VOV4.Sêdang -Kơxo lơ 24/8, Khu hnê mơhno Hneăng hôp Khoa hok râ tơnêi têa Tơbâ 110 hơnăm Hâi kot mâ Đăi tươ̆ng Võ Nguyên Giáp hiăng troh chôu nhang, pôu ngăn tơnâp Đăi tươ̆ng Võ Nguyên Giáp a Vũng Chùa – Đảo Yến, cheăm Quảng Đông, tơring Quảng Trạch, kong pơlê Quảng Bình. Tung chôu phut  hmâi hơtĭng, mâu kăn hiăng ‘măn hơvĭng reăng, chôu nhang ƀă hmái iâ  chôu tơbâ vâ mơhno hiâm mơno pâ nhuô̆m, trâu hơngế khât hnoăng cheăng kân kĭn dêi Đăi tươ̆ng Võ Nguyên Giáp, ngế kăn pơkuâ ki châ vâi loi tơngah dêi Đảng, Tơnêi têa ƀă kuăn pơlê pin.

Chôu nhang, pôu ngăn tơnâp Đăi tươ̆ng Võ Nguyên Giáp a Vũng Chùa – Đảo Yến

Drêng kố, Khu hnê Hneăng hôp khoa hok râ tơnêi têa Tơbâ 110 hơnăm Hâi kot mâ Đăi tươ̆ng Võ Nguyên Giáp hiăng troh chôu nhang pôu ngăn tơnâp Đăi tươ̆ng a Hngêi tơbâ Đăi tươ̆ng Võ Nguyên Giáp a cheăm Lộc Thủy, tơring Lệ Thủy, kong pơlê Quảng Bình.

Pôu ngăn ƀă hbru tơmeăm ăm mâu rơpŏng ki ai hnoăng kăch măng a kong pơlê Quảng Bình. Khu xiâm pơkuâ ngăn lêng xuân hiăng diâp mâu phần mềm ƀă kế tơmeăm séa ngăn 3D ‘na tơdroăng rêh ối ƀă hnoăng cheăng dêi Đăi tươ̆ng Võ Nguyên Giáp ăm kong pơlê Quảng Bình.

Katarina Nga tơplôu ƀă tơbleăng