VOV4.Sêdang - Kơxê lơ 1 khế 6, a pơlê kong kơdrâm Đà Lạt, kong pơlê Lâm Đồng pơtối ai kong mê kân, lu mâu troăng prôk, tung mê ai môi toăng hngêi tro tơhnâp. Kong mê ton lối 30 phut, têa hên ôh tá teăm kơdoăng hiu hiăng pro lu mâu troăng a mâu kơpong pá gong pơlê kong kơdrâm Đà Lạt. 

Tíu ki kơdoăng têa tro kơdât xua têa lân lu ó

Tung mê, ki rơ-iô má môi cho kơpong kuăn pơlê rêh ối tung rơhlâ troăng 30, troăng Hoàng Văn Thụ, bêng 5, pơlê kong kơdrâm Đà Lạt hiăng ai môi toăng hngêi tro tơhnâp. 

Môi toăng hngêi tro tơhnâp xua têa hiu têi 

Xiâm kối cho xua hên têa mêi tung pơla tíu ki kơdoăng ‘no têa tro kơdât xua mâu tơdroăng ki mơjiâng tơdroăng pơkâ kơpong tíu ối tơdjuôm Mạc Đỉnh Chi. Tơdroăng kố hiăng châ kuăn pơlê tung kơpong hên hdroh tối tơbleăng, la tá hâi châ khu kăn ki ai tơdjâk tơmâng ngăn pơkâ tơleăng.

Katarina Nga tơplôu