VOV4.Sêdang - Kơxê lơ 28 khế 4, khu kăn xiâm pơkuâ ngăn mâu kong têa hiăng mơgêi hneăng Hôp kân ASEAN roh má 26 (26^th ASEAN Summit) a kong têa Malaysia [ă mơ’no rơkong Tối tơbleăng dêi Kăn xiâm hnê ngăn [ă ‘na mâu tơdroăng ki ai tơdjâk tung kơpong [ă lâp plâi tơnêi, tung mê, ai tá  ‘na tơdroăng a Biển Đông.

Mâu kăn xiâm pơkuâ ngăn Khu ASEAN hiăng vêh tối mơnhên nếo ki kal dêi tơdroăng rak vế, kring tơniăn, gâk ngăn [ă pro tơ’lêi hlâu ăm mâu plong tuk prôk a têa kơx^ kơpong Biển Đông, tung mê, ai tối nhên, rêm to kong têa kal athế rak tơniăn [ă pêi pro tro tu\m mâu tơdroăng ki hiăng Tối tơbjleăng ‘na Tơru\m tơpui kâ dêi rêm pâ kong têa (DOC) a Biển Đông, vâ mơjiâng, pơtối mơdêk [ă thăm rế kum dêi pó loi tơngah tơdroăng ki tơdrăng khât, ‘ló păng ‘nâng, mơdât mâu tơdroăng ki pêi pro, lơ tí tăng mơnhâu, hôu hêng lơ xúa pháu hơnêa vâ tơplâ tơplong.

Mơhé hiăng mơnhên tối kô ai tơdroăng ki tơtro tung tối pơtâng ‘na Kơxop mơ-éa Luât ki tơru\m tơpui kâ a Biển Đông (COC), mâu kăn xiâm pơkuâ ngăn pơrá hiăng pâ thế pơtối thăm tơpui tối hên tâ nếo ‘na tơdroăng ki mơjiâng môi Kơxop mơ-éa Luât COC ki châ tơ-[rê păng ‘nâng.

Nhat Lisa tơplôu