VOV4.Sêdang - Ô vâi krâ nho\ng o [ă pú hmâ! Cheăm kong ngo Dũng Phong, tơring Cao Phong cho cheăm ki apoăng dêi kong pơlê Hòa Bình xo pêi klêi 19 kơpêng 19 tơdroăng pơkâ mơjiâng thôn pơlê rêh ôi cheăng kâ tiu túa nếu. Mơnhông cheăng kâ pro kơdrum pêi chêk deăng châ ngăn cho ki xiâm dêi tơdroăng mơhnhôk pêi hên túa cheăng kâ ai pơxúa, châ tơ-[rê hên. Bai chêh dêi Kim Thanh ngế chêh hla tơbeăng ai chêh tối ‘na tơdroăng mê.

Cheăm kong ngo Dũng Phong, tơring Cao Phong ai tơnêi tíu to thông rơnâk ngo xâu rơ-iu, xahpá tung tơdroăng prôk lăm mơjiâng tơmeăm khoăng. Iâ kuăn pơlê veăng rơlo liăn, kơxo# rơpo\ng kơtiê hên, tơdroăng rêh ối kơnôm ing hngêi rak liăn tơnêi têa to\ng kum ôh tá ai. Hdrông mơngế Mường akố châ 90% pơ’leăng mâ mơngế. Pêi cheăng [ă ngin, kăn pơkuâ cheăm Dũng Phong ăm ‘nâi, cheăm tôu tuăn hên khât ‘na tơdroăng ‘no liăn mơnhông cheăng kâ rêh ối, mơhé tí tăng túa pêi cheăng kâ tung kơpong. Mơjiâng thôn pơlê rêh ối cheăng kâ tiu túa nếo cho ki xiâm vâ tơdroăng rêh ối dêi kuăn pơlê châ mơnhông tơ-[rê tâ hdrối.  Tối rơtế pêi, cheăm Dũng Phong pơkâ tơdroăng cheăng pêi cho pêi chêk deăng, [ă tơdroăng po rơdâ tơnêi pêt kơtếo [ă krui ngeăm, tơru\m [ă tơmeăm pêi lo. Kố cho tơdroăng pêi pro ki rơdêi [ă môi to cheăm kong ngo pêi to chêk deăng, kuăn pơlê akố hiăng hmâ pêi chêk deăng tiu khôi túa ton nah.

Sap ing hâi hnê tối thế mơjiâng thôn pơlê rêh ối cheăng kâ tiu túa nếo troh nôkố, cheăm hiăng châ tơring to\ng kum vâ chê 500 rơtuh liăn vâ mơjiâng pro deăng pêt krui ngeăm, krui kuit, pơhlêh hdrê pêt a [ăng tơnêi lối 60 ha. Péa pâ troăng kân tôh kơxu mot troh tung cheăm cho mâu deăng kơtếo [ă mâu kơdrum krui ngeăm, krui kuit, plâi tum agrut. Mâu hâi vâ chê troh têt, rêm hâi lối chât toăng xế kân troh mot tung cheăm vâ rôe krui chơ ke#n Hà Nội. A deăng Nà Bá kơtăn kố pái pu\n hơnăm xun ối hlo pêt alâi, pôm ló, nôkố hiăng châ hơ’lêh [ă mâu kơdrum krui ngeăm, krui kuit. A deăng pêt krui kân rơdâ 4 rơpâu met karê dêi rơpo\ng ngoh Trần Văn Hợp, lối chât ngế dế tơvâ tơvân cheăng krí krui ngeăm. {ă 70 rơtuh liăn ‘no pêi pêt rak ngăn apoăng rơnó pêt, xêo ngăn drêng krí dêi plâi rơpo\ng ngoh Hợp châ xo dêi dâng 400 rơtuh. Ngoh Trần Văn Hợp tối: Tâng pơchông [ă pêi cheăng kâ kơxo# liăn châ xo ing tê plâi krui ngeăm hên ‘nâng. Tíu tê nôkố ki hên xua mâu ki tê mơdró a kơchô xiâm lăm troh a kố roê  klêi mê lăm tê lâp lu. A xun mơtiah kuăn pơlê a tơring Cao Phong kố xun púi vâ ai tíu tê tơniăn. Tung la ngiâ, mơni deăng pêt krui kô po rơdâ tâ.

