Bảo tàng ntâuk zênhx trol châuz Điện Biên Phủ tsênhv đros Bảo tàng tỉnh Ninh Bình tsưr tsix piêr kriê têx đuôz shav lok “Ninh Bình hâur ntu tir ntâuk trol châuz tsưx phưv têz qơưk”. Six hơưv piêr kriê têx đuôz co tsưr tsix txix hnuz xiêz 05-13/3. Pos Vũ Thị Thu, Phưv Giám đốc Bảo tàng tỉnh Ninh Bình heik pâuz: Piêr kriê têx đuôz shav, chuôz zênhx co zos chiê hơưv tok chiv nhênhv 70 shông ntâuk zênhx trol châuz Điện Biên Phủ. Iz chas ntơư thôngz đhâu têx đuôz heik sâuv, xar uô tsênhz mênhx chor tuz lênhv, tsôngv pêx xênhv Ninh Bình têx côngz đas jos, txiêx njis hâur tir ntâuk trol châuz tsưx phưv têz qơưk, piêr trâu tsôngv kruô pâuz txos ntơưv qơư têx luôs hâux lưv uô tâu thiêz muôx jông hâur ntu nhiv no:

“Bảo tàng Ninh Bình tưz gra xar muôx 100 têx chuôz zênhx, đuôz shav heik lol qơư nhoz cux li tỉnh Ninh Bình têx muôx jông, hlôngr yiêz thiêz têx tsênhv njiêz, hâux lưv uô hâur ntu tir ntâuk trol châuz tsưx phưv têz qơưk tsôngv pêx xênhv Ninh Bình tưz gôngr paz. Hâur co, muôx yênhx lix Chi bộ Cộng sản Đảng xuz thơưx txix shông 1927, yênhx lix qơư tir ntâuk trol châuz Quỳnh Lưu zos iz hâur 3 tsênhv qơư lox hâur qơư tsav trol Hòa Liên Thanh. Lar heik zos 2 cxiv tsav trol paz tir ntâuk zênhx trol châuz Điện Biên Phủ”./.

Vũ Lợi-Riê Lâux cxeik, nhênhv

Cuêv fix nhiv no tsênhv tâu pêx xênhv tỉnh Lào Cai chos thiêz huôv tsar ntơưv iz cxiê thax tsav qơư kik nhoz huyện Bắc Hà, Văn Bàn, Bảo Yên, Bảo Thắng. Đhâu xar muôx 50 shông chos cuêv fix, pêx xênhv tưz muôx chênhz zênhv hâur chos, tsoz phưz, kriz uô chor cuêv fix. Đros co, kỹ thuật uô jôngr nuv tâu hlôngr yiêz jông, huôv tsar kinh têr jôngr nuv đros sêiz car por vêv jôngr tâu uô truôx jông. Txos nhiv no, chor cuêv fix nơưv thax tsav qơư muôx 58.000 ntâu héc ta, ntâu đuô tỉnh li tsưr ziv huôv tsar tưz tso tơưv. Zơưv Nguyễn Văn Nhất, Phưv Chủ tịch Ủy ban huyện Bảo Yên, puz pâuz: Nhiv no ntơưv Bảo Yên muôx 25 cxênhz héc ta cuêv fix:

“Shông 2024 tsêx trung sir jos uô cuêv fix hur lơưr ploz tsênhr EU. Shông no cux kriz uô chor dưv anr cik txos tỉnh chor tsaz yênhx. Hâur ntu zuôr txos huôv tsar nzir 5 cxênhz héc ta muôx chứng chỉ EU”./.

An Kiên-Lik Thox cxêik nhênhv

Phòng Cảnh sát hình sự, Công an tỉnh Lai Châu puz pâuz, taz viv tưz zok cxov tâu Lò Văn Xươm, nênhs tuô tuôs nênhs ntơưv huyện Tân Uyên đhâu 24 six hơưv tuô tuôs nênhs ntơưv jok Nà Ban, xar Thân Thuộc, huyện Tân Uyên. Ntơưv cơ quan công an, Lò Văn Xươm hêik tiêk: txix kaz shông 2023 thâuv muk uô jos ntơưv Hà Nội, Xươm thiêz nênhs trâus tuô tuôs zos Lò Thị L, zus shông 2003 nhoz jok Phiêng Áng, xar Nậm Cần, huyện Tân Uyên siz đênhr uô gâux đrâus… Zar hnuz kêix 5/3, Xươm muk hâuk chơưr hâur jok Phiêng Áng lok tưz trâus L chêv, châuv tơưv hâur zuk tsêr muk. Thâuv siz char, siz chês co, Xươm tưz muôz iz traz triêv tsuôr oz triêv trâu L chax đaz, uô trâu L lok nyar ntâu thiêz trâus tuôs. Đhâu tuô tuôs nênhs, Xươm tưz gra đros traz triêv khiêr ndê muk gâuv pêv trôngz jôngr ntông…/.

Khắc Kiên-Lik Thox cxêik nhênhv

Zar hnuz kêix 7/3, ntơưv jok Bản Hán, xã Phúc Sơn, thị xã Nghĩa Lộ, tỉnh Yên Bái tưz muôx iz txuz hluôr tơưk txeik cuz jôngr. Đhâu hlo thâuv heik pâuz lok muôx hluôr tơưk cuz jôngr, Ủy ban thị xã Nghĩa Lộ tưz hu xar muôx 500 lênhx nênhs zos: Canr bôv, tsôngv pêx xênhv hâur xã, têx lênhx uô hâux lưv yuôx jôngr, Công an, Ban Chỉ huy quân sự huyện chiê đros tuô hluôr tơưk. Txos zuôr xar 12 six iz tas hmo đros hnuz, sơưr đơưk tưz sik đros tuô tâu hluôr tơưk. Chor jôngr ntông trâul cuz hnhiêz heik sâuv muôx zuôr xar 3 ha, phênhv ntâu zos ntông chiêz. Qir tiv uô muôx hluôr tơưk txeik cuz tsênhv tâu cơ quan muôx vax huôv xav jênhv, uô tsênhz mênhx. Nhiv no tsênhv zos cheix kruôr gis, cuz sor tsôngv box sơưr đơưk tsuv chênhr phax tir thêir, tsi chiê hluôr tơưk txeik cuz tox cuz jôngr./.

Thừa Xuân-Riê Lâux cxeik, nhênhv