Nhoz đros iz thax tsav, suôv qơư taz sik tsôngv pêx xênhv huyện tox siêz Trấn Yên, tỉnh Yên Bái tưz muôx phênhv sâu tâu ntâu đuô txix 3-4 jiês khov muôz têx liêx têz uô blêx, chos jâuz tâuv hlôngr chos jâuz, tu zus caz chaz xor; ntâu chuôz zis muôx phênhv sâu 2, 3 tsov đeiv txos yênhx puô tsov đeiv iz shông. Zơưv Đinh Xuân Trường, Giám đốc Công ty chos jâuz, tu zus caz chaz xor Yên Bái heik pâuz: Chiê taz por muôx txâuk jâuz tu zus caz cux iz zav têx caz uô lưk jông, công ty cir ntơưr chos luk sâu chor xã hâur thax tsav huyện Trấn Yên thiêz têx xã nhoz jê iz ndis chor lưk caz. Taz viv tso tơưv tsưr ziv sâu zuôr iz cxênhz tênhr lưk caz hâur shông no: “Công ty chos luk trâu pêx xênhv zos sơưr đơưk muôz tâu têx lưk caz mak công ty sâu zuôr hur si. Têx lênhx pêx xênhv tưs tsi yuô tâu muôx tsưr ziv tu zus, công ty zuôr tso nênhs muk kriê chiê tu tâu têx caz, uô tâu lưk jông đuô, cov muôx phênhv sâu truôx. Sik hux jos uô li heik sâuv zuôr paz tsôngv pêx xênhv muôx tsưr ziv đuô tu zus têx caz chaz xor”./.

Đinh Tuấn-Riê Lâux cxeik nhênhv 

       Txix hâur hlik hli 5 txos nhiv no, Điện Biên tsik so njiz trâus muôx ntâu jiês yar ntux cuz sor, uô chor đêx hâur ntâu luz pak đêx trâus kruôr. Chiê phax tar qênhx shênhx no, nganhx muôx vax huôv ntơưv thax tsav qơư tưz kriz uô tsưr ziv tsês chiê đêx nzor chiê taz por muôx txâuk đêx trâu chor kôngz lôngk. Zơưv Lê Văn Thi, Giám đốc Công ty TNHH sêiz car Đêx liv kôngz nuv Điện Biên puz pâuz: Taz viv nhiv no tsênhv sêiz car, tso đêx hâur 13 luz pak đêx lox sâuv thax tsav. Sir jos sik côngv thiêz thôngx ziv đros chor tsêr mêir đêx tênhv muôx tsưr ziv tso đêx, tâur đêx nzor chiê muôx đêx trâu zar kaz đêx hâur ntu zuôr txos cux xưk li taz por muôx đêx trâu xênhz huôx thiêz uô nox: “Nhiv no chor pak đêx tưz tsuv tsik tso đêx mak tsêx trung tâur đêx phưx vưv trâu chêix chiv zuôr txos. Thâuv ntêx mak tsik so txos 15/7 thiêx tâur đêx, taz sik shông no yar ntux cuz sor viv li tsuv tâur đêx nzor đuô chiê tsês chiê đêx thâuv muôx ntux lok nas. Iz cxiê pak tsês chiê đêx zâu lok cux piz tâur đêx cov muôx txâuk đêx trâu ntu zuôr txos”./.

Vũ Lợi-Lik Thox cxêik nhênhv

        Txơưv ntux lok six cuz sor, taz sik Việt Nam li zuôr xar 2 cxênhz tênhr txir lưv tsiz lox siêr nzor hâur shông 2023 tưz tâu muôs đhâu trôngx đriv Lào Cai. Txix ciês thâuv têx txir lưv tsiz tsi tâu siêr, cxuô ngênhx muôx vax huôv hâur Lào Cai tưz bax tsưr ziv seiz lax chiê muôs tâu zôngx ziv thiêz sei têx txir no đhâu trôngx đriv trâu luôs 2 chas têz qơưk. Zơưv Phạm Văn Đức. Phưv Chi cục tsar Chi cục Hải quan trôngx đriv ntiêx têz Lào Cai heik: “7 six krêz trôngx mak 6 six 30 phênhz pêz tưz muôx njêx muôs ntơưv no chiê uô ntâuz ntơưr trâu doanh nghiệp muk lol đhâu trôngx đriv. Hur tiz si têx txir lưv tsiz  tuôx txos trôngx đriv mak pêz thâuv tưs tưz zênhx max uô ntâuz ntơưr chiê têx txir ntơư muk đhâu sei”./.

An Kiên-Riê Lâux cxeik, nhênhv

         Xar muôx 5 six zuôr tsâuk ntux hnuz 24/5, iz cxiê thax tsav qơư nhoz xar Tú Nang, huyện Yên Châu, tỉnh Sơn La tưz muôx ntux nas chuô đros lơưs. Jiês ntux lok nas chuô đros lơưs no ntêr muôx 30 phênhz tưz uô phiv liv txos pêx xênhv li uô nox, tiv zix zos tsênhv txos trâu chiv sâu đêx têx txir mo môngk thiêz txir lưv tsiz sôngz… Nhiv no chinhr quyền ntơưv qơư tsênhv qênhz yuôx, nriêr pâuz têx trâus hiêv; thôngx cxix, kriz uô têx tsưr ziv phax tar ntux têz ruôr hiêv, txox grêk tsơưs tiv zix têx trâus hiêv. Lơưr Tsênhv qơư njuôk ntux yar ntux nas têz qơưk, hnuz 25/5, iz jiês chuô txiêk zuôr lok trâu pêz têz qơưk uô muôx ntux lok nas ntơưv faz Bắc. Cơ quan njuôk ntux yar ntux nas hêik pâuz, ntux nas chuô lok ciês đhâu thâuv muôx iz jiês yar ntux cuz sor  truz ntêr hnuz, viv li zôngx ziv muôx yưv chuô lox, lok lơưs. Ntux lok nas lox zôngx ziv uô đêx ngaz ntơưv têx qơưk kik, pêx xênhv sơưr đơưk uô jông sêiz shuôk thiêz phax tar ntux nas chuô uô ruôr hiêv txos./.

Lê Hạnh-Lik Thox cxêik nhênhv