Zar hnuz kêix 30/5, Tòa anr tỉnh Điện Biên tưz hêik pâuz têx kror cxâuv hâur txuz anr ruôr hiêv jôngr ntơưv trôngz Pha Đin.

            Ntơưv Tòa anr, chor nênhs co cux tưz jênhv tas nro zuk kror cxâuv. Xav jênhv no zos têx kror uô cxâuv phiv liv, uô hiêv ntâu txos têz qơưk li cxuô zav, khov trâu têx ntâuz ntơưr txuz anr, thiêz khov trâu cxuô kror sêiz lax ntơưv tòa, Hôiv đồng xét xử tưz xưv bluô chor nênhs uô cxâuv hâur txuz anr no tas nro tsuv cơư 12 shông, 5 hli nhoz tsêr tux. Trần Duy Tuấn 26 hli nhoz tux; Đinh Văn Cường 24 hli nhoz tux; Trương Văn Cường, Phạm Duy Nguyên, Lầu A Dùa tsuv cơư 30 hli nhoz tux. Six hơưv nhoz tux tâu xav txix thâuv piz cơư tux.

            Lok txơưx jênhv dân sự, txêik jênhv 440 triệu đêiv zor chor nênhs uô cxâuv co muôz chiê thêv khưx phưx têx trâus hiêv; thôngx cxix, hêik chor nênhs co tror thêv nzir 500 triệu đêiv tsênhv yuôr chiê khưx phưx cxuô kror trâus hiêv co./.

Vũ Lợi-Lik Thox cxêik nhênhv

            Nhiv kruôr no, Hội LHPN xã Thải Giàng Phố, huyện Bắc Hà, tỉnh Lào Cai tsưr tsix cơưv sik thav lok têx tsênhv chei đros thiêz chor pox niêv, vir ndâuk, muôx njiêz luk: Phax tar siz zuôr nzor, siz zuôr cxênhz jê. Jiês cơưv no nhoz têz qơưk tsaz yênhx huôv tsar kinh tế, xã hội thax tsav tsôngv box heir nênhs tsơưs thiêz tox siêz li dưv anr 8 lok “pox niêv txir nênhx vax huôv siz luôs thiêz đơưk têx phiv liv trâu pox niêv, nhuôs zâu”. Têx tsênhv njiêz lok phax tar siz zuôr nzor, siz zuôr cxênhz jê tưz tâu chor cơ quan lês car uô đreiv luôs hâux lưv li heik sâuv yax kriê, uô tsênhv tsênhz, lar heik zos chei têz qơưk têx cui tinhv lok siz zuôr chiê sơưr đơưk pâuz tsênhz thiêz uô trơưk chei têz qơưk cui tinhv./.

VOV-Riê Lâux cxeik nhênhv

             Thâuv tsênhv muk uô hâux lưv, Đại úy Phạm Tùng Sơn thiêz Thượng úy Lò Xuân Thành, canr bôv Đôiv Cảnh sát sêiz car hành chinhr lok ngaz tuk xar hôiv, Công an huyện Than Uyên (Lai Châu) tưz pov thiêz chơưv paz tâu tuk nhuôv tuz Lê Bảo Long, zus shông 2019, nhoz ntơưv Khu 8, thị trấn Than Uyên, huyện Than Uyên trâus pôngz đêx. Lơưr lênhx nhuôs no chor nênhs hâur tsêr hêik, Long tâu niêv txir chiê trâu tuk muôv zus shông 2010 sêiz jor chiê muk uô hâux lưv. Thâuv uô si, Long tưz muk txos trâu luz pak đêx no thiêz plav tơư pôngz trâu hâur pak đêx. Uô tsâus ntâu txos chor canr bôv Công an, hnuz 29/5 niêv tix Nguyễn Thị Lệ, Long niêv tưz muôx ntơưr uô tsâus ntâu txos Ban Giám đốc, Công an tỉnh Lai Châu, Công an huyện Than Uyên thiêz tiv zix zos oz lênhx canr bôv chiến sỹ tưz chơưv paz zuk tuk mê nhuôv zos Đại úy Phạm Tùng Sơn thiêz Thượng úy Lò Xuân Thành. No zos lưx lươngv công an li iz kror hâux lưv uô jông chiê paz trâu pêx xênhv./.

Khắc Kiên-Lik Thox cxêik nhênhv

              Thâuv 10 six ntâu tsâuk ntux hmo 29/5 nhiv kruôr đhâu, ntơưv jok Đá Trắng, xã Vũ Linh, huyện Yên Bình, tỉnh Yên Bái tưz muôx iz txuz siz ntâuk siz tuô. Co zos Trần Ngọc Khánh, xênhz shông 1985 thiêz Lê Công Ngọc xênhz shông 1989, uô Lê Công Ngọc trâul saz thiêz tâu chox muk chơưv kho trâu tsêr kho moz tỉnh Tuyên Quang, txos iz tas hmo hnuz 30/5, Lê Công Ngọc tưz trâul tuôs. Zơưv Trần Ngọc Khánh mak trâul moz mê njik. Zơưv Trần Văn Hiền, Chủ tịch Ủy ban xã Vũ Linh heik pâuz: Qir tiv xuz thơưx tâu xav zos viv hâuk chơưr, muôx têx lul heik tsi jông siêz. Nhiv no tsi tâu pâuz tsênhz shor tus tưs zos lênhx tuô Lê Công Ngọc tuôs. Cơ quan Công an tsênhv ntêk iz cxiê lênhx nênhs chiê qênhz yuôx, uô tsênhz mênhx./.

Thừa Xuân-Riê Lâux cxeik nhênhv