VOV4.Sêdang - Tơdroăng tơpui pơchuât ‘no tung hyôh drăng [âng rơkong khu kuăn ngo VOV4 tung Rơ’jíu châ 100 phut rêm hâi, tơkâ hluâ 18 hơnăm tơpui pơchuât, hiăng hmâ [ă pú tơmâng rơ’jíu, rơkong tơpui nâl Rơteăng xua Kơ koan teăng mâ Rơ’jíu Việt Nam a kơpong Tây Nguyên tơplôu tơbleăng, tơpui pơchuât hiăng ai hên tơdroăng kơdôu mơ-eăm, hloh rơkê klê ple\ng ki nếo vâ pơtroh mâu troăng hơlâ, túa cheăng, tơdroăng pơtroh dêi Đảng [ă Tơnêi têa, mâu tơdroăng nếo ai tối ‘na pêi cheăng kâ, ‘na mơhno mơjiâng túa le\m tro, rêh ối pơlê pơla troh [ă vâi krâ-nho\ng o hdroâng Rơteăng.

          Klăng tơbâ 91 hơnăm hâi tơbâ Hlá tơbeăng Kăch măng Việt Nam, mâu ngế ki tơplôu tơbleăng, tơpui pơchuât nâl Rơteăng rơtế hvái ngăn dêi hnoăng cheăng hnối tơbâ 18 hơnăm môi troăng prôk ki tơdjâ pơtroh nâl Rơteăng ‘no tung hyôh rơ’jíu tơnêi têa.

           Drêng kố, ngin ai khe\n 3 ngế ki veăng tơpui tơno [ă ngin:

          -Jâ Linh Nga Niê Kdăm, Ngế chêh hlá tơbeăng, xuân cho Kăn pho\ pơkuâ ngăn Kơ koan teăng mâ Rơ’jíu Việt Nam a kơpong Tây Nguyên hneăng hdrối.

          -Pôa Dúi Dam Reng, hdroâng Rơteăng, Kăn pơkuâ ngăn Rơ’jíu, Um tivi kong pơlê Kon Tum hneăng hdrối.

          -Ngoh A Kên, ngế ki hmâ tơmâng rơ’jíu, hdroâng Rơteăng ối a tơring Đak Tô, kong pơlê Kon Tum.

{ă mâu ngoh nâ o cheăng tơplôu tơbleăng, tơpui pơchuât nâl Rơteăng:

          -Ngế rah chêh Nhat Lisa, pơkuâ ngăn ‘na tơplôu tơbleăng, topui pơchuât nâl Rơteăng.

          -Ngế pơchuât Gương.

          -Ngế pơchuât A Sa Ly

          -Ngế pơchuât Katarina Nga, xuân cho ngế ki êng hên tơdroăng tơpui tơno hâi kố.

Khu tơplôu tơpbleăng, tơpui pơchuât nâl Rơteăng, Kơ koan teăng mâ Rơ’jíu Việt Nam a Tây Nguyên

(Riân ing peăng hơ’ếo troh peăng hơ-vá: Nhat Lisa, Gương, Katarina Nga, A Sa Ly)

          Ô vâi krâ-nho\ng o [ă pú hmâ! Nâl Rơteăng pơxiâm ‘mot tung hyôh Rơ’jíu Việt Nam a hâi lơ 1 khế 11 hơnăm 1998, troh nôkố, vâ chê 18 hơnăm, rêm hâi nâl Rơteăng ai tơpui pơchuât 100 phut, tung mê ai tơpui 2 hdroh tơdroăng nếo ai tơnêi têa pin [ă kong têa ê 15 phut, 1 hdroh tơdroăng nếo ai, pơtâng tối re\ng 10 phut, 30 phut mâu [ai. Rêm măng t^ng ai mâu [ai chêh tối ‘na tơdroăng rêh ối, pêi cheăng kâ a kơpong Tây Nguyên, mâu tơdroăng ki ê, môi tiah: Rơtế prôk [ă mơngế pêi chiâk, Ivá ăm rêm ngế; Mô đo#i Pôa Hồ Tây Nguyên, Kuo#k ho#i [ă kuăn pơlê, Chin phuh [ă kuăn pơlê, Thôn pơlê nếo, Luât xiâm [ă rêh kâ ối. Mâu tơdroăng tơpui nâl Rơteăng hiăng pơtroh ăm vâi krâ-nho\ng o hdroâng Rơteăng mâu tơdroăng nếo ai, re\ng teăm ‘nâi klêi, tu\m têk, nhên tơleăng, tơtro păng ‘nâng ‘na tơdroăng pêi cheăng kâ, cheăng pơkuâ dêi khu kăn, cheăng kal kí tơnêi têa, mơhno mơjiâng túa le\m tro, rêh ối pơlê pơla, rêh kâ ối dêi mâu kong pơlê tung kơpong [ă tung tơnêi têa, tơdroăng rêh ki hiăng hơ’lêh nếo a pơlê pơla, mơhno tối ki le\m ro, tro khâp tung khôi túa, vêa vong dêi rêm hdroâng kuăn ngo, mê rơkong Rơteăng ngin hiăng chiâng môi ngế pú hmâ dêi vâi krâ nho\ng o a mâu pơlê a chê, pơlê hơngế.

