VOV4.Sêdang - Hâi lơ 4 khế 5, Khu pơkuâ ngăn ‘na mơhno mơjiâng túa le#m tro, tơ’noăng ivá, ngăn ‘na ôm hyô dêi kong pơlê Lâm Đồng tối ăm ‘nâi, tung pơla pơtê a mâu hâi leh lơ 30 khế 4 [ă lơ 1 khế 5 hdrối kố nah, pơlê kong kơdrâm Đà Lạt, kong pơlê Lâm Đồng hiăng tơdah dâng 120 rơpâu ngế tơmối tung tơnêi têa pin [ă kong têa ê pơtê xah ôm hêi. Tung tâi tâng 120 rơpâu ngế tơmối ki mot ôm hyô mê, ai lối 3 rơpâu 200 ngế tơmối kong têa ê. Tâng vâ pơchông ngăn roh leh a hơnăm kố dêi hơnăm nah, roh lơ 30 khế 4 [ă lơ 1 khế 5 hơnăm kố, mâu tơmối tung tơnêi têa pin [ă kong têa ê troh a Đà Lạt hiăng tâk châ 13%. Tiu khu pơkuâ ngăn ‘na Mơhno mơjiâng túa le#m tro, tơ’noăng ivá [ă ôm hyô kong pơlê Lâm Đồng tối ăm ‘nâi, mơhé tơmối ki lăm ôm hyô akố tâk hên la tơdroăng gâk vế, kring ngăn, rak krúa le#m kế kâ a mâu kơpong ôm hyô, mâu hngêi ôu kâ đi đo châ rak tơniăn. Hngêi kâ koi ối pơtê ăm tơmối đi đo châ rak vế tơniăn. Mâu tíu tê mơdró kê kâ hiăng tâk châ tơdế, xêo ngăn to mâu hngêi ăm tơmối koi pơtê ki kah kân, tíu ki pơtê ối hiăng tâk sap tơdế troh tơngi klêng tâng vâ pơchông ngăn [ă hâi ki ê. Tung roh leh hdrối kố nah, Đà Lạt hiăng ai lối hên tơmối mot ôm hyô, hên tơmối hiăng ôh tá tăng xêh tíu ối pơtê, mê khoh koi pơtê a rơxế lơ lăm prôk tung kơchô dêi Đà Lạt bê tá troh kơxo gâ.

Nhat Lisa tơplôu