Chor hnuz thâuv hâur shôngk shông yiêz, yênhx cxênhz tsôngv box mênhx cxưx tưz lok trâu quảng trưởng Tây Bắc, thành phố Sơn La chiê dự “Hôiv ntux yiêz hơưv txos hloz Hôx”. Hâur têx suôz đruôk, suôz trax, 1.200 ntâu lênhx nghệ nhan, nghệ sĩ, diễn viên thiêz pêx xênhv sơưr đơưk tưz sik tuôr têk trơưr chiê đhiê pax vuôs xòe sik côngv siêz. No zos huôx tôngv tsik so tâu thành phố Sơn La tsưr tsix trâu thâuv hâur shôngk shông yiêz đros muôx ntâu huôx tôngv uô si, lov jêv li: lêiv poz, Tó má lẹ… Hnuz hôiv tưz zaz zâuv chôngz tsôngv box cxuô mênhx cxưx thiêz tsôngvkruô nhoz đêz jê tuôx sêiz shuôk thiêz nriêr pâuz; paz muôx tâu cêr lov jêv, shir phaz trâu iz shông yiêz cov muôx ntâu yênhx côngz; thôngx cxix, hêik tơưv sik côngv siêz jông, sik đros tuôr tsês chiê têx vênhx huôv mênhx cxưx jông./.

TTTB-Lik Thox cxêik nhênhv

Thâuv cxuô ziv chuôz zis tsênhv shir phaz lov jêv nox tsiêz mak ntâu lênhx canr bôv, chiến sĩ tuz lênhv pênhz phax cux niêx hnuz hmo nhoz trơưr ntus đriv uô têx luôs hâux lưv zok muôz chiê tsưx phưv truôx têz qơưk, pêx xênhv nox tsiêz lov jêv. Jiês qênhz yuôx shuôs đriv têz hâur têx hnuz tsiêz, Trung tá Bùi Ngọc Bài đros chor tuz lênhv nhoz Zênhx Pênhz phax Y Tý, huyện Bát Xát, tỉnh Lào Cai tưz ndo njôngr gra đros triêv, txuôk chiê luôx đrox, suô têx khâuz nhaz, vêv xênhz chor ndêx cxok kuôk cêv đriv têz; tas nro têx hâux lưv uz no txơưr đuô cux puôr lênhx lês uô đreiv li cxiê hnuz: “Pêz hâux lưv chênhr zos qênhz yuôx, qênhz shuôs, tsưx phưv đriv têz, qênhz pov, tir thêir tsi chiê lênhx nênhs muk lol thiêz uô lax luôv, zuôr muôs têx hax huv tsi trơưk chei đhâu ntus đriv; yax kriê vênhv tôngv pêx xênhv tsi tâu muk lol đhâu đriv têz tsi trơưk chei lok sik zuôr muôs têx tsơưr zôngx ziv tơưs cuz đhâu đriv têz”./.

An Kiên-Riê Lâux cxeik nhênhv 

Tsôngv box Hmôngz nhoz Lai Châu-Tây Bắc muôx lok six ntâu hâux lưv uô xôngx nzor thiêz iz kror hâux lưv uô puôr lênhx hêik txos iz kror jông nhoz yênhx thax tsav qơư. No cux zos qir tiv hâux lưv cok pax ntâuz trâu têx ntâu tưz thiêz tsênhv tâu tsôngv box sir jos tuôr tsês chiê txix fâuv nênhs no trâu fâuv nênhs tov ntêx. Niêv tix Giàng Xênhv Hav, nhoz jok Pá Khoang, xar Pha Mu, huyện Than Uyên hêik pâuz: Phênhv ntâu chor pox niêv hâur jok puôr lênhx pâuz sơưk ntuôs, ntok ntâuz, xơưk tsôngk yo. Hâux lưv uô no tưz tâu chor pox niêv kruôz kriê trâu chor tuz nhuôs thâuv nhiv kruôr muôx 12-13 shông thiêz no tâu sêiz zos chor pox niêv kror tsuv pâuz uô ntêx thâuv zuôr muk zuôr txir./.

Khắc Kiên-Lik Thox cxêik nhênhv

Trơưk li njuôk xav, txix nhiv no txos hnuz 29/1, hâur thax tsav tỉnh Yên Bái muôx iz jiês no njiv hênhr; nhoz tox siêz muôx têx zuôr no ntêr txos hli 02/2023 thiêz têx thâuv tox siêz zuôr lok đâuk tê. Chiê bax phax tar no trâu têx tsiêx tu zus, cxuô thax tsav qơư nhoz Yên Bái tưz kriê pêx xênhv cov muôz ntâuz tax lok xor thêir têx qơư cơư tsiêx tsi chiê chuô txiêk yâu, muôz jâuz tâux, krâur puz tsiêx cxu, têx hnuz no njiv tsi tso tsiêx lak yar, muôz đêx sor trâu tsiêx hâuk thiêz trâur tơưk trâu tsiêx ntê cov sor…. Zơưv Nông Thanh Nhiêm, Phưv Chủ tịch Ủy ban xã Minh Chuẩn, huyện Lục Yên heik pâuz: “Ủy ban xã tưz fuô kriê txos trâu cxuô jêx jok, heik tsôngv pêx xênhv bax  phax tar no thiêz yeiz trâu têx nhux tưv. Tiv iz zos bax cxiv kho, xor thêir têx qơư cơư tsiêx; tiv 2 zos bax têx jâuz krâur trâu tsiêx tâu nox hâur têx hnuz no njiv….”./.

Đinh Tuấn-Riê Lâux cxeik nhênhv