          Mâu ngế ki tơplôu tơbleăng, tơpui pơchuât nâl Rơteăng hâi ki a poăng nah, tá hâi teăm ‘nâi rơkê tung hnoăng cheăng tơná, mê nôkố hiăng rơkê ple\ng tơdroăng rah chêh, tơplôu tơbleăng, pơchuât pro trối lâi ăm ga tơtro, tơleăng, pơtâ mâu nâl tơpui, tơdrá rơngêi ting ting ăm ti lâi ga ro, tơtro [ă hiâm mơno pói rơhêng vâ dêi vâi krâ-nho\ng o.

          {ă jâ Linh Nga Niê Kdăm, hdrối nah cho Kăn pho\ pơkuâ ngăn Kơ koan teăng mâ Rơ’jíu Việt Nam kơpong Tây Nguyên ma luâ hiăng châ 18 hơnăm la mâu hâi ki hbrâ vâ pơxiâm tơpui nâl Rơteăng mơ’no tung hyôh rơ’jíu xuân u ối chôu vế tung tuăn mơno. Pâ phêp, ngế chêh hlá tơbeăng Linh Nga Niê Kdăm tơpui tối tơ’nôm ‘na tơdroăng kố [ă vâi krâ-nho\ng o ki tơmâng Rơ’jíu: Tiô tơdroăng pơkâ kô xo 5 ngế, 2 ngế kơnốu, 3 ngế kơdrâi, lơ 3 ngế kơdrâi, 2 ngế kơnốu xuân hôm. Á hiăng tơpui phôn hên hdrôh [ă Rơ’jíu-Um tivi, Hngêi trung phôh thong hdroâng kuăn ngo kong pơlê Kon Tum, ối tơngah tá khu kăn pơkuâ kong pơlê veăng teăng ăm la bu châ 1 ngế kơdrâi, 2 ngế kơnốu, pơrá xiâm hriâm tâi lâm 12. Mê á xuân athế hmếu xo tiah mê. Mơhúa há, pôa A Wit tối ăm á ai Gương, dế cho cô hnê mầm non a pơlê Kon Hrêng. Á prôk to lâi hdrôh vâ lông Gương, mơhnhôk tá nôu pâ ga, tiah mê, ai tơ’nôm pá 1 ngế kơdrâi. Drêng mê nah, tơdroăng vâ xo Nhat Lisa ga cho pá khât. Xua ga dế cheăng ‘na kơvâ hơdruê xuâng dêi kong pơlê Daklak, Khu kăn ki pơkuâ tơdroăng cheăng ga pro pá ăm á hên tơdroăng, tơkéa vâi vâ kho\m châ rak ga ối cheăng tơniăn a mê. Á xuân hiăng pro hên túa, thăm nếo thế Nhat Lisa pro hlá mơ-éa pâ phêp lăm pôu nho\ng o a Kon Tum, vâ drêng mê ăm Nhat lăm hriâm, klêi mê, Nhat nếo pâ pơtê cheăng păng ‘nâng. Hlo Nhat kho\m vâ hơ’lêh tíu pêi cheăng khât tiah mê, khu kăn pơkuâ ga nếo pro ăm hlá mơ-éa ăm ga vêh pêi cheăng a rơ’jíu nôkố.

