VOV4.Sêdang - Kơxo lơ 1 khế 6, pôa Nguyễn Xuân Phúc, Ngế pro xiâm hnê ngăn tơnêi têa pơkuâ roh hôp tiah hmâ Chin phuh khế 5 hơnăm 2016. Roh apoăng, tơdroăng mơjiâng, pro kêi đeăng luât châ Chin phuh tơpui tơno ahdrối vâ tơpui ‘na tơdroăng cheăng kâ rêh ối pơlê pơla. Ngế pro xiâm hnê ngăn tơnêi têa tối rơdêi, kal tơku\m mơnhên, tơleăng mâu tơdroăng ki ối tơvâ tơvân dêi pơlê pơla, ki ahdrối tâ cho ‘na luât. Ngế pro xiâm hnê ngăn tơnêi têa tối, tơnêi têa pin ai troăng mơnhông tơtêk, laga mơnhông tơtêk tá hâi tơtro tiô pói vâ, mê cho xua hrá hơ’lêh troăng pêi cheăng, tung mê ai tá khu kăn pơkuâ, luât pêi cheăng, tơdroăng pro mơ-éa [a\ kuăn pơlê [a\ khu tê mơdró, xua mâu mơ-éa luât tá hâi tơtro khât, khu kăn ki pơkuâ cheăng tá hâi rơkê [a\ tá hâi tơdrăng khât tung pêi cheăng, mâu ngế ki pơkuâ xiâm tá hâi pôu râng tâi dêi hnoăng cheăng tơná pro. Xua mê, Chin phuh mơdoh plâ hâi apoăng dêi hneăng hôp kố tơpui ‘na tơdroăng mơjiâng, pro kêi đeăng luât. Tung mê, hvái ngăn peăng Chin phuh xuân tá hâi pêi pro kêi mâu kơxop mơ-éa luât ki nếo vâ tơleăng tơtro tiô hnoăng cheăng nếo nôkố. Tiô tơbleăng dêi {ơrô Chin phuh, nôkố Chin phuh tá hâi pro kêi 51 tơdroăng pơkâ ‘na hnê mơhno rak vế, pêi pro luât.

Katarina Nga tơplôu [ă tơbleăng