VOV4.Sêdang - Pơtối roh hôp má 3, kơxê lơ 15 khế 9, Vi [an pơkuâ Kuo#k ho#i hôp ăm mâu kăn tơpui tối ‘na Luât pơkuâ ngăn, xúa tơmeăm khoăng dêi tơnêi têa (‘mâi hơ’lêh). A rôh hôp, mâu kăn tung Vi [an pơkuâ Kuo#k ho#i tối ăm ‘nâi: {ă tơmeăm khoăng tơchuâm xua Tơnêi têa pơcháu ăm khu mơdró pơkuâ ngăn, ôh tá tối ‘na kơxo# liăn dêi tơnêi têa a khu mơdró (môi tiah tơnêi, tơmeăm khoăng ai tơdjâk troh tơnêi tơníu, hngêi trăng, tơmeăm khoăng ki vâ mơjiâng tơdroăng tơkêa bro), ki păng ‘nâng a tơnêi têa pin, mâu tơmeăm kố cho kal kân ‘nâng, malối cho tơmeăm ki ai tơdjâk troh tơnêi tíu, hngêi trăng la tơdroăng pơkuâ ngăn ai drêng ‘nâ, ai tíu ki ‘nâ ối ‘nhê xiâ, pêi pro tá hâi châ tơ-[rê, ki xiâm cho xua tá hâi tơtro tiô pơkâ nhên ‘na hnoăng cheăng, tơdroăng pơkuâ ngăn. Mâu kăn hiăng pâ thế: Kal athế pơkuâ ngăn i krâu khât ‘na tơmeăm khoăng tơchuâm, veăng kum pêi pro ai pơxúa [ă dâi khât, tơtro ‘nâng, ‘nâi rơkê kơd^ng, ‘nâi mơjo, ai tơ-[rê ing tơdroăng ki xúa dêi tơmeăm tơchuâm vâ mơnhông mơdêk tung pêi cheăng kâ, rêh ối pơlê pơla. Pak^ng mê, kal athế mơjiâng tơ’nôm tơdroăng pơkâ ‘na túa séa ngăn pơlê pơla tơdrêng tung mơjiâng Luât vâ rak tơniăn ‘na tơdroăng ki nhên, tơdrăng le\m, thăm mơnhông mơdêk ki tơ-[rê păng ‘nâng tung hnoăng cheăng séa ngăn dêi kuăn pơlê [ă tơdroăng chêh tối tung hlá tơbeăng, mơđah tơbleăng tung rơ’jíu, um tivi [ă tơdroăng pơkuâ ngăn, xúa tơmeăm khoăng tơchuâm dêi tơnêi têa.

Nhat Lisa tơplôu [ă tơbleăng