Đhâu 2 shông ntâu fuô uô Nghị quyết Đại hội Đảng bộ tỉnh Yên Bái jiês tiv 19, tỉnh li công nghiệp tưz tsar ndê jông, uô tiêr têx luôs hâux lưv tso tơưv. Ciês shông 2022, tsiv uô công nghiệp tax 15.500 tyv đeiv ntâu, bâuv 100% ntâu tsưr ziv tso tơưv; lok sâuv huôv tsar uô công nghiệp tsar ndê 9% pir li shông uô ntêx. Đros trâu hlôngr yiêz tênhx qơư uô lax luôv, gra siêz tsưr ziv huôv tsar uô nox lơưr Chính phủ li Nghị quyết 02, Yên Bái cux zos thax tsav qơư tưz thiêz tsênhv uô jông đêx anr “paz max hlôngr yiêz tsưr ziv huôv tsar uô nox” txos shông 2025…. Zơưv Phạm Trung Lân, Phưv Giám đốc Sở Công thương tỉnh Yên Bái heik pâuz:

“Tsuv hu zâuv tâu têx dưv anr lox yưv pênhr uô thiêz têx dưv anr no zos dưv anr uô ntêx nyuôs chox têx dưv anr mê huôv tsar uô nox, lax luôv, muôx têx lơưr đros cxơưz paz chiê uô li chas sơưr đơưk puôr lênhx huôv tsar uô tâu trơưk tsưr ziv, siêz xar”./.

VOVTB-Riê Lâux cxeik nhênhv

Tsaz yênhx siz njiz Thôngx ziv Ntiêx têz-Ntux yiêz 2023 tâu tsưr tsix ntơưv tỉnh Lào Cai hâur 2 hnuz 26-27/3 tưz suôv câuv jông, paz tsês chiê ntâu kror jông trâu tsôngv kruô ntiêx têz. Tsaz yênhx muôx zuôr xar 150 lênhx têiv plor cxaz chuôz, hâur co muôx 14 lênhx thiêz chor nênhs hlôngr njêx muôs, canr bôv ngoại giao 34 Đại sứ quán têx têz qơưk; 24 lênhx hlôngr njêx muôs chor tsưr tsix ntiêx têz/chor tsưr tsix phi chinhr phuv sâuv ntiêx têz. Hâur six hơưv sik njiz, saz hlôngr njêx muôs Lào Cai thiêz 6 lênhx hlôngr njêx muôs chor tsưr tsix phi chinhr phuv saz đrâuv têz qơưk tưz cir ntâuz ntơưr ndo njôngr têx phênhv paz hâur ntu yiêz, đros tas nro tsiv gri muôx 2 triệu ntâu USD; 2 tsưr tsix phi chinhr phuv saz đrâuv têz qơưk tưz muôz iz cxiê suất học bổng trâu shux xênhz muôx luz nênhx txov nhêv sâuv thax tsav tỉnh Lào Cai./.

An Kiên-Lik Thox cxêik nhênhv

Tưr Karate faz Bắc jiês tiv 3 tsưr tsix ntơưv tỉnh Điện Biên txix hnuz 26-29/3. Cxaz chuôz sik tưr thik muôx zuôr xar 250 lênhx nhoz 16 đoanx zos: Bắc Giang, Bắc Ninh, Thái Nguyên, Điện Biên, Hải Dương, Ninh Bình, Hải Phòng, Hà Nội, Công an, bôv đôiv, Hòa Bình, Vĩnh Phúc, Hưng Yên, Thái Bình, Lạng Sơn thiêz Cao Bằng. Zơưv Nguyễn Minh Phú, Giám đốc Sở Vênhx huôv, Thêv thao thiêz ju lix tỉnh Điện Biên heik pâuz: Co zos six hơưv chiê sơưr đơưk tâu siz chuôs njiz, sik cơưv shâuv têx tsưr ziv uô nox, xênhz huôx  hâur luz nênhx niêx hnuz. Iz chas co, chuôz tsar cêr sik thôngx siêz, siz cxơưz paz huôv tsar jax txux chi heik sâuv nhoz Việt Nam. Thôngz đhâu sik tưr li co chiê qênhz pov, xeir tsov chor hluôk nênhs muôx txux chi, tưr thik tâu jông muk đros luôs lưv tus siz tưr thik hâur têz qơưk./.

Vũ Lợi-Riê Lâux cxeik, nhênhv

Lơưr thôngz sâu, tsuôk xav txix hnuz 1/3 txos 24/3, lưx lươngv Cảnh sát zoz thôngz tas nro tỉnh Sơn La tưz tsưr tsix 1.100 ntâu jiês qênhz yuôx thiêz tưz qênhz yuôx muôx 8.000 ntâu luz yêz. Tưz qênhz pov, uô ntâuz ntơưr xưv lik 1.600 ntâu lênhx nênhs uô cxâuv cêr chêi, xưv bluô tâu muôx 6,2 tiv đêiv ntâu. Thượng tá Hoàng Thị Thanh Huyền, Phưv trưởng phòng Cảnh sát zoz thôngz, Công an tỉnh Sơn La puz pâuz, ntu zuôr txos, lưx lươngv Cảnh sát zoz thôngz tas nro tỉnh zuôr chuôz cxaz qênhz yuôx, xưv lik têx kror uô cxâuv lơưr chuyên đề, hâur co tror xưv lik truôx jông têx uô cxâuv lok Chêi zoz thôngz cêr ar. Thôngx cxix, zuôr sir jos uô jông hâux lưv qênhz yuôx hâuk chơưr, bia chiê paz hlôngr yiêz đuô qênhx shênhx, têx cor cav, vênhx huôv “Tưz hâuk chơưr, bia mak tsik tsar yêz”./.

TTTB-Lik Thox cxêik nhênhv