Jâ Linh Nga Niê Kdăm-Ngế chêh hlá tơbeăng, xuân cho Kăn pho\ pơkuâ ngăn Rơ’jíu Việt Nam  kơpong Tây Nguyên hneăng hdrối

          Ê. Ngin pâ phêp tối ăm pó vâi krâ-nho\ng o tơmâng Rơ’jíu, tơdroăng lăm tăng mâu ngế ki tơplôu tơbleăng, tơpui pơchuât nâl kuăn ngo ôh tá la lâi tơ’lêi. Xua mâu vâi ngoh, vâi nâ athế rơkê hlê hên nâl Xuăn, mê athế ‘nâi pơchuât ‘nâi chêh nâl kuăn ngo tơná, klêi mê, athế ai krôk pơchuât ki tơleăng tơtah há. Pâ phêp êng nâ Gương, cho môi ngế ki pêi cheăng sap ing hâi ki apoăng tơpui mơ’no tung hyôh rơ’jíu, êh nâ hlo dêi tơdroăng cheăng tơná ga tiah lâi? Á ‘ló hâk phiu ‘nâng, châ pêi cheăng hnối tơpui [ă dêi nâl kuăn ngo tơná há. Sap ing hâi á mot pro ngế ki tơplôu tơbleăng, tơpui pơchuât nâl Rơteăng, á hiăng ‘nâi hdrối, tơdroăng ki tơplôu [ă pơchuât cho athế đi đo hriâm tâp, tí tăng êng a mâu ki rơkê, kal athế đi đo ‘mâi rơnêu, vâ mâu tơdroăng ki pin tơpui, mơ’no tung hyôh rơ’jíu châ vâi krâ nho\ng o tơmâng hlê ple\ng [ă ‘nâi klê mâu tơdroăng ki pin tối tơbleăng, tơdroăng ki kal vâ ăm vâi krâ nho\ng o ‘nâi nhên. Tơdroăng ki á tơplôu [ă tơpui pơchuât athế tơtro, môi tiah tơdroăng tơpui rêm hâi dêi vâi krâ nho\ng o, xua mê, kal athế đi đo mơ-eăm, mơhriâm ‘na túa tơplôu, tơdroăng tơplôu athế tơtro [ă mâu tơdroăng nếo ai, mâu [ai ki Xuăn chêh, hmâ tơplôu xuân môi tiah, athế tơtro [ă túa tơpui, tơno dêi hdroâng Rơteăng pin, xuân kal athế ai krôk, ai rơkong pơchuât tơleăng, tơtah le\m, tơ’ló [ă er, ki tâk lơ ki chu drêng tơpui rơkong kuăn ngo pin, ai tiah mê ‘nôi, vâi krâ-nho\ng o tơmâng kô hlê ple\ng, ‘nâi klê mâu tơdroăng ki pin vâ tơpui.

          Koh hmât kô A Sa Ly! Ngoh cho mơngế hơnăm ối nếo, mot pêi cheăng ‘na tơplôu tơbleăng nâl Rơteăng, tơpui pơchuât tung Rơ’jíu xiâm to lâi hơnăm kố. Mê nôkố, ngoh búa hơ’muăn tối ăm vâi krâ, nho\ng o ki tơmâng Rơ’jíu ‘na tơdroăng cheăng ki ngoh dế pêi. Pâ phêp ngoh A Sa Ly tối dêi hnoăng cheăng? Rêm hâi, tơdroăng cheăng ngin chía tơvâ hên ‘nâng. Kơxo athế lăm pêi cheăng tro tiô chôu hiăng pơkâ. Thăm nếo, ai hâi ki ‘nâ athế lăm a kơ koan hdrối tâ chôu pơkâ vâ tơplôu 15 phut tơdroăng nếo ai tung tơnêi têa pin [ă kong têa ê. Klăng 9 chôu ke\m 10 kơxo ngin hiăng mot tung veăng thu, klêi mê, 9 chôu ngin pơchuât mơ’no tơdrêng mê hlối. Klêi kơ’nâi pơchuât 15 phut tơdroăng nếo ai, ngin lo a tíu pêi cheăng tơplôu mâu [ai, mâu tơdroăng hmâ ai, rah chêh mâu tơdroăng rơngêi, ting ting 45 phut. Peăng xêi, ngin athế tơplôu [ă pơchuât tơdroăng nếo ai, pơtâng tối re\ng vâ mơ’no a kơxo má hâi kơ’nâi [ă hía hế. Xuân ai hâi ki ‘nâ, ngin athế tơplôu a kơmăng, uân  tơplôu xêh a hngêi vâ ai chôu ngăn hên hdrôh tơdroăng nếo ai ki tơná ngin hiăng tơplôu, kơxo hâi kơ’nâi ngin pơchuât mơ’no tơdrêng kô tơleăng, tơtah, ôh tá ai kơtui, kơtong ki klâi ôh.

