VOV4.Sêdang - Tung 10 khế dêi hơnăm 2017, kơvâ ôm hyô kong pơlê Dak Lak tơdah vâ chê 600 rơpâu hdroh tơmối, châ lói 83% tiô pơcháu. Tơdroăng ôm hyô Dak Lak hlo tơ-[rê khât ‘na kơxo# ngế tơmối troh [ă tâk vâ chê 13%. Troh nôkố kơxo# liăn châ sap ing kơvâ cheăng kố tiô riân dâng 500 rơtal. Malối [ă tơmối kong têa ê châ 55 rơpâu hdroh, hên má môi sap nah troh nôkố.

Mâu tíu ki hơ’lêh nếo tung tơdroăng ôm hyô dêi Dak Lak châ mơnhên mơhno, môi tiah mơđah to\n chêng tơgôu koăng 2 măng tung môi khế a Biệt điện Bảo Đại, pơlê kong kơdrâm {uôn Ma Thuột [ă a mâu kơpong, tíu ôm hyô pơlê pơla tơring {uôn Đôn, Lak, }ư\ Mgar, mơjiâng mâu tour ôm hyô tí tăng ‘nâi ple\ng khôi túa le\m tro, kế kâ kơpong tơnêi ki kố.

Katarina Nga tơplôu [ă tơbleăng