Zar hnuz kêix 31/5, Tỉnh ủy Lai Châu cơưv côngz fur Bộ Chính trị quyết tinhv lok hâux lưv canr bôv. Iz chas co, Bộ Chính trị tso zơưv Vũ Mạnh Hà, Ủy viên dự khuyết BCH T.Ư Đảng khóa 13 six cxiv 2021-2026, Tsar ban Tuyên giáo Tỉnh ủy Hà Giang nhoz hâur BCH, Ban thường vụ thiêz uô Phưv Bí thư Tỉnh ủy Lai Châu, six cxiv 2020-2025. Zơưv Vũ Mạnh Hà, xênhz shông 1979, nhoz jok Vạt, xã Việt Lâm, huyện Vị Xuyên, tỉnh Hà Tuyên (nhiv no zos tỉnh Hà Giang). Zơưv Vũ Mạnh Hà cơưv tas ntơưr Tiến sỹ, Đại học Y khoa Thái Nguyên, bác sỹ đa khoa./.

                                            Khắc Kiên-Riê Lâux cxeik nhênhv

Ntơưv thị xã Sa Pa, tỉnh Lào Cai, yar ntux cuz sor ntêr, đêx kruôr tas, uô ntâu ziv chuôz zis li njês đêx txiêk trâus tuôs ntâu, ruôr hiêv hnhar lok kinh têr. Phênhv ntâu têx qơư tu zus njês đêx txiêk ntơuv thị xã Sa Pa zos zuôr đêx pêv hâur đêx lok tu zus, iz cxiê qơư tsi tâu yưv pênhr uô cxix luôk liv đêx lok sik tsi muôx đêx cxênhx tsês chiê tir tar thâuv ntux kruôr gis. Lơưr thôngz sâu muôx muôx nhos 1,5 tênhr njês đêx txiêk tuôs hâur jiês yar ntux cuz sor nhiv kruôr đhâu. Zơưv Trần Mạnh Hùng, Tsar phongx kinh têr thị xã Sa Pa puz pâuz:“Pêz heik tsôngv box têx hnuz yar ntux cuz sor mak tsi puz njês nox ntâu, thôngx cxix chuôz tsar liv đêx paz cov muôx ntâu pa ôxi hâur tênhx qơư đêx”./.

                                              (An Kiên-Txâur Vax cxeik nhênhv)

Huyện Văn yên nhiv kruôr tsưr tsix cơưv shâuv cxaz têx txux chi, tsưr ziv yuôr trâul lok phax tar ntux nas chuô thiêz zok nriêr chơưv paz lênhx nênhs xã Châu Quế Hạ shông 2023. Đhâu cơưv shâuv li heik sâuv, cấp ủy, hâu nov têx tsưr tsix ngênhx, đoanx thêv, lưv lươngv vũ trang thiêz tsôngv pêx xênhv xã Châu Quế Hạ tưz pâuz cxuô lok phax tar ntux uô ruôr hiêv li têx jông thiêz muôx liv; hu zâuv tâu cxuô tsưr tsix, ngênhx, đoanx thêv sơưr đơưk sik đros sir jos phax tir thêir thiêz gra siêz txơưx jênhv./.

                                                           Báo Yên Bái-Riê Lâux cxeik, nhênhv

Lơưr tsênhv qơư seiz car moz tỉnh Điện Biên li pov cov, sâuv thax tsav tỉnh nhiv kruôr muôx 13 lênhx nênhs njuôs xav trâus moz nhiệt thán zos zav moz uô tơưr greix đuz lưx yênhx thax. Tsênhz mênhx, têx lênhx nênhs moz zos nhoz 2 huyện Tủa Chùa thiêz Tuần Giáo. Chêx cuk qênhz yuôx tso pov, têx lênhx nênhs trâus moz heik sâuv puôr lênhx cxaz chuôz feik tuô, tsiv uô thiêz nox grix nhux tưv nhux đas tuôs njuôs xav viv trâus moz nhiệt thán ntơưv huyện Tủa Chùa. Chiê qênhz yuôx, pov nzor têx lênhx nênhs trâus cik moz thiêz tsi chiê moz cik đêz đar, nganhx y tế đros UB huyện Tủa Chùa chuôz tsar côngz xưv yax mông txix ntâu tsưr ziv lok zav moz no li têx riêz nênhs. Tiv zix tsov cưv yax mông tsôngv box thâuv pov tsiêx cxu njuôs xav trâus moz nhiệt thán, trâus tuôs tsuv pov ciês trâu chính quyênx tiv phaz thiêz chiz coaz thú y jê tiv zix, yưr lir caz moz, tsi chiv chir feik tuô tsiêx cxu trâus tuôs moz chiê nox./.

(VTV-Txâur Vax cxeik nhênhv)