          Ô ngoh Nhat Lisa! {ă tơdroăng tơpui nâl kuăn ngo tung rơ’jíu, mê tơdroăng ki tơplôu, chêh tối, cho tơdroăng ki pá, mơngế ki cheăng ‘na tơdroăng kố kal athế ai hiâm mơno hriăn vâ păng ‘nâng, chân krá, tí tăng vâ ‘nâi ple\ng xêh hên tơdroăng ki vâ tơplôu i nhên, i rơhí rơhó rêm ‘noăng chư. Êh búa tối mâu tơdroăng ki êh hiăng hlê ple\ng vâ rêm ngế tơplôu tơbleăng, mâu ngế tơpui pơchuât ai hlá mơ-éa ki tơplôu tro, tơplôu ‘ló, ai krôk, rơkong pơchuât le\m, rơhêng nguân hmâng vâ ga mâu tơdroăng ki tơpui tung Rơ’jíu Việt Nam pơrá cho ai pơxúa ăm vâi krâ-nho\ng o păng ‘nâng? Hnoăng cheăng á cho rah chêh, tơplôu tơbleăng [ă tơpui pơchuât mâu tơdroăng ki kal dêi nâl Rơteăng, ki hdrối tâ, á mơhnhôk vâi nâ o i tơru\m môi hiâm môi tuăn, to\ng veăng dêi pó. ‘Na hnoăng cheăng, á xuân đi đo tơmiât, tơche\ng athế ai hnoăng ki hnê tối ăm vâi nâ o túa tơplôu, pơchuât tro, tơló rêm ‘noăng chư, tơtro [ă túa tơpui nâl kuăn ngo pin. Tơná á, á xuân hmâ đi đo lăm u kố u mê vâ tí tăng chêh xo, thâu hrik nâl tơpui kuăn ngo pin, tí tăng ngăn mâu hlá mơ-éa, hlá tơbeăng, hlá mơ-éa tơplôu nâl pin [ă nâl Xuăn, vâ ing mê, á kô chiâng châ ‘nâi thăm i hên nâl Xuăn [ă nâl kuăn ngo tơná pin. Hnối tí tăng hriăn pơkâ chêh bro xêh mâu tơdroăng ki Xuăn tối ki kô ki mê, klêi mê, tơplôu inâi khu kăn xiâm, hnoăng cheăng, inâi khu hnê ngăn rêm kơvâ cheăng; túa ki tơplôu lo nâl kuăn ngo pin ăm i ‘ló [ă tuăn tơmâng dêi vâi krâ-nho\ng o. Ki rơhêng vâ tối, tung plâ to lâi hơnăm hdrối kố nah, chía ton há, ai rôh mâu hâi ki pơtê, hâi leh, hâi Têt á hmâ prếo vêh a pơlê, pôu tơpui tơno [ă vâi krâ nho\ng o, á nhăng tí tăng êng vâi ki rơkê, vâi krâ pơlê vâ chêh ‘măn xêh mâu ‘noăng chư Rơteăng; drêng á êng ngăn vâi krâ nho\ng o hôm ‘nâi klê  drêng á tơplôu tiah mê, drêng hên ngế tối hiăng hlê, mê á nếo rak hlối chư ki mê vâ tơplôu, hnối tối ăm nâ o ki pêi cheăng vâ vâi [ối túa tơplôu ki mê, tơpui tung Rơ’jíu Việt Nam.

         Ô vâi krâ-nho\ng o [ă pú hmâ! Ki hâk phiu dêi mâu ngế ki tơplôu tơbleăng, tơpui pơchuât tung Rơ’jíu ngin mê cho tơdroăng ki pói vâ, hâk tơmâng dêi vâi krâ-nho\ng o ki ối a chê, xuân môi tiah vâi krâ-nho\ng o ki ối hơngế. Klêi kơ’nâi roh lăm trâm mâ, ăm vâi krâ tơmâng ‘na rơ’jíu tơpui drêng ngin troh a mâu pơlê cheăm, ngin ‘ló hâk nâ, sôk suâ ‘nâng drêng hlo vâi krâ-nho\ng o rơhêng vâ tơmâng mâu tơdroăng ki ngin hiăng tơpui pơchuât, mơ’no tung Rơ’jíu Việt Nam.

