Hội chữ thập đỏ tỉnh Sơn La nhiv no muôx 280 ntâu tsưr tsix nhoz xã, phường, thị trấn....Hâur luz hlik siêz jông shông no, đros njiêz luv “Txix iz lênhx nênhs li siêz-sik côngv đas jos cxiv tsa côngv thôngx siêz jông”, iz tsưr tsix Hội muôx tsưr ziv tsưr tsix tsơưs tiv zix 1 côngz tsinhx, hâux lưv siêz jông, tsaz yênhx reik đros hâux lưv siêz jông. Txix shông 2017 txos nhiv no, txix têx huôx tôngv, tsaz yênhx, dự án tsênhv tsênhz li: tso nyar siêz jông, cưk yuôx txưv zênhv, zênhx hangx nhux đas....têx cấp Hội chữ thập đỏ tỉnh tưz paz 360 cxênhz ntâu jiês nênhs pluôs, nênhs muôx luz nênhx txov nhêv hâur xã hội đros tas nro nhiêx txiêx uô zos 167 tỷ đeiv. Hâur luz hlik huôx tôngv siêz jông shông no, Hội CTĐ Sơn La sir jos tsiv grê huôx tôngv tax 5 tỷ đeiv thiêz paz tâu 5 cxênhz 500 lênhx nênhs muôx luz nênhx txov nhêv thiêz lênhx nênhs tâu sơưv cêr chei sâuv thax tsav. Pos Cầm Thị Chuyên, Chủ tịch Hội CTĐ tỉnh Sơn La puz pâuz:“Pêz tror hu grus vênhv tôngv têx pênhr jos chiê uô li chas tsưr tsix têx huôx tôngv txix nhiv no txos kaz shôngk shông. Tiv zix hâur ntu zuôr txos muôx đêx nas, pêz cux truôx siêz hu grus têx pênhr jos, muôx hax huv chiê uô li chas paz tsôngv box sei tiv zix, nzor tiv zix. Pêz cux muôx tsưr ziv hâur six hơưv tsiêz shông no, têx huôx tôngv puôr lênhx tâu cxiv tsa tsưr ziv uô jông thiêz muôx pênhr jos txix têx taz viv sik côngv ntâu shông đros Hội CTĐ chiê bax trâu tsôngv box, cux xưk li paz tỉnh uô jông côngz xưv nox nhoz xã hội sâuv thax tsav”./.

                                                                       T.Long-Txâur Vax cxeik nhênhv

Hnuz xiêz 01/6, thôngz đhâu ngênhx y tế tỉnh Yên Bái li tsaz yênhx tso nyar jông siêz shông 2023, Ban chox kriê vênhv tôngv tso nyar jông siêz tỉnh tưz sâu tâu 280 ntâu taz viv nyar. Chor nyar co tâu cxuô lênhx canr bôv, y bác sỹ, nhân viên y tế hâur tsêr kho moz, Tsênhv qơư y tế thiêz iz cxiê taz viv nhoz hâur Sở Y tế tỉnh Yên Bái tso puz chiê phưx vưv trâu hâux lưv chơưv kho chor nênhs trâul moz hnhar zuôr trâul tâu cxaz nyar hâur thax tsav. Tso nyar jông siêz tưz yênhx cxuô taz viv ngênhx y tế tỉnh Yên Bái hâux lưv uô tsi so hâur ntâu shông đhâu, hu zâuv chôngz lênhx ntâu tus canr bôv, nhân viên thiêz nênhs lox tôngv hâur ngênhx y tế cxaz chuôz. Co zos hâux lưv uô muôx liv, heik lol chor cưk yuôx nhoz tỉnh tox siêz no li cêr sik thôngx siêz, siz hluz siz paz./.

                                                                    Thừa Xuân-Riê Lâux cxeik nhênhv

 Truôx siêz yưr lir yêz thax hnhar tsi trơưk cui tênhv muk thax tsav công nghiệp Tằng Loỏng-tâu seiz zos qơư công nghiệp luyện kim, qir zuôv, hóa chất lox tiv zix tas nro têz qơưk nhoz ntơưv huyện Bảo Thắng, tỉnh Lào cai zos jênhv vưv tưz thiêz tênhv tâu tiv phaz sir jos cxơưz tiês uô. Lơưr trung tá Phạm Đình Tuân-tuêv tsar tuêv CSGT- Công an huyện Bảo Thắng, tiv zoz qơưx thâux kuôr hlâu, lưu huỳnh, hóa chất muk qơư công nghiệp lox viv li thâux hnhar zos iz hâur têx hâux lưv muôx ntâu nhoz no, hâux lưv yưr lir uô cxâuv cux njiz lok six ntâu phêv liv:“Muôx têx lênhx mak tuêv qênhz yuôx tsuv pôngz lok six ntâu six hơưv vênhv tôngv, yax mông chiê yưr lir txos qơư. Muôx têx lênhx nênhs tsar yêz tsênhv tsi nyei, tir tar tsi uô trơưk tuêv côngz xưv heik kriê. Muôx têx lênhx tsênhv hêv cán bộ chiến sĩ hâur tuêv côngz xưv”./.

                                                                       An Kiên-Txâur Vax cxeik nhênhv

Thâuv 12 six ntâu iz tas hmo hnuz xiêz 01/6, ntơưv jok Lao Khô 1, xã Phiêng Khoài, huyện Yên Châu (sơn La), Zênhx Pênhz phax Chiềng On (Bộ chỉ huy tuz lênhv pênhz phax tỉnh Sơn La) seiz car, hux jos đros Công an huyện Yên Châu tưz qênhz pov thiêz ntêk tâu Thạo Vầu, xênhz shông 1988 thiêz Thong Say, xênhz shông 1999, puôr lênhx nhoz uô cê ntơưv jok Phiêng Xa, huyện Xuyền Khọ, tỉnh Hủa Phăn, têz qơưk Lol Tsuôk zuôr muôs zax zênhz tsi trơưk chei. Lưv lươngv muôx vax huôv tưz sâu tsês tâu iz cxênhz ntâu njiêr yuôx shơư zênhz. Đhâu thâuv ntêk tâu, Say thiêz Vầu gơưk krêz lênhk tiêk, chor zax zênhz heik sâuv tâu Vầu zuôr ntơưv iz lênhx txir nênhx tsi pâuz tsênhz bê, qơư nhoz tas xar muôx 9 tsov đeiv lok chiê thâux gra tuôx muôs hâur Việt Nam. Thâuv tsênhv taz tov thâux gra txos tos cêr txơưv trâul lưv lươngv muôx vax huôv qênhz pov thiêz ntêk tâu. Nhiv no txuz nuv co tsênhv tror tâu qênhz yuôx, uô tsênhz mênhx./.

                                                                               CTV-Riê Lâux cxeik nhênhv