Êng: Pâ phep koh hmât kơ nâ Mlop, cho ngế ki hâk git kơ tơdroăng te\n hmôu, xuân cho ngế pơkuâ Khu pêi cheăng tơru\m, nâ búa tối dêi hnoăng cheăng tơná [ă pú hmâ tơmâng Rơ’jíu?

Nâ Mlop: Ê, á hâk git tơdroăng te\n hmôu sap ing tơx^n nah troh nôkố, mê nôkố á xuân hâk vâ, tí tăng mơnhên ngăn mâu túa rơneăm ki nếo vâ khoh ai tơmeăm ki mơnâ mâ ngăn, tro tiô tuăn mơno pói vâ. Tơdroăng cheăng dêi Khu tơru\m ngin xuân ối rak vế, hơnăm kố, pêi hên tơdroăng cheăng, mâu tơmeăm ki te\n pơrá châ tê dêi tâi tâng, tơmối vâ rôe hên ‘nâng la pá ai tơmeăm vâ tê.

Êng: Tiô tơdroăng ăm ‘nâi, tê hên kế tơmeăm kuăn ngo, môi tiah: Ếo kơnốu, ếo kơdrâi, pơtâk, kơpe\n, kơtong kân, kơtong tâ liăn, kơtong tâ phôn râng ko\ng [ă hía hế châ hên ngế tơmối rơhêng vâ rôe. Mâu tơmeăm ki kố nâ tê dêi u lâi?

 Nâ Mlop: Á tê dêi a Dak Nông, Dak Lak, Kon Tum, thăm nếo tê a Nha Trang, Đà Nẵng lơ Sài Gòn xua nôkố hiăng ai phôn tơpui tơno ga hlâu, pin tê dêi tơmeăm, pơtroh a rơxế xuân hlâu. Tơmối vâi rôe vâi pơtroh liăn ăm tài khỏan mê tơdroăng tê mơdró tơ’lêi ‘nâng. Kế tơmeăm xuân hluâ há, ma lối: pơtâk, ếo kơdrâi, ếo kơnốu, ki châ tê hên tâ cho kơtong tâ tơmeăm pin te\n, pơchoh tiô chal nếo nôkố, tơtro mâ, la xuân ối rak vế tro tiô rơneăm dêi hdroâng kuăn ngo, xua mê, khoh ai hên mơngế tăng rôe. Xuân ai tá tơmối ung kong têa Mih vâi troh akố vâi rôe hên ‘nâng.

Êng: Cho ‘nâng, pơtối rak vế hnoăng cheăng kố ga hiăng pá, vâ ga pơtối châ mơnhông mơdêk tâ nếo tơdroăng te\n tơmeăm ga thăm rế pá. Tiô êh nâ tơmiât vâ tơdroăng te\n hmôu kố châ pơtối mơdêk luâ tâ, kal athế pro ki klâi?

Nâ Mlop: Ki xiâm ga kal ai liăn ‘no. Tung pơla mâu hâi ki pơtê cheăng chiâk deăng, rơnó mêi, hên vâi nâ o toh chôu la ôh tá ai liăn vâ mơhá ăm vâi mê troh a mơ’nui hơnăm ôh tá ai kế tơmeăm vâ tê. Khu pêi cheăng tơru\m ngin tá hâi ai liăn vâ ‘no pêi, tá hâi ai tơdroăng ki ăm mung liăn vâ pơtối mơnhông. Tung pơla trâm hên xahpá tiah mê, rơpo\ng á lăm mung xêh liăn ing hngêi rak liăn, la ôh tá châ hên to lâi, bú vâ khoh pơtối châ rak vế tơdroăng cheăng tê, xua mê, tơdroăng cheăng khoh xahpá.

Êng: Ê, cho ‘nâng, ô vâi krâ-nho\ng o [ă pú hmâ! Môi tiah nâ Mlop nếo tối mê âi, mâu tơmeăm dêi Khu pêi cheăng tơru\m hiăng châ mơ’no tê hên tíu, ai tá mâu kong têa vâi ê. Kố cho tơdroăng ki ‘ló ro păng ‘nâng tung hnoăng cheăng te\n hmôu. Maluâ ti mê, vâ ga thăm rế châ mơnhông mơdêk tâ nếo kal ai châ tơnêi têa veăng ăm mung liăn.