          Pôa Dúi Dam Reng, Kăn pơkuâ ngăn Rơ’jíu-Um tivi kong pơlê Kon Tum hneăng hdrối nah, cho môi ngế ki ngin hiăng krếo veăng tơpui tơno [ă ngin hâi kố, pôa xuân cho môi ngế ki ối a kong pơlê Kon Tum hmâ tơmâng hên má môi nâl Rơteăng ki ‘no tung Rơ’jíu Việt Nam. Ô pôa Dúi Dam Reng, pâ phêp êh pôa tối i nhên ‘na nâl Rơteăng ki mơ’no tung Rơ’jíu Việt Nam pơla kố hía nah: Á hiăng chói hmâ tơmâng hên tơdroăng tơpui nâl Rơteăng dêi Kơ koan teăng mâ Rơ’jíu Việt Nam a kong pơlê Daklak mơ’no. Á tâng hôm ‘nâng. Xua ti mê, tiô á tơmiât: Á mơnê Tơnêi têa hiăng ăm kuăn pơlê hdroâng Rơteăng ngin ai tơdroăng tơpui pợchuât nâl Rơteăng tung Rơ’jíu Việt Nam a kơpong Daklak. Tung mâu hơnăm hiăng hluâ, mâu vâi o, vâi muăn ki tơplôu tơbleăng, tơpui pơchuât hiăng kơdôu mơ-eăm hên ‘nâng [ă chêh tơplôu tơ-[rê ‘nâng ‘na tơdroăng tơplôu nâl Xuăn lo nâl Rơteăng, klêi mê, pơchuât dêi nâl kuăn ngo tơná. Á tơmâng vâi o, vâi muăn pơchuât tơleăng, tơtah le\m. Pa k^ng mê, ‘na tơdroăng pro pơro, tơdroăng rơngêi ting ting, klêi mê, mâu tơdroăng nếo ai á pơrá tâng tơleăng [ă tơtah, xua mê, á rơhêng vâ tơmâng păng ‘nâng.

Pôa Dúi Dam Reng, Kăn pơkuâ ngăn Rơ’jíu – Um tivi kong pơlê Kon Tum hneăng hdrối

         Ô nâ Gương! Nâ búa tối ngăn ‘na vâi krâ-nho\ng o tung pơlê nâ ‘na tơdroăng pin hmâ tơpui pơchuât nâl Rơteăng kố, vâi krâ ai pơchân tối pin tơdroăng klâi hah nâ? Măng t^ng hdrối kố nah a prếo a pơlê Kon Hrêng, cheăm Ea H’Đing, tơring Chư Mgar, kong pơlê Daklak. Klêi kơ’nêi chôu châi ing chiâk deăng, á hiăng trâm mâu pôa Phor, Miêi, Măng Mi, Pôa Thun [ă hên mâu ngế ki ê.Vâi ki mê pơrá cho mâu ngế ki hmâ tơmâng nâl Rơteăng ‘no tung Rơ’jíu Việt Nam. Hên ngế tung pơlê pơrá tối, rơhêng vâ tơmâng tơdroăng tơpui nâl Rơteăng dêi Rơ’jíu Việt Nam, xua mâu tơdroăng ki tơpui mê ga tơ’lêi hlê, tơ’lêi ‘nâi, tơleăng tơtah [ă re\ng ‘nâi ‘nâng. Vâi krâ git vâ tơmâng kố, cho tơdroăng ‘’Rơtế prôk [ă mơngế pêi chiâk’’, hnê vâi krâ ‘na túa mơdâ pêt tơmeăm, păn mơnăn mơnôa, túa kơdê oâ hdrong, pơreăng a loăng kơxu, kơphế, túa rak vế ngăn, khăm pơlât dêi ivá châ chăn [ă hía hế. Vâi krâ tối tiah kố’’mâu tơdroăng ki Rơ’jíu tơpui pơrá ro rih, ‘ló khâp, ga ai pơxúa ăm vâi krâ-nho\ng o tung pơlê mê hên ngế khoh chiâng rơhêng vâ tơmâng Rơ’jíu vâ hriâm tâp.

