VOV4.Sêdang - Châ mơjiâng hơnăm 1945, Trung đoân 95, Sư đoân [o# [inh 2, đông lêng ki xiâm dêi Kuân khu 5, hiăng đi đo xông tơtêk ó, châ [lêi trâng kân k^n tung 2 roh tơplâ xâ Pơhlăng [a\ plâ xâ Mih dêi hdroâng mơngế pin. Trung đoân 95 hiăng 2 xôh sôk ro châ Đảng, Tơnêi têa diâp inâi kơnía git: Ngế khên tơnôu dêi khu lêng kuăn pơlê. Ngế chêh hlá tơbeăng tối ‘na khôi túa khên tơnôu dêi đông lêng kố.

            A văng ‘Măng Yang, kong pơlê Gialai sôk ro hiăng mơjiâng pro kêi tíu tơbâ mâu lêng ki hlâ tung tơplâ xâ nah dêi Trung đoân 95, mô đo#i tro rong Vũ Hồng Thái hơ’muăn tối: Pôa xuân ối mơhúa hên tâ mâu mô đo#i ki ê tung khu. Tung tơplâ xâ hâi lơ 7 khế 3 hơnăm 1975 tíu hơlâ pái troăng Plêi {ôn, đông lêng pôa hiăng châ kơdê hên khu lêng xâ [a\ pe\ng 10 toăng rơxế kom-[a dêi Mih. Laga khu ki tơplâ xâ roh hâi ki mê cho 7 ngế, 3 ngế hiăng khên tơnôu hlâ tung tơplâ xâ; tung 4 ngế tro rong bu pôa ối rêh. Rơtế rơpo\ng ing pơlê kong kân Hồ Chí Minh lăm pôu tíu tơplâ xâ ton nah, ối a rơxế, mô đo#i hneăng hdrối nah Vũ Hồng Thái, briê lo têa mâ hơ’muăn tối: Lăm pôu a tíu dêi tơná hiăng tơplâ xâ, tíu nho\ng o hlâ tung tơplâ xâ nah, laga ai hên ngế troh nôkố tá hâi tăng hlo kơxêng, á khéa ‘nâng. Á tro rong môi tiah kố xuân ối mơhúa, xua mê rơtế on veăng troh a kố chôu nhâng ăm tâi tâng mâu mô đo#i ki hlâ tung tơplâ xâ nah, mâu ngế ki tá hâi châ tăng hlo kơxêng. Hiăng to lâi hơnăm kố, vêh pôu a tíu dêi tơná rêh ối, tơplâ xâ nah, vâ mơhno ăm kuăn ‘ne\ng hlo tíu tơplâ xâ hdrối nah, tíu ki ai châ chăn dêi tơná veăng tơplâ xâ, xuân cho [ai hriâm ăm mâu kuăn ‘ne\ng, cháu chái kơ’nâi ah ‘nâi nhuo#m tơdroăng ton nah.

            Pôa Nguyễn Phước Toàn, ngế vê rơxế dêi trung đoân hơnăm 1974, drêng nếo châ 20 hơnăm, tối: tơplâ ó khât, laga trung đoân xuân hiăng hlâ hên ‘nâng. Drêng tơnêi têa châ tơleăng le\m, pôa pơtối lăm a tíu tơplâ xâ nah, laga vâ ti tăng tơku\m môi tíu mâu kơxêng ki mô đo#i ki hlâ tung tơplâ xâ. Pôa Nguyễn Phước Toàn, tối: Pâ mâu tơdroăng ki pá puât nah, rêh ối [a\ nho\ng o, ôh tá ‘nâi liăn gá ki klâi, bu ‘nâi tơkôm rơkong tối thế xông tơplâ xâ. Hơnăm 1976 mê nah, rơxông klêi kơ’nâi hiăng châ hơniâp, laga ối pá puât, kâ kơchâi, pôm, hmê pế [a\ pôm. Drêng á lăm tăng chiâ ti tăng kơxêng mô đo#i, mê hên lêi, lăm môi măng t^ng pơto châ môi toăng rơxế, ai hên ngế tăng hlo laga ôh tá ‘nâi kơnó inâi, hơnăm.

            Mơjiâng inâi Khu lêng ‘Mang Yang khên tơnôu mê thế hơ’muăn ‘na tơdroăng tơplâ xâ ki ó dêi Trung đoân 95 sap hơnăm 1968 troh hơnăm 1975 a tíu tơplâ xâ Gialai, [a\ hnoăng chea\ng xiâm cho gâk a troăng kân kơxo# 19, ôh tá ăm mâu lêng xâ pơtroh dêi lêng ing tơbăng peăng tơdế tơnêi têa troh a Tây Nguyên. Trung tươ\ng Ma Thanh Toàn, kăn cheăng tung tíu xiâm Đảng, cho kăn pơkuâ Kuân khu 2, cho kăn pơkuâ Trung đoân 95, tối ăm ‘nâi, đông lêng ó rơdêi pro mâu lêng xâ xâu rơ-iô khât drêng khu lêng xông tơplâ tơkâ hluâ văng ‘Măng Yang, xua tơdroăng tơplâ khên tơnôu, rơkê, ki má lối mơ-eăm tơkâ hluâ pá puât vâ châ [lêi trâng. Trung tươ\ng Ma Thanh Toàn pâ tơdroăng ton nah: Tơdroăng ki pá má môi, mê cho roh xông tơplâ dêi đông, xông tơplâ kơdê môi khu lêng kong têa ê ing văng ‘Măng Yang troh Hà Tam, tâi tâng 73 rơxế, laga rêm ngế lêng bu ai 3 pu\m priât drêh âp vâ kâ, ôh tá ai phái vâ kâ. Mê cho khôi túa mơ-eăm tơkâ hluâ pá puât. Trung đoân 95 châ Măt tra#n pơcháu hnoăng cheăng mot a kố, mê bu pơcháu: Măt tra#n kô kum ăm pháu hơnêa, ‘na kế kâ vâ păn roăng mô đo#i, vâ kâi plâ troh tah khu lêng kong têa ê, mê trung đoân thế tăng xêh. Xua mê, kơnôm ing kuăn pơlê, laga ki kal má môi drêng mê nah, rêm khu pơtroh môi trung đo#i lăm pêi chiâk deăng, pêt alâi, pêt pôm vâ ai kế kâ.

            Châ [lêi trâng kân k^n tung 2 roh xông tơplâ xâ khu lêng Pơhlăng [a\ khu lêng Mih xuân môi tiah tơdroăng mơjiâng [a\ gâk kring tơnêi têa, Trung đoân 95, cho Khu lêng ‘Măng Yang hiăng 2 xôh châ Đảng, Tơnêi têa diâp inâi ki kơnía git khên tơnôu dêi kuăn pơlê, 7 tiêuh đoân [a\ 4 khu môi ngế xêh châ kheăn kơdeăn ngế khên tơnôu.

A Sa Ly tơplôu [ă tơbleăng