Têis cik 6/3, Chủ tịch Ủy ban Trung ương Mặt trận têz qơưk Việt Nam, Đỗ Văn Chiến đros đoanx côngz xưv tưz muôx jiês uô hâux lưv đros Thường trực Tỉnh ủy Điện Biên lok tsưr ziv sik côngv ntâuk gri kriz uô Đề anr hêik sơưr đơưk paz uô tsêr Niêv côngv siêz trâu chor ziv chuôz zis pluôs ndar txos Chiv nhênhv 70 shông Ntâuk zênhx Điện Biên Phủ; Tsưr ziv tsưr tsix têx huôx tôngv ndo txos chor Zênhz shôngx liệt sĩ ntâuk tros châuz ntơưv Điện Biên Phủ. Ntơưv jiês uô hâux lưv, zơưv Đỗ Văn Chiến hêik tỉnh Điện Biên kho đuô iz cxiê kror hâur tsưr ziv tsưr tsix, zos: kho đuô tsaz yênhx txix njiz chor nênhs njiê pov tâu côngz xưv ntâuk tros châuz trâu xêir tsov nênhs chiê thav pêv phêiz kênh ntơưv tsaz yênhx; cxaz nzir tsaz yênhx uô vênhx nghệ hâur jiês txi côngv; hlôngr đuô chor nênhs tâu cxaz chuôz khov lơưr qênhx shênhx tsênhv tsênhz… lok nhiêx txiêx tsưr tsix xor xưv tâu njuôk xav zos Zênhx hangx Têz qơưk paz trâu tsaz yênhx./.

Vũ Lợi-Lik Thox cxêik nhênhv

Lào Cai nhiv no muôx zuôr xar 60 cxênhz héc ta jôngr đặc dụng hâur thax tsav jôngr tsuv por vêv ntơưv Sa Pa, Bát Xát thiêz Văn Bàn. Đuô li tsênhv yuôr muôx 100 cxênhz ntâu héc ta jôngr phax phưv, jôngr choz trâu chor tsưr tsix, tiz nenhs sêiz car. Têx xor mông hêik pâuz, chox kriê phax, tar cuz jôngr tsik so tâu hêik pâuz đhâu têx tsưr ziv njuôk ntux yar ntux nas, vệ tinh… Ban Chox kriê uô Tsaz yênhx huôv tsar jông truôx đrênhk cxuô cấp tỉnh Lào Caik xar muôx 4,5 cxênhz lênhx nênhs đros chor tôv, đôiv uô ntêx hlo por vêv jôngr cux zuôr tâu huiz tôngv zos muôx yưv cuz tox cuz jôngr. Zơưv Nguyễn Hữu Thiện, Phưv Cục trưởng Cục Kiểm lâm, Bôv Kôngz nuv thiêz Huôv tsar tox siêz puz pâuz:

“Nhoz têx qơư trôngz siêz mak chor ntông tsik siêz, thâuv tsik muôx têx ntông lox mak têx har đrox nhov txos thâuv hli 11, 12, 1, 2 ho kruôr, lok six zôngx ziv trâus hluôr tơưl txêik cuz. Viv li, côngz xưv phax, tar cuz tox cuz jôngr tsuv sir jos phax zos chênhr, pov tâu nzor, thiêz tsuv sêi đrơưv tuô hluôr tơưl chiê paz txo grêk tsơưs têx trâus hiêv lok jôngr thiêz cxuô zav”./.

An Kiên-Lik Thox cxêik nhênhv

Tar su 6/3, muôx iz txuz hluôr tơưl chis cuz ntơưv thax tsav jôngr muôx ntâu tâux nhoz jok Thúm Cáy, xar Tông Cọ, huyện Thuận Châu, Sơn La. Thax tsav qơư tưz chiê muôx 250 ntâu lênhx nênhs zos kiểm lâm, công an xar, dân quân tự vêv, thiêz pêx xênhv cxuô jêx jok tuôx paz tuô hluôr tơưl cuz jôngr. Nhiv no, tsênhv zos chêix kruôr gis, muôx yar ntux cuz sor, iz cxiê qơư sâuv thax tsav tỉnh Sơn La tâu njuôk xav zuôr trâus cuz jôngr nhoz thênhv 4, 5, zos thênhv zôngx ziv muôx yưv cuz tox cuz jôngr siêz. Chor xar, phường muôx har jôngr tsuv bax nênhs sêiz jor jôngr ntơưv têx qơư zôngx ziv cuz jôngr chiê phax, tar. Đros co zos luôx suô hur si têx đrox nhov, paz muôx tâu têx cêr phax tar cuz jôngr, txo grêk tsơưs tiv zix têx trâus hiêv tiv cuz tox cuz jôngr./.

Lê Hạnh-Lik Thox cxêik nhênhv

Nhiv kruôr no, muôx iz txuz tuô tuôs nênhs ntoưv jok Phiêng Áng, xar Nậm Cần, huyện Tân Uyên (Lai Châu). Nênhs trâus tuô tuôs zos Lò Thị L., zus shông 2003, nhoz ntơưv xar Nậm Cần, huyện Tân Uyên. Nênhs tuô  tuôs nênhs tâu xav zos Lò Văn Xươm, zus shông 2001, nhoz ntơưv jok Nậm Há, xar Noong Hẻo, huyện Sìn Hồ. Đhâu tuô tuôs nênhs, Xươm tưz gra đros traz triêv tuô nênhs co khiêr muk trâu xar Nậm Sỏ, huyện Tân Uyên thiêz tâu xav tiêk khiêr muk trâu huyện Sìn Hồ. Nhiv no Công an tỉnh Lai Châu tưz muôx luk hêik lênhx nênhs co tuôx hêik pâuz zuk kror cxâuv lơưr chêi têz qơưk têx cui tênhv. Đros co, hêik pêx xênhv nhoz sâuv thax tsav paz hêik pâuz têx xor mông chiê zok cxov cov tâu lênhx nênhs ntơưr./.

Khắc Kiên-Lik Thox cxêik nhênhv