          Klêi kơ’nâi Rơ’jíu-Um tivi kong pơlê Kon Tum hrik xo, mơ’no mâu nâl kuăn ngo dêi kơ koan teăng mâ Rơ’jíu Việt Nam a kơpong Tây Nguyên, hên vâi krâ-nho\ng o hdroâng Rơteăng a mâu thôn pơlê dêi tơring Đak Tô xuân hiăng vâ tơmâng rơ’jíu. Ô ngoh A Kên! Êh ngoh cho môi ngế ki hmâ ‘nâi nhên ‘na tơdroăng tơpui nâl Rơteăng dêi Rơ’jíu Việt Nam. Ngoh búa tối i nhên iâ ‘na vâi krâ-nho\ng o pin a Đak Tô ai hmâ tơmâng Rơ’jíu Việt Nam tiah lâi? Á [ă vâi krâ-nho\ng o akố hiăng hmâ ‘nâi mâu tơdroăng tơpui pơchuât nâl Rơteăng ‘no tung Rơ’jíu Việt Nam, ngin tơmâng rêm ‘noăng chư, rêm rơkong tơpui. Mâu tơdroăng ki hnê tối ‘na cheăng kâ-rêh ối ngin pơrá tơmâng [ă hlê ple\ng. Ki rơhêng vâ tối, Rơ’jíu hnê tối ‘na kih thuât pêi chiâk deăng mê tâi tâng vâi krâ-nho\ng o pơrá tơku\m tơmâng vâ hriâm tâp. ‘Na tơdroăng ki pro pơro mê, vâi krâ-nho\ng o nguân hêng vâ tơmâng hơ’muăn, xôi kiâ. Tơdroăng tơpui nâl Rơteăng dêi Rơ’jíu Việt Nam a Daklak châ vâi krâ-nho\ng o rơhêng vâ tơmâng [ă hâk kơde\n.

          Hôm. Mê âi jâ Linh Nga Niê Kdăm hiăng châ tâng hên tơdroăng, mê jâ hôm ai tơdroăng tơpui ki klâi há ‘na tơdroăng kố. Pâ phêp jâ tơpui [ă vâi krâ-nho\ng o pin: Á ối chôu vế roh ki lăm mơnhên ngăn hyôh rơ’jíu roh ki mê nah a Buôn Hằng Hai, á hlo tá vâi hdrêng, vâi  o, vâi muăn pơrá ai radio ki kuăn, vâi tếo dêi a rơtếo vâ tơmâng Nhat hơdruê, Nhat tơpui. Lăm troh a Kon Tum, vâi krâ-nho\ng o tối ‘’Châ tâng nâl Rơteăng ‘no a hyôh rơ’jíu tơnêi têa ngin hâk tơngăm [ă mơnê ’nâng, hâk phiu pá kâi tối. Mơnê kơ Rơ’jíu hên ‘nâng. Tơdroăng ki ngin lăm trâm, tơpui tơno êng tiâ [ă vâi krâ a rêm to pơlê cho tơdroăng cheăng ki ngin hmâ pro đi đo. Á cho ngế ki pơkuâ, pa k^ng mâu tơdroăng ki êng mâu ngế ki hmâ tơmâng Rơ’jíu ki ngin hiăng rah xo vâ vâi veăng hnê tối, hmâ po 3 khế lăm trâm vâi krâ môi xôh, lăm troh a pơlê, tâm koi a pơlê vâ tơpui tơno [ă nho\ng o, [ă hnối vâ mơnhên mâu rơpo\ng ki mê hôm ai hmâ tơmâng Rơ’jíu lơ ôh, klêi mê, ngin hnối mơnhên hyôh rơ’jíu hôm châk rơdêi lơ ‘ro, a mâu tíu ki chiâng phêp, mê ngin po roh hôp kuăn pơlê. Vâi krâ-nho\ng o rơhêng vâ tơmâng tơdroăng xôi kiâ, hơ’muăn, rơngế rơngối, mâu tơdroăng rơngêi ting ting, ma lối mâu [ai hơdruê nâl kuăn ngo.

          Hôm. Pâ phêp mơnê jâ Linh Nga hiăng hơ’muăn tối ‘na tơdroăng trâm, tơpui tơno [ă kuăn pơlê ‘na nâl Rơteăng ki ‘no tung rơ’jíu.

          Rơ’jíu Việt Nam kơ koan teăng mâ kơpong Tây Nguyên đi đo ‘mâi rơnêu, hơ’lêh tơdroăng cheăng vâ mâu tơdroăng chêh tối, tơplôu tơbleăng, tơpui pơchuât châ pơtroh tu\m têk má môi, châ tơ-[rê má môi, [ă re\ng troh má môi troh a vâi krâ-nho\ng o hmâ tơmâng rơ’jíu cho hdroâng kuăn ngo a kơpong Tây Nguyên.

