VOV4.Sêdang - Hngêi arak liăn mơnhông mơdêk châu Á dó inâi ADB nếo kĭ kơxô̆ liăn mung kơnâ 58 rơtuh dollars ƀă kơxô̆ liăn tŏng kum ôh tá xo tơvêh 2 rơtuh dollars vâ mơdêk tơdroăng ki kâi trâng ƀă kong prâi hơ’lêh, hngêi trăng troăng klông ƀă xing xoăng têa a mâu kong pơlê pá hdroh peăng Tơdế tơnêi têa dêi Việt nam cho Bình Định ƀă Quảng Nam. Ki rơhêng vâ tối cho a mâu tơring kơpong kong ngo, kơpong hơngế hơngo, tíu ai hên pơlê pơla mâu hdroâng kuăn ngo.

Tơdroăng  tơkêa Mơjiâng hngêi trăng troăng klông kâi trâng ƀă kong prâi hơ’lêh ăm vâi krâ hdroâng kuăn ngo hneăng má 1 kô rơnêu 121,8 km troăng tiô mâu pơkâ mơjiâng pro kâi trâng kong prâi hơ’lêh, mơjiâng 115 km troăng klŏng chuâ têa, ƀă kum tơbleăng tơdroăng ki loi tơngah khât ‘na kong prâi teăm tơdrêng ƀă châ tơƀrê ‘na kơxô̆ liăn. Tiô tối hdrối, dâng 243.000 ngế, tung mê, ai 126.300 ngế kuăn pơlê ối tung khu mơngế hdroâng kuăn ngo, kô châ pơxúa ing tơdroăng tơkêa bro.

A Sa Ly tơplôu ƀă tơbleăng