VOV4.Sêdang - Kơxo kố lơ 29 khế 6, a tíu pêi cheăng Chin phuh, poâ Nguyễn Tấn Dũng, Ngế pro xiâm hnê ngăn tơnêi têa pơkuâ roh hôp tiah hmâ khế 6 mơ’no tơdrêng tung um tivi [a\ khu râ kăn pơkuâ 63 kong pơlê, pơlê kong kơdrâm, pơlê kong kân dêi tơnêi têa, tối ‘na tơdroăng cheăng kâ – rêh ối pơlê pơla 6 khế apoăng hơnăm [a\ mâu túa tơku\m hnê mơhno pơkuâ cheăng kâ tung la ngiâ. Roh hôp tơku\m tối nhên mâu tơdroăng, pơkâ, môi tuăn mâu túa hnê mơhno, pơkuâ vâ hbrâ mơdât mâu tơdroăng ki ôh tá tơniăn nôkố. Mê cho kơlo pêi lo tung kơpong pêi chiâk deăng [a\ păn ká xi xo\ng iâ tâ tâng pơchông [a\ hneăng kố hơnăm hdrối, ki má lối tung pêi kế tơmeăm kâ [a\ păn ká xi xo\ng. Roh hôp tơpui tơno tơpui ‘na tơdroăng ôh tá tơniăn ing kong prâi [a\ tê kế tơmeăm khoăng ke\n kong têa, tơdjâk troh kơlo mơdêk cheăng kâ tung mâu khế mơ’nui hơnăm [a\ pơkâ túa tơeăng mâu tơdroăng cheăng.

A Sa Ly tơplôu