VOV4.Sêdang - Pơtối mâu rôh mê príu tung khế 4, pơlê kong kơdrâm Đà Lạt, kong pơlê Lâm Đồng pơtối ai mâu rôh têa kân, pro hên troăng tung kơpho#, tung mâu hâi pơtê leh hdrối kố nah. Rôh kong mê ki achê kố cho a kơxê hâi lơ 2 khế 5. Mơhé bu mê lối môi chơ tê, la hiăng pro long têa Mê Linh tâk đik, pro Kông Ngô Văn Sử, bêng 9 tro têa lu, kuăn pơlê ôh tá chiâng prôk lăm tung plâ 2 chơ. Têa mêi ối toăng hên tung troăng, ôh tá kâi hiu, ối lu lối chât toăng hngêi dêi kuăn pơlê, ai hngêi ki ‘nâ hiăng tro tâ lu trâu vâ chê 1 met. Hên chiâk deăng ki pêt kơchâi, reăng a bêng 9 xuân tro têa lu. Hdrối mê, kơxê lơ 29 khế 4, môi rôh kong mê kân ki ê a Đà Lạt hiăng pro 2 ngế tro têa mơhiu a têa kroăng ku\n Phan Đình Phùng [ă têa Tà Nung. Rôh kong mê kố ối lu mâu troăng kơpho# pro chiâng chôm a drô troăng tung pơla mâu hâi pơtê leh. Pơtối mê, kơxê lơ 1 khế 5, mê kân pro tơnêi chiâng to\ng, trâp sap ing môi tíu ki mơjiâng tơmeăm a long Hồ Xuân Hương plế troh a troăng Trần Quốc Toản, pro troăng kố chiâng hliâk, prôk lăm ôh tá tơniăn. Tiah mê, sap apoăng khế 4 troh nốkố, hiăng ai 3 rôh kong mê príu hnối ai jâ kơdo [ă 3 rôh kong mê tiah mê a pơlê kong kơdrâm Đà Lạt, pro tơ’nhiê lối rơpâu ha kơchâi, plâi pôm; pro tơhnâp hngêi nhe#ng ki pêi chiâk deăng, pro lu\p hên h^n liăn ngân dêi kuăn pơlê.

Katarina Nga tơplôu