Ô pôa Dúi Dam Reng, cho môi ngế ki cheăng ton hơnăm tung kơvâ rơ’jíu-um tivi [ă hiăng hloh hlê rơkê ple\ng hên, kân rơdâ ‘na tơdroăng tơplôu tơbleăng, tơpui pơchuât nâl Rơteăng, pôa búa tối ngăn tơdroăng ki pói rơhêng vâ tơmâng nâl Rơteăng dêi vâi krâ-nho\ng o a Kon Tum tung la ngiâ kố ah ga tiah lâi,ô pôa? Tiô á, tung la ngiâ kố ah, mâu vâi krâ-nho\ng o hdroâng kuăn ngo kô nguân vâ tơmâng rơ’jíu rế hên. Dế nôkố, vâi krâ-nho\ng o kô tơ’lêi vâ rôe radio vâ tơmâng hên luâ tâ hdrối nah, yă tê xuân rơpâ, ôh tá ‘nhó kơnâ. Klêi kơ’nâi vâi krâ-nho\ng o hiăng châ hrik xo idrâp tơpui tung Rơ’jíu, la ngiâ kố ah kô ai hên ngế rôe radio vâ tơmâng mâu tơdroăng tơpui pơchuât tung Rơ’jíu Việt Nam.

          Ô ngoh A Kên, êh búa tối i nhên tâ ‘na tơdroăng ki vâi krâ-nho\ng o hdroâng kuăn ngo Rơteăng a Đak Tô ai rơhêng vâ tơmâng tơdroăng tơpui nâl Rơteăng tung Rơ’jíu dế kố ga tiah lâi? Vâi krâ-nho\ng o hdroâng ngin pơrá rơhêng vâ tơmâng mâu tơdroăng topui mơ’no tung Rơ’jíu Việt Nam, ki ma lối mâu tơdroăng tơpui [ă nâl kuăn ngo Rơteăng. Pa k^ng tơmâng mâu tơdroăng nếo ai tung tơnêi têa pin [ă kong têa ê, vâi krâ-nho\ng o xuân rơhêng vâ châ tâng idrâp chêng, idrâp koăng, idrâp têng nêng, rak ngăn dêi ivá châ chăn, tơmâng tơdroăng hơ’muăn. Ngin xuân pói rơhêng vâ châ tơmâng ‘nâng ‘’Luât xiâm tơnêi têa troh luât pơlê pơla’’, xua nôkố u ối hên vâi krâ-nho\ng o pin tá hâi ‘nâi ple\ng nhên ‘na luât, ma lối luât tơnêi. Ki păng ‘nâng a tơring ngin kố hiăng hlo ai hên tơdroăng ki tơbriât, tơxup ‘na tơnêi tơníu (tung mê, ai tơnêi ối [ă tơnêi pêi kâ, xuân u ối mâu ngế ki ‘nâ tá hâi ‘nâi nhên ‘na túa pro ph^u rah xua tơnêi. Á pói châ Rơ’jíu Việt Nam ki cheăng a Daklak pơtối hnê ăm vâi krâ nho\ng o thăm ‘nâi ple\ng nhên ‘na Luât, la [ă vâi krâ-nho\ng o, xuân kal châ tơmâng tơdroăng tơpui hnê ‘na luât [ă rơkong Rơteăng vâ kơ ga tơ’lêi hlê ple\ng [ă rak vế, pêi pro [ối.

Ngoh A Kên – Mơngế Rơteăng, cheăng tung {ơrô Mơhno mơjiâng túa le\m tro tơring Đak Tô

          Sap ing mơ’nui hơnăm 2013, hiăng pơxiâm po trang website VOV4.Sêdang, ăm vâi krâ-nho\ng o ngăn tung măng internet. Môi túa ki pro hlá tơbeăng ki nếo hiăng châ pơtối mơnhông hyôh rơ’jíu tơpui nâl kuăn ngo, mơdêk nâl Rơteăng châ troh lâp lu vâi krâ-nkho\ng o tung lâp plâi tơnêi. Troh nốkố, tâng vâ riân ngăn tơchuâm, rêm hâi ai vâ chê 1.000 xôh ngế ki hmâ po ngăn, lối 50 to kong têa hiăng hmâ po ngăn rêm hâi trang web VOV4.Sêdang vâ tí tăng ‘nâi ple\ng mâu tơdroăng nếo ai, ‘na mơhno mơjiâng túa le\m tro, ‘na khôi túa, vêa vong, ‘na tơdroăng rêh ối nếo dêi mơngế Rơteăng.

