Rơpo\ng jâ H’Brai cho môi tung mâu rơpo\ng kơtiê xahpá dêi pơlê Bu Sôp, cheăm Dak Nia, pơlê kong krâm Gia Nghĩa châ xúa ing tơdroăng ‘’Bâ eăng tơdroăng tuăn loi’’ tung hơnăm kố. Jâ H’Brai ăm ‘nâi, mâu tơmeăm on tơhrik tung hngêi xúa ton hiăng tơ’nhiê, ai drêng bâ drêng oh la hâi ai liăn vâ hơ’leh pul on ki ê xua tơdroăng rêh ối xahpá. Châ ko\ng nhân ngăn on tơhrik troh a hngêi ‘mâi rơnêu, hơ’leh kơxái, krâ pul on ki nếo kum ăm rơpo\ng hngêi hmiân tuăn xúa on tơhrik tơniăn.

Jâ H’Brai, pơlê Bu Sốp, cheăm Dăk Nia, pơlê kong krâm Gia Nghĩa, kong pơlê Dak Nông, hơ‘muăn tối:

‘’On tơhrik á, rơpo\ng hngêi xúa hiăng ton ga hiăng tơ’nhiê, mơnê ko\ng ti ngăn on tơhrik hiăng troh ‘mâi rơnêu pro hơ’leh kơxái ki nếo kum ăm  rơpo\ng hngêi á, vâ kuăn ‘ne\ng hriâm tơniăn iâ ai on bâ eăng le\m tâ [ă ôh tá hmôu pơ xâu môi tiah hdrối nah, ko\ng ti ngăn on tơhrik kum rơpo\ng hngêi á,  á mơnê hên ‘nâng‘’.

Kơnốu re\ng hlâ, ôh tá ai kơpeăng ko\ng pêi dêi mơngế kơnốu tung rơpo\ng hngêi tơdroăng ‘na on tơhrik tung hngêi trung jâ  H’Mhao, cheăm Dak Nia, pơlê kong krâm Gia Nghĩa hiăng tơ’nhiê sap ing ton nah la ôh tá châ ‘mâi rơnêu. Rêm kơmăng kuăn ‘ne\ng hriâm pá puât xua on ôh tá bâ eăng. Nôkố châ khu ngăn on tơhrik ‘mâi hơ’leh pro kơxái, krâ pul on nếo, hngêi trăng ôh tá rơmăng xếo drêng kong rế măng, mê hiăng châ hơ’leh tâi tâng mâu kơxái on tơhrik tung hngêi [ă 2 pul on led séa eăng le\m.

‘’Á sôk ro xua ko\ng ti ngăn on tơhrik Dak Nông tơmâng khât troh rơpo\ng hngêi. Sap ing hdrối nah troh nôkố rơpo\ng hngêi á rêh ối xahpá, kơxái hiăng pok, pul on hiăng kơtê ôh tá ‘nâi thế  kơbố ‘mâi bro ăm, pro ti lâi ôh tá ‘nâi, kuăn ‘ne\ng vâ hriâm ôh tá ai on, troh kơmăng hên hdrôh thế rơbôu vâ tăng prôk tung hngêi. Châ kơvâ ngăn ‘na on tơhrik tơmâng kum ‘mâi rơnêu krâ pul nếo a mơnê ‘nâng’’.

Tíu ki vâ tối dêi ‘’Khế tơbâ mơnê kơ tơmối’’ hơnăm 2019 cho tơdroăng ‘’Bâ eăng tuăn loi’’, ing mê Ko\ng ti hiăng pêi pro ‘mâi rơnêu, hơ’leh kơxái, ‘mâi krâ pul on tê kơtê ăm 100 rơpo\ng hngêi kơtiê, rơpo\ng hngêi ai hnoăng tơnêi têa ki kơtiê tung kong pơlê. Pul on châ kum krâ ăm tê kơtê cho pul on led, kum kuăn pơlê châ kơd^ng ivá on tơhrik.

Xuân tung khế mơnê kơ tơmối, Ko\ng ti ngăn on tơhrik Dak Nông xuân hiăng hnê tối ăm mâu thái [ă hok tro hngêi trung râ má môi Trần Văn Ơn, a cheăm Dak Nia, pơlê kong krâm Gia Nghĩa, kong pơlê Dak Nông ‘na mâu tơdroăng hbrâ ví xía vâ [ă ‘nâi kơd^ng liăn ăm vâi o hok tro mâu hngêi trung tung kong pơlê.

Cô Phan Thị Hằng, hnê hngêi trung râ má môi Trần Văn ơn, ăm ‘nâi:

‘’Hngêi trung râ má môi Trần Văn Ơn hâi kố phiu niu châ mâu kăn [o# dêi khu ngăn on tơhrik troh hnê tối thế ‘nâi xúa kơd^ng on tơhrik, xúa châ tơniăn. Kố xuân cho ki xiâm hnê tối ăm mâu vâi o hok tro ‘nâi hlê ple\ng tung tơdroăng xúa kơd^ng [ă xúa on tơniăn, mâu vâi o xuân cho troăng ki hnê tối vâ kum ăm rơpo\ng hngêi mơdêk ki hlê ple\ng ‘nâi kơd^ng on tơhrik [ă ‘nâi xúa ăm tơniăn’’.

Pôa Nguyễn Văn Trình, Kăn pho\ pơkuâ Ko\ng ti ngăn on tơhrik Dak Nông tối ăm ‘nâi, tung khế tơbâ troh mâu tơmối rêm hơnăm, kơvâ ngăn on tơhrik Dak Nông xo tơmối pro ki xiâm [ă pơkâ vâ môi tuăn dêi tơmối cho lo rêk vê hdró ki châ [lêi dêi khu mơdró. Kơvâ ngăn on tơhrik kô séa ngăn tâi tâng mâu tơdroăng ki mơ’no on tơhrik ăm kuăn pơlê vâ mơdêk tâ nếo ki tơ-[rê tơdroăng mơ’no on tơhrik. Malối, tơdroăng tơpui kâ, tơdroăng pêi cheăng dêi mâu kăn [o#.

‘’Klêi kơ’nâi hên hơnăm, malối tung hơnăm kố, tơdroăng tơku\m ‘no liăn ‘mâi rơnêu on tơhrik, nôkố on tơhrik hiăng ai lâp lu [ă tá a mâu kơpong hngế hngo. {ă tơdroăng pơxá bâ eăng tơdroăng loi pro hên ngế kuăn pơlê dêi mâu khu ‘no liăn cheăng tơbleăng mâu tíu xiâm rak ngăn tơmâng xo tơmối êng tối vâ rêm ngế ki xúa on châ ‘nâi, hlối tơ’lêi tung tơdroăng pơkâ mơ’no on ăm tơmối vâ rế hên ngế xúa on tơhrik tơnêi têa’’.

            Hoàng Qui chêh

Gương tơplôu [ă tơbleăng