Á xuân ối môi tơdroăng vâ kơ-êng nâ nếo. Hiăng luâ 25 hơnăm hnê mơjiâng  ‘na cheăng te\n hmôu, châ kuăn pơlê dó ăm inâi ‘’Cô hnê chư ki rơkê kơhnâ te\n hmôu’’, êh nâ hiăng hnê châ lối hr^ng ngế vâi kơdrâi Bơhnéa, Jarai ing tơdroăng vế prế, bro rơneăm troh a túa te\n [ă hên tơdroăng ki ê…Tơdroăng kố êh nâ xuân ối vâ pơtối pêi pro lơ ti lâi?

Nâ Mlop: ‘Na tơdroăng te\n hmôu á xuân ối pơtối rak vế, tơdrêng [ă  tơdroăng te\n hmôu á xuân ối hnê mâu vâi o vâi muăn a rơnó pơtê hriâm. Tung hơnăm á xuân ối hnê ăm mâu vâi muăn Bơhnéa, Jarai a An Khê nếo, a mâu tíu ki mê, hên ngế a mê xuân rơkê te\n, la vâi hiăng chúa lôi, preăng ai mơngế vâ te\n. Hơnăm kố á kô hnê vâi ‘na cheăng te\n hmôu a mê. Á kô lăm hơngế vâ hnê kơ vâi. Á tíu kố ga ôh tá ai tơdroăng klâi, hnê kơxo kơxê a hngêi, ôh tá ai tơdroăng klâi.

Êng: Rế pơkuâ ngăn Khu pêi cheăng tơru\m, rế veăng hnê te\n hmôu, mê êh hlo ai tơdroăng pá puât, tơvâ tơvân ki klâi há?

Nâ Mlop: Tơdroăng te\n hmôu roh hdrối nah ga pá ‘nâng, la nôkố ga hiăng tơ’lêi, xua kơnôm Tơnêi têa mơjiâng pro ăm hngêi ki kố (cho tíu cheăng dêi Khu pêi cheăg tơru\m) xua mê, drêng Tơnêi têa po lâm á tơku\m hnê ai drêng ‘nâ 5 troh 6 ngế, tơ’lêi ‘nâng, hdrối nah athế lăm hnê a tơrêm hngêi vâi, hnê rêm ngế mê khoh pá. Tâng ối ai ivá mê á xuân khât há vâ hnê vâi muăn, mê nôkố tơnêi têa ăm phep po lâm hnê [ă mơhá liăn ngân á thăm rế kơdo mơ-eăm tâ nếo.

Êng: Tiah mê, êh nâ hôm ai tơmiât ki klâi vâ pơtối djâ cheăng te\n hmôu kố thăm rế châ mơnhông mơdêk hên tâ nếo?

Nâ Mlop: Ki apoăng á kô po lâm hnê chêp, pơchoh. Kơmăi pơchoh, kơmăi chêp, kơpó hiăng ai tâi tâng, la ôh tá ai ngế ki vâ pơchoh mê ôh tá ai kế tơmeăm, tâng bu 1 troh 2 ngế tê pêi ga ôh tá re\ng kêi. Á kơdo mơ-eăm te\n i hên, vâ tơmối troh a kố, vâi vâ rôe ki klâi kô ai kế ki mê. Môi tiah mâu hơnăm hdrối mê hía nah, xuân ai ngế ki vâ rôe hên kơtong tâ kế tơmeăm la ôh tá bê vâ tê, hên ngế tăng êng vâ rôe, la ôh tá ai mê vâi vêh xêh tê kơtê. Xua ti mê, la ngiâ kố ah, á kô mơ-eăm te\n i hên tâ nếo, môi tiah: kơtong, pơtâk, ếo, bung, kơtong xuân hên túa phá dêi pó, ai troh 20 túa, vâ châ tê hên ăm tơmối.

Hôm, mơnê kơ êh nâ hiăng tơpui tơno [ă ngin.

A Dơng chêh

Nhat Lisa tơplôu [ă tơbleăng