Đhâu Sở Zoz zux tỉnh Lào Cai qênhz yuôx, hâur hnuz 1/10, hur si tỉnh no muôx 5 tsêr cơưv thiêz 39 qơư cơưv hâur têx jêx jok tsuv tso shux xênhz so ntơưr chiê đrêiv ntux nas đêx ngaz cuôr, ar poz. Huyện Bát Xát muôx ntâu luz tsêr cơưv tsuv chiê shux xênhz so ntơưr, zos 4 luz tsêr cơưv Cxênhx iz thiêz cxênhx oz Quang Kim, nhuôs zâu Phìn Ngan thiêz Cxênhx oz Phìn Ngan. Qir tiv zos têis cik 1/10, ntâu thax tsav qơư nhoz chor xar Quang Kim thiêz ntu cêr txix Quang Kim-Phìn Ngan trâus đêx ngaz toz, tsik ngaz tuk trâu cưk kriê ntơưr thiêz shux xênhz muk lok, viv li tsuv so ntơưr. Đuô li, yuôr 33 tsêr cơưv ntơưr nhoz cxuô xar ntơưv Bát Xát cux tsuv chiê shux xênhz so ntơưr tiv cêr muk lok tsik tâu, đêx pur siêz, zôngx ziv muôx ar poz tsik ngaz tuk. Iz cxiê thax tsav qơư txơưr ntơưv Lào Cai li thành phố Lào Cai thiêz 2 huyện Bắc Hà, Si Ma Cai muôx 7 luz tsêr cơưv tsuv chiê shux xênhz so ntơưr. Ciês tsêr cơưv Phôv thôngz Mênhx cxưx niêv txir zus mor cxênhx iz thiêz cxênhx oz Quang Hồ Thẩn ntơưv Si Ma Cai cux tso shux xênhz so ntơưr tiv zôngx ziv muôx ar, poz jêz poz lok cxuz tsêr cơưv ntơưr./.

An Kiên-Lik Thox cxêik nhênhv

            Trơưk li Ban seiz car phax tar nas chuô-zok nriêr chơưv paz lênhx nênhs tỉnh Yên Bái heik pâuz, xav txos 10 six tsâuk ntux hnuz xiêz 01/10, hâur thax tsav qơư muôx iz lênhx nênhs trâus tuôs viv xoz tuô. Lênhx trâus tuôs co zos niêv lâul Triệu Thị Tiên, xênhz shông 1995, nhoz jok Chao, xã Tú Lệ, huyện Văn Chấn. Lok nas iz hnuz tsi tu hlo cux uô 113 luz tsêr trâus ruôr hiêv, hâur co 6 luz tsêr trâus puôk tsuôx, tsi jông tas 70% ntâu, 90 ntâu chuôz zis mak tsuv yêik txar muk nhoz qơư truôx tuk..... Đhâu hlo thâuv muôx yưv têx tsi jông li heik sâuv, Ban seiz car phax tar nas chuô-zok nriêr chơưv paz lênhx nênhs cxuô thax tsav qơư tưz tso lênhx nênhs đros cxiv kho têx tsi jông; yêik txar têx chuôz zis pêx xênhv nhoz qơư riêz nênhs muk trâu thax tsav truôx tuk. Iz chas ntơư, sox seiz njôngr ntux têx txơưr txar, heik pâuz lok đêx nas hloz chiê zênhx max heik trâu hâu nov ntơưv qơư, tsôngv pêx xênhv pâuz, bax phax txar jav./.

VOVTB-Riê Lâux cxeik nhênhv

          Chiê paz cxơưz cxiz huôv tsar du lịch truôx đrênhk, hnuz 30/9, ntơưv thành phố Sơn La tưz muôx jiês cơưv “Sêiz car qơư uô du lịch huôv tsar truôx đrênhk”, đros muôx hlôngr njêx muôs Đại sứ quán Ô-xtrây-li-a ntơưv Việt Nam; têx công ty doanh nghiệp du lịch hâur thiêz đrâuv tỉnh Sơn La đros cơưv. No zos jiês chiê paz gra siêz txux chi trâu chor doanh nghiệp, HTX du lịch ntơưv tỉnh Sơn La lok sêiz car qơư du lịch, phêiz kênh chênhz zênhv huôv tsar du lịch. Đros co zos chuôz cxaz coangz siv sik thav, sik côngv đros cxuô thax tsav qơư hâur têz qơưk thiêz ntiêx têz chiê du lịch tỉnh Sơn La tror huôv tsar truôx jông, huv đros, cov ziv hnuz ziv muôx chôngz lênhx kruô hâur thiêz đrâuv têz qơưk tuôx ndis shuôk, uô si. Tix lâus Lường Văn Xiên, Giám đốc HTX du lịch côngv thôngx Ngọc Chiến, huyện Mường La, tỉnh Sơn La hêik: “Đhâu jiês cơưv hnuz no, tưz paz trâu pox nhuôs pâuz tâu txos tsiv gri nganhx kôngz nuv nhoz Ngọc Chiến, đros co zos paz trâu pox nhuôs jux juk cxiv tsa tâu côngz bê hax huv du lịch kôngz nuv đros trâu du lịch côngv thôngx, txix co paz muôx ntâu tsiv gri thiêz paz pox nhuôs pâuz tâu tsưr ziv uô, sir zôngv khoa học kỹ thuật hâur kôngz nuv chiê tsơưr lươngv hax huv, tax tâu trơưk nênhs sir zôngv thiêz huv đros tsôngv kruô siêz nhiêv thâuv tuôx du lịch txos ngọc Chiến”./.

Trấn Long-Lik Thox cxêik nhênhv

            Lai Châu muôx 20 heir nênhs uô nênhx nhoz uô cê, iz heir nênhs nhiêk muôx nhiêk têx txux chi vênhx huôv jông txơưr tsi siz thôngx. Chiê sir jos por hưv, tuôr tsês cxuô heir nênhs têx txux chi cêr nênhx vênhx huôv tsi chiê pôngz plox, đhâu ntơư cxiz huôv tsar ju lix, txix ciês hâur six cxiv, BCH Đảng bộ tỉnh Lai Châu tưz tso tơưv Nghị quyết 04 lok por hưv, tuôr tsês cxuô heir nênhs têx txux chi vênhx huôv đros trâu huôv tsar ju lix hâur thax tsav tỉnh Lai Châu, ntu 2021-2025, uô txos shông 2030, chiê cxơưz Lai Châu yênhx qơư muôx ntâu txux chi vênhx huôv jông hâur thax tsav Tây Bắc. Zơưv Trần Mạnh Hùng, Phưv Giám đốc Sở vênhx huôv, thêv thao thiêz ju lix tỉnh Lai Châu heik pâuz: “Tỉnh cux tưz tso tơưv Nghị quyết lok por hưv, tuôr tsês heir nênhs tsơưs têx txux chi vênhx huôv đros trâu huôv tsar ju lix thiêz nhiv no Nghị quyết co tsênhv tâu cxuô cấp, cxuô ngênhx sir jos fuô uô cov tâu trơưk li hâux lưv tso tơưv. Iz cxiê xiv huv lok huôv tsar vênhx huôv đros trâu huôv tsar ju lix nhiv no cux tâu cxuô thax tsav qơư lok six moz siêz txos, hâur co muôx huôv tsar ju lix côngv thôngx nhoz cxiê iz cxiê thax tsav qơư”./.

Khắc Kiên-Riê Lâux cxeik, nhênhv