Bôv Zoz thôngz Vận tải nhiv kruôr muôx cuêz tênhv cơưv kror trôngx qơư tsar đrêk yêz za Điện Biên txix iz tas hmo hnuz 15/4 txos iz tas hmo hnuz 17/12 shông no chiê kriz uô chor dự anr yưv pênhr cxiv tsa, kriz đar qơư tsar đrêk yêz za Điện Biên. Lơưr co, Bôv Zoz thôngz Vận tải cuêz tênhv cơư kror trôngx qơư tsar đrêk yêz za Điện Biên lơưr cuêz tênhv 270, ntơưv jiês cơưv Ban chox kriê kriz uô dự anr yưv pênhr cxiv tsa, kriz đar qơư Tsar đrêk yêz za Điện Biên nhiv kruôr no, zơưv Trần Quốc Cường, Ủy viên Trung ương Đảng, Bí thư Tỉnh ủy Điện Biên, Trưởng Ban chox krie tưz hêik Ủy ban tỉnh Điện Biên chox kriê chor sở, nganhx thiêz thax tsav qơư cik txos tsêx trung đơưk kho têx phiv liv, paz zôngx ziv trâu tổng công ty Yêz za Việt Nam muôx txâuk cxuô kror kriz uô têx dự anr; tsêx trung uô cov tiêr côngz xưv lok thax tsav qơư huv đros trâu tỉnh chox kriê thiêz uô cov tiêr li tsưr ziv tưz tso tơưv./.

(Vũ Lợi-Lik Thox cxêik nhênhv)

Ntơưv huyện Mường La, tỉnh Sơn La-suôv qơư muôx zuôr xar 68 cxênhz ha jôngr ntông, njuôz vor tox trôngz câuv har tax xar 48%, khov ntơưv qơư thiêz ngênhx muôx vax huôv bax uô jông têx tsưr ziv phax tir thêir, viv li têx luz hlik ntux kruôr gis shông no, hâur thax tsav tsi pov muôx txuz hluôr tơưk cuz tox cuz jôngr tưs hlo. Ciês lưv lươngv yuôx jôngr hâur 3 luz hlik đhâu tưz cơưv zuôr xar 50 jiês yax kriê nhoz têx jêx jok ntơưv chorx ã Chiềng Ân, Chiềng Lao, Nậm Giôn, Hua Trai, Ngọc Chiến, Tạ Bú…., xav hur si muôx 3.300 ntâu lênhx nênhs cxaz chuôz. Iz cahss co zos sir jos muk têx jêx jok, hâur xã; bax hux jos uô jông hâux lưv qênhz yuôx, qênhz shuôs chiê zênhx max phax tir thêir, qênhz pov thiêz xưv bluô têx uô cxâuv, ruôr hiêv jôngr ntông. Zơưv Nguyễn Trung Hòa, Hạt tsar Hạt yuôx jôngr huyện Mường La, tỉnh Sơn La heik pâuz:

“Hâur têx hnuz zuôr txos, pêz zuôr tror chox kriê têx lênhx yuôx jôngr hâur thax tsav tsi so muk têx xã nhênhz chơưv trâu cấp xã uô jông hâux lưv phax tar tsi chiê hluôr tơưk txeik cuz har jôngr, har tsuôs; iz chas ntơư zos tsi so qênhz yuôx shuôs têx jôngr ntông thiêz kriê pêx xênhv thâuv hlơưr têz tsuv hlơưr, trơưk six hơưv, cui tinhv”./.

Thu Thùy-Riê Lâux cxeik nhênhv 

Ủy ban tỉnh Lai Châu nhiv kruôr muôx ntâuz ntơưr xa trâu chor sở, nganhx, thax tsav qơư thiêz chor tsưr tsix kriz uô khaongr yax sâuv thax tsav cov uô truôx jông lơưr chêi têz qơưk têx cui tênhv lok hâux lưv kriz uô khoangr yax. Nhiv no, tỉnh Lai Châu tưz uô bê ntơưr 25 taz viv yuôr ntâu kror uô tsik tâu huv đros tsuv khưx phưx; hâur co, muôx 20 taz viv uô cxâuv hâur kriz uô khoangr yax li suôz jêz, poz jêz. Chiê huôx tôngv kriz uô khoangr yax sâuv thax tsav tâu uô truôx jông, taz por huv zos lơưr cêr chêi têz qơưk têx cui tênhv, Ủy ban  tỉnh Lai Châu tưz hêik chor tsưr tsix kriz uô khoangr yax qênhz shuôk têx cui tênhv hâur zuk têx ntâuz ntơưr tâu tso chêi kriz uô thiêz cêr chêi têz qơưk têx cui tênhv; thôngx cxix tsuv sir jos khưx phưx têx kror uô tsik tâu huv đros, tsik tâu jông tưz tâu hêik pâuz sâur…/.

Khắc Kiên-Lik Thox cêik nhênhv

Sở Zoz zux tỉnh Lào Cai heik pâuz, shông cơưv 2022-2023, tỉnh tưz paz max zuôrx ar 27 tyv đeiv txix nhiêx ntơưv qơư trâu 122.500 lênhx shux xênhz, phênhv ntâu zos têx tuz nhuôs heir nênhs tsơưs, nhoz tox siêz tsênhv yuôr ntâu txov nhêv, chiê paz shux xênhz li niêv txir thiêz shux xênhz sir jos hâur cêr cơưv txux, gra siêz tsơưr lươngv kriê thiêz cơưv ntơưr. Phênhv paz no uô lơưr HĐND tỉnh Lào Cai li tsênhv njiêz Nghị quyết 01, nhiv kruôr tâu thôngz đhâu cui tinhv paz max nhiêx khiêz cơưv shông cơưv 2022-2023 trâu têx nhuôs shux xênhz, cưk kriê zoz zux thường xuyên hâur thax tsav tỉnh Lào Cai chiê uô lơưr Chính phủ Nghị quyết sôr 165/NQ-CP hnuz 20/12/2022./.

Báo nhân dân-Riê Lâux cxeik nhênhv