          Apoăng nah, kơxo# mơngế ki po ngăn bu iâ, xua hên ngế tá hâi teăm châ ‘nâi i nâi ki vâ po ngăn. Klêi kơ’nâi ngin tối tơbleăng inâi website dêi ngin troh a vâi krâ-nho\ng o, rế hía rế ai hên ngế tí tăng po ngăn trang web VOV4.Sêdang. Ngoh Nhat Lisa, ngế ki rah chêh búa tối tơ’nôm ‘na hnoăng cheăng ki nếo kố: Rêm hâi, tôh Rơteăng ngin hmâ tâ ‘măn mâu tơdroăng nếo ai, mâu [ai tung măng internet drăng VOV4.Sêdang, mâu tơdroăng cheăng ki mê pêi tơdrêng [ă tu\m têk, preăng tro piu. Á cho mơngế pôu râng hnoăng cheăng, tối mơhnhôk vâi nâ o tung tôh tâ ‘măn mâu chư chêh, mâu rơkong pơchuât, tơdrêng amê, hnối séa mơnhên ngăn, tâng lơ hlo ôh tá hâi teăm tu\m, á đi đo tơbâ vâ rêm ngế ‘mâi rơnêu [ă ‘mêng i tơtro. Dế nôkố a trang website VOV4.Sêdang ngin hiăng ‘măn 17 tơdroăng. Pơla hdrối kố nah, a trang VOV4.Sêdang hiăng ai mâu nho\ng o ai chêh êng thế ngin ‘no tơdroăng rơngêi ting ting, [ă tơngah ngin hnê tối ‘na túa ki po ngăn VOV4.Sêdang [ă phôn râng ko\ng, ngin hiăng tiâ tối [ă hnê i nhên ăm mâu nho\ng o ki êng mê. Kơxo# mơngế ki po ngăn, ối tung tơnêi têa pin [ă kong têa ê a trang website VOV4.Sêdang rế hía rế kơdrâm, tâng riân sap apoăng hơnăm troh nốkố hiăng ai lối 180 rơpâu ngế po ngăn.

          Ê, hôm, pâ mơnê kơ ngoh Nhat Lisa.

          Ô ngoh A Kên, ngoh hôm ai rơkong rơkâu tối ki klâi [ă vâi nâ o tơplôu tơbleăng, tơpui pơchuât nâl Rơteăng dêi Rơ’jíu Việt Nam?Á pâ rơkâu mâu vâi ngoh nâ o ki tơplôu tơbleăng, tơpui pơchuât nâl Rơteăng ai ivá mo le\m, rêh ối hơniâp ro, sôk suâ, pơtối pêi cheăng rơkê tung hnoăng cheăng ki tơpui pơchuât tung rơ’jíu, vâ mâu tơdroăng ki mê rế rơ-eăng ro, le\m tơniâ tâ nếo vâ pro hên ngế kuăn pơlê nguân vâ tơmâng mâu tơdroăng tơpui nâl Rơteăng ‘no drăng [âng rơkong khu kuăn ngo Rơteăng tung Rơ’jíu Việt Nam a kong pơlê Daklak.

          Ô vâi krâ-nho\ng o [ă pú hmâ! Vâ chê 18 hơnăm rơtế ối achê [ă vâi krâ-nho\ng o, tơdroăng tơpui nâl Rơteăng dêi Rơ’jíu Việt Nam – Kơ koan teăng mâ a Tây Nguyên hiăng mơnhên tối dêi hnoăng cheăng tơná cho krá tơniăn, tơtro troăng tung tơpui pơchuât tung rơ’jíu tơnêi têa, mê cho mâu tơdroăng nếo ai ki pro pơxúa, tơ’ló [ă khôi túa, vêa vong, mơhno mơjiâng túa le\m tro dêi hdroâng kuăn ngo, veăng ‘no dêi hnoăng tung thăm pơtối mơnhông pêi cheăng kâ, mơhno túa le\m tro, rêh ối pơlê pơla a mâu cheăm bêng tung kơpong Tây Nguyên. {ă tơdroăng kơdôu mơ-eăm, kơhnâ rơkê, chân krá, [ă đi đo mơhriâm, pói tơngah tơdroăng tơpui nâl Rơteăng kô pơtối kâi kơneăng thăm to a’ngêi, thăm rế châk hơngế tâ nếo troh a mâu pơlê pơla, cheăm bêng dêi kơpong Tây Nguyên.

          Roh tơpui tơno ‘’18 hơnăm chông djâ tơdroăng tơpui nâl Rơteăng tung hyôh rơ’jíu tơnêi têa’’ troh a kố hiăng tâi. Mơnê mâu vâi jâ pôa, ngoh nâ ki hiăng tơpui tơno hâi kố. Pâ rơkâu pó vâi krâ-nho\ng o ai hên tơdroăng hâk phiu, sôk ro [ă tơniăn le\m. Mơnê tâi tâng vâi krâ-nho\ng o hiăng klêi tơmâng. Nhat Lisa chêh tối [ă tơbleăng

Nhat Lisa chêh [ă tơbleăng