Sơn La)

        Thâuv tâu hu tuôx chiz coaz công an, uô tsênhz mênhx hâux lưv heik sâuv, Công an huyện Sông Mã tưz uô ntâuz ntơưr xưv phuôv hành chính, sâu tsês yêz meir chiê yưr lir trơưk pháp luật li cui tênhv./.

(CTV-Txâur Vax cxeik nhênhv)