Đhâu so tsiêz têz qơưk, hâur 2, 3 hnuz đhâu, cxuô thax tsav qơư ntơưv Tây Bắc tưz uô ntâu hâux lưv hơưv shông yiêz hâur shôngk shông đros trâu cêr shir phaz, lov jêv, sir jos cov iz shông uô tâu ntâu luôs hâux lưv đuô. Ntơưv ntênhs phuôx tôngv cấp tỉnh tâu uô ntơưv jok Thanh Tú, xã Đại Lịch, huyện Văn Chân, 1.300 ntâu lênhx canr bôv công chức, yuôx jôngr, công an, tuz lênhv thiêz tsôngv pêx xênhv cxuô xã tưz sik đros chos 3,5 ha tsoz ntông keo. Đros trâu co, chor huyện, thị xã, TP hâur tỉnh cux iz luôs đros chos 650 ha têx ntông njuôz. Hoàng Linh, iz lênhx hluôk nênhs cxaz chuôz chos ntông shir phaz heik pâuz: “Co zos jiês tiv 3 cur cxaz chuôz tsiêz chos ntông hâur shông yiêz thiêz cur lok six jông siêz. Thâuv tas cik cur sơưr lok six nzor, chos ntông ntơưv thax tsav tâu phênhz côngz. Pêz vav chiê siêz, têx ntông pêz chos zuôr hloz lox jông, njuôz vor tox trôngz câuv har, uô hur jông zuk qơư nhoz”./.

Đinh Tuấn-Riê Lâux cxeik nhênhv

Txix nhiv no txos 15 hli 1 zênhz lix, 9 huyện, thành phố, thị xã hâur tỉnh Lào Cai sir jos chos txix 800 cxênhz txos 1 tsov tsoz ntông njuôz. Têx zav tsoz chos phênhv ntâu tâu chos zos jiz, ciêv fix, ntông chiêz, bồ đề.... Zơưv Đỗ Văn Duy, Giám đốc Sở kôngz nuv thiêz huôv tsar nôngx cxênhz tỉnh Lào Cai puz pâuz: “Hâur jiês chos ntông tsi taz chiê phuôx tôngv chos jôngr chêx chôngk mak tsênhv chiê phuôx tôngv chos ntông. Viv nhiv no ntông chos tsênhv zos vênhv thix coaz tsôngv, cê uô têz qơưk jông jav, cê uô khôngz qiv, qơư nhoz ntơưv nôngx cxênhz jông đuô”./.

(An Kiên-Txâur Vax cxeik nhênhv)

Txix thâuv cxiv tsa côngz trênhx tsêr meir tênhv tênhz Sơn La, tsôngv box huyện Quỳnh Nhai luz nênhx xênhz huôx tưz nhoz đreiv đros têx đêx thiêz fuôx gox cux yênhx têx nuv uô, muk lol hâur niêx hnuz. Chênhr viv li, hâur luz iz hlik niêx shông, Quỳnh Nhai tsưr tsix ntênhs hội sik tưr gruôv gox chiê khưx phưx, tuôr truôx tsês têx txux chi cêr nênhx vênhx huôv jông thâuv nzor, uô cêr uô si lov jêv trâu sơưr đơưk hâur shôngk shông yiêz. Co ux zos six hơưv piêr kriê trâu tsôngv kruô luôs 2 chas thax tsav pâuz txos têx jông jav, txux chi vênhx huôv thâuv nzor thiêz nênhs Quỳnh Nhai. Zơưv Lò Thanh Thủy, Phưv Chủ tịch Ủy ban huyện Quỳnh Nhai, tỉnh Sơn La heik pâuz: No zos iz hâur têx ntênhs hội tâu huyện uô đreiv, por hưv tsês, lar heik zos huôv tsar uô jông ntênhs hội chiê sik đros luôs 2 chas thax tsav qơư tưr thik hâur ntu zuôr txos./.

 VOVTB-Riê Lâux cxeik, nhênhv

Tas cik hnuz 29/1, iz txuz txiêz nanv zaoz thôngz muôx yưv sâuv cêr muk chênhr Nội Bài-Lào Cai, ntu đhâu xã Châu Quế Hạ, huyện Văn Yên, tỉnh Yên Bái uô 2 lênhx nênhs trâus saz hnhar. Lơưr co, yêz ô tô huyndai Tucson muk lơưr saz Nội Bài-Lào Cai tưz đrâu trâu tư yêz teiv, uô 2 lênhx nênhs sâuv yêz trâus saz hnhar. Ciês thâuv muôx txiêz nanv, Tuêv qênhz yuôx cêr muk chênhr số 1, phongx seiz car zaoz thôngz cêr ar, Cục cảnh sát zaoz thôngz, Bộ công an đros tuêv số 3, Ban seiz car cêr mụk chênhr Nội Bài-Lào Cai tưz tuôx đros taz viv muôx txơưx jênhv seiz car zaoz thôngz, qênhz yuôx qir tiv txuz txiêz nanv. Pox nhuôk tsov cưv uô jong Cei zaoz thôngz cêr ar, tsi hâuk chơưr bia thâuv tsar yêz chiê taz por trâu zuk thiêz côngv thôngx./.

(Đinh Tuấn-Txâur Vax cxêik nhênhv)