Trơưk li Thủ tướng Chính phủ Quyết tinhv, Sơn La tâu choz zos cơ quan seiz car Dưv anr yưv pênhr cxiv uô cêr muk chênhr Hòa Bình-Mộc Châu, ntu muk đhâu thax tsav tỉnh Sơn La. Dưv anr cêr muk chênhr Hòa Bình-Mộc Châu, ntu đhâu thax tsav tỉnh Sơn La tâu tỉnh xav zos dưv anr zov chênhr, cxiz tỉnh Sơn La thiêz thax tsav Tây Bắc huôv tsar kinh tế-xã hội. Ntu muk đhâu tỉnh Sơn La ntêr 32 cêik ntâu; qir txix cêik cêr 53 hâur thax tsav xã Chiềng Yên, huyện Vân Hồ txos trâu cêik cêr 85+300 yuôv txox cêr lox 43 hâur xã Phiêng Luông, huyện Mộc Châu; cxiv uô đar txâuk yêz muk lol; xav hur si pênhr yưv uô tas nhos 4.938 tyv đeiv txix nhiêx txiêx têz qơưk; six hơưv cxiv uô txix shông 2023 txos 2028./.

Lê Hạnh-Riê Lâux cxeik, nhênhv

Đhâu têx trâus ruôr hiêv thâuv ntu ntâuk tros châuz, 70 shông txênhz tâu tiêx tuk, thành phố Điện Biên Phủ, tỉnh Điện Biên tưz zos yênhx iz thành phố huôv tsar jông. Hnuz 18/4/1992, Hôiv đồng Bôv trưởng (Chinhr phuv) tưz tso tơưv cuêz tênhv sôr 130 lok hâux lưv yênhx lix thị xar Điện Biên Phủ nhoz tỉnh Lai Châu (nhiv no zos Điện Biên) txos shông 2003, thị xar Điện Biên Phủ tâu côngz jênhv zos thị xar hov pêz thiêz zos thành phố nhoz tỉnh Điện Biên. Nhiv no, thành phố Điện Biên Phủ tsênhv sir jos phuôx huiz têx tsiv gri lịch sử chiê huôv tsar du lịch-nganhx kinh têr chênhr ntơưv thax tsav qơư. Txos nhiv no, phênhv sâu xav lênhx nênhs nhoz thành phố tưz tâu muôx 64 triệu đêiv iz lênhx nênhs iz shông. Chinhr quyền, pêx xênhv cxuô mênhx cxưx tsênhv sik côngv siêz, sir jos txos shông 2025 zos yênhx đô thị hov oz thiêz nzor zos yênhx iz hâur têx tsênhv qơư du lịch, dịch vụ nhoz thax tsav Tây Bắc./.

Vũ Lợi-Lik Thox cxêik nhênhv

Nhoz pêv trôngz siêz Chùng Sủa Dằng, xã Dào San, huyện Phong Thổ, tỉnh Lai Châu tâu pir li iz Sa Pa tiv 2. Xã muôx 13 jok, 5 heir nênhs zos: Hmôngz, Cho, Hà Nhì, Lol Tsuôk, Choz Tsiz uô nênhx nhoz uô cê. Tuôx no, tsôngv kruô zuôr tâu seiz thiêz pâuz txos cxuô heir nênhs têx txux chi vênhx huôv jông đhâu cêr nênhx phôngz cxưx, xênhz huôx niêx hnuz; ntâu hâux lưv uô jông li: Car ciêz tox siêz, ndis seiz liêx tơư ntêir thâuv cheix blêx siêr, đros côngv têx cêr lov jêv li: ntênhs hội, nox tsiêz 30..... Tix lâus Vương Biên Thùy-Chủ tịch Ủy ban xã heik pâuz: Hâur ntu đhâu, xã sir jos yax kriê, vênhv tôngv tsôngv box por hưv tsês têx txux chi vênhx huôv jông tsi chiê pôngz plox thiêz huôv tsar ju lix côngv thôngx đros trâu ndis seiz têx qơư jông jav uô si, têx zav nox kaz......Iz chas ntơư, têx tsưr tsix hội, đoanx thêv thiêz cxuô jêx jok vênhv tôngv têx tuz nxeik hluôk, tsôngv pêx xênhv cxiv kho cêr jêx jok cov jông, hur si zôngx ziv muk lol; moz siêz txos huôv tsar uô têx nuv cxôngx nzor; yênhx lix thiêz huôv tsar truôx têx paz tuz nxeik hluôk nthuôr uô cêr lov jêv hâur jok...../.

Báo Lai Châu-Riê Lâux cxeik, nhênhv

Qiv hơưv txiêk grêk tsơưs đros trâu tror muôx têx chuô Ô Quý Hồ, uô trâu zôngx ziv tror muôx cuz tox cuz jôngr ntơưv Sa Pa, Lơưr Đaix njuôk ntux yar ntux nas tỉnh Lào Cai, chuô Ô Quý Hồ tsênhv lok hênhr đuô, uô jêx tưv ndê siêz, nông tsơưs tsuôk yuôr 30-35% hâur oz pêz hnuz zuôr txos, uô trâu zôngx ziv cuz tox cuz jôngr ntơưv Sa Pa nhoz thênhv 4, thênhv 5 (zos thênhv lok six phiv liv). Uô ntêx co, chuô Ô Quý Hồ tưz uô muôx yưv chor txuz hluôr tơưl cuz tox cuz jôngr trâu thâuv hli 2 ntơưv têx qơưk siêz hâur thax tsav har jôngr txưr Têz qơưk Hoàng Liên (thị xar Sa Pa, tỉnh Lào Cai). Cơ quan muôx vax huôv hêik pâuz, chinhr quyền ntơưv qơư tsuv uô jông phax tar, bax tir tar cov tâu jông têx phiv liv muôx yưv./.

An Kiên-Lik Thox cxêik nhênhv