Cheăm Dũng Phong mơjiâng tơdroăng pơkâ to\ng kum ‘no liăn cheăng châ chât rơtuh liăn tung môi kơdrum deăng ăm mâu rơpo\ng ki pêt krui, pak^ng mê, pro tơ’lêi hlâu ‘na túa pro hla mơ-éa, hnê ‘no liăn cheăng, to\ng kum hnhâng troăng kơxái on tơhrik, pro troăng, kâng bro rơchôa, cho thông mơ’no têa troh tung klâng, troăng cho mơ’no têa hbrông [ă hía hé. Ho\ng tơdroăng hiăng mơjiâng pro hdrối ing mâu hnăm hdrối mê hía nah xua ing tơdroăng pêi cheăng kâ châ tơ-[rê, cheăm Dũng Phong hiăng tơku\m ‘no châ chât rơtal liăn mơjiâng pro troăng kơxái tơhrik, troăng prôk, hngêi trung, hngêi pơkeăng [ă hên tơmeăm khoăng ki ê pro tơ’lêi hlâu vâ mơnhông pêi chêk deăng, tê mơdró kế tơmeăm pêi lo, mơnhông tơdroăng rêh ối, mơdêk ki rơkê ăm tuăn ngoâ kuăn pơlê. Troh nôkố, troăng prôk tung cheăm Dũng Phong hiăng tơ’lêi hlâu vâ prôk lăm [ă tê mơdró. Kơchô xiâm cheăm tê hên mâu tơmeăm kế kâ, tơmeăm xúa tu\m túa. Troăng tung cheăm hiăng tôh chá kơxu, tung mê, sap pơlê Nà Bái, cheăm Dũng Phong prôk ke#n Khuộn [ă pơlê Nam Thành, cheăm Nam Phong 3 km.  Mâu troăng tung pơlê hiăng châ pro [ă [ê tông: tâi tâng mâu rơpo\ng châ xúa on tơhrik tơnêi têa, tơniăn ‘na on tơhrik. Hngêi pơkeăng châ mơnhên tối le#m ai tu\m tơmeăm. Pôa Nguyễn Quang Vinh, cho 1 tung hr^ng ngế kuăn pơlê cheăm Dũng Phong pleăng dêi tơnêi pro troăng ăm ‘nâi: Rơpo\ng a hlo rêm ngế ai hnoăng veăng ‘no ivá, tơmeăm khoăng, tâi tâng rêm ngế môi tuăn, púi vâ troăng prôk tơ’lêi hlâu vâ lăm [ă tê mơdró tơmeăm. Sap ai tơdroăng mơjiâng thôn pơlê rêh ối cheăng kâ tiu túa nếo, a hlo cheăm kố hiăng le#m tâng vâ pơchông [ă hdrối nah. Rêm to hngêi, rêm ngế xun tơ’noăng dêi rơpó mơnhông cheăng kâ. To lâi hnăm achê kố, tơdroăng cheăng kâ dêi kuăn pơlê tung cheăm thế mơnhông tơ-[rê tâ.

Tiu tối tơbleăng mơnhông cheăng kâ rêh ối cheăm Dũng Phong, hnăm 2014, tâng xêo rêm ngế pêi lo châ 24 rơtuh liăn môi ngế tung 1 hnăm. Kơxo# rơpo\ng kơtiê xun hiăng chu tiu tơrêm hnăm. Cheăm hiăng mơhnhôk rêm khu râ veăng rơlo châ 44 rơtal liăn mơjiâng thôn pơlê rêh ối cheăng kâ tiu túa nếu. Khoh ai tiah mê, Đảng ủy cheăm Dũng Phong tơmâng hnê mơhno, mơdêk tơdroăng hnê tối, xo mâu kăn [o#, đảng viên cho mâu ki mơhno djâ troăng ahdrối tung tơdroăng xe#n rơnêu ăm gu tơbăng vâ pro troăng, veăng pleăng tơnêi, rơlo liăn mơjiâng tơmeăm  khoăng. Rêm khế, rêm rơnó, Đảng ủy tơku\m hôp tơpui tơno [ă kăn hnê ngăn chi [o#, kăn pho\ [urô kơvâ cheăng khu grup, mâu thôn vâ ‘nâi mâu tơdroăng, pơtối hnê mơhno, vâ pôi tá ai tơdroăng ki ôh tá tơniăn lơ kuăn pơlê tô tuăn tơpui hên. Pôa Bùi Văn Sẳng, Kăn hnê ngăn Vi[an cheăm Dũng Phong tối: Ôh tá xê ngin châ tối hiăng hôm, mê ngin pơtê. Ngin kô pơtối mơ- eăm pro ti lâi vâ pê klêi mâu tơdroăng pơkâ. Ngin pơkâ mơjiâng thôn pơlê rêh ối cheăng kâ tiu túa nếo, Tơnêi têa xun pơtối séa ngăn rêm hnăm ngin ai tơdroăng cheăng klâi ki hiăng pêi tro, ki lâi hâi chiâng pêi, ki pêi ôh tá tro vâ ‘mâi pêi dêi nếu. Ngin pơtối mơ-eăm pro ti lâi vâ tơdroăng cheăng kâ rêh ối dêi cheăm rế mơnhông tơ-[rê tâ, tơdroăng rêh ối dêi kuăn pơlê rế châ mơnhông tơ-[rê tâ.

Rơnó hơngui hnăm kố, kuăn pơlê acheăm Dũng Phong sôk ro tâng tối krui ngeăm Cao Phong châ Khu xiâm cheăng khoa hok-kơmăi kơmok pơcháu hla mơ-éa mơnhên tối ‘na hla mơ-éa chêh kơchuâ ‘na tơnêi tơníu kroăng têa, rơnó krí xo plâi krui ngeăm hnăm kố châ xo hên, tê hnối ai yă [ă hía hé. Pá kơdâm hngêi trá, hlo rơbông reăng plâi ma#n, reăng mơ [ă mơngiơk tr^ng dêi kơdrum krui ngeăm drô hbêa ngo mơtiah tơdroăng sôk ro dêi kuăn pơlê a cheăm mơjiâng thôn pơlê rêh ối cheăng kâ tiu túa nếu rế sôk ro tơ’nôm. Mâu idrâp dêi chêng koăng chuât xơtó tơdrêng [ă tơdroăng pơto pơtih, túa kơ’nhon xuăng ki le#m mê cho drêng rơnó hơngui hiăng troh a pơlê Mường- cheăm Dũng Phong kro mơdro\ng le#m.

Gương tơplôu