VOV4.Sêdang - Khu pơkuâ ngăn Đoân droh rơtăm pơlê kong kơdrâm Ƀuôn Ma Thuột, kong pơlê Dak Lak kô tơbleăng rơxế hbru mâu kế tơmeăm kal xúa troh a hngêi vâ kum mâu ki kơtiê a mâu cheăm, bêng a pơlê kong pơlê Ƀuôn Ma Thuột, kong pơlê Dak Lak, pơxiâm sap ing hâi lơ 31/7. Tiô khu tơkŭm po, tơdroăng kố kô tơbleăng troh tâi hâi lơ 7/8 la ngiâ, klâ pro 5 rôh a 10 to cheăm, bêng a pơlê kong kơdrâm Ƀuôn Ma Thuột, kong pơlê Dak Lak.

Dak Lak: Chiên tơmeăm 0 liăn troh a hngêi kum mâu kơtiê a pơlê kong kơdrâm Ƀuôn Ma Thuột 

Tiô tối hdrối kô diâp 1 rơpâu hnoăng tơmeăm ăm mâu kuăn pơlê ki xơpá môi tiah rơpŏng kơtiê, mâu ngế ki ôh tá ai kuăn ‘nĕng păn roăng, mâu ngế ki chó chêng tơvê kŏng, mâu ngế ki tâ pơreăng ki râ, ôh tá ai tơdroăng cheăng pêi lơ pêi lo liăn ôh tơniăn. Rêm hnoăng ai 5 kg phái, têa tương, têa măm, xik, ƀôt ngot ƀă tŭm túa mâu kơchâi, plâi, pôm.

Katarina Nga tơplôu ƀă tơbleăng