VOV4.Sêdang - Ô vâi krâ nho\ o [ă pú hmâ! Pák^u hnoăng cheăng rak vế troăng tơkăng kong ki xo\n lối 73 km, tơdjêp [ă kong dêi kong têa Miâng, khu mố đo#i kak tíu tơkăng kong dêi kong pơlê Dak Lak ối kơhnâ khât, veăng mơ-eăm ‘na troăng rơhlâ cheăng kal kí, mơnhông mơdêk cheăng kâ rêh ối kum ăm 4 to cheăm tơkăng kong ối tung 2 tơring Ea Súp [ă {uôn Đôn. Rơtế amê, mố đo#i kak tíu tơkăng kong dêi kong pơlê Dak Lak đi đo pro khât hnoăng cheăng tơpui kâ, vâ mơjiâng kơpong tíu tơkăng kong hơniâp le#m, tơru\m tơroâ [ă mơnhông mơdêk. Đi đo pro tro hnoăng cheăng ki kal kố cho tơdroăng ki xôk ro dêi mâu kăn [o#, lêng kak tíu tơkăng kong dêi kong pơlê Dak Lak.

            Roh mơ’nui hnăm 2014 kố nah, xôk ro mơd^u tơbâ 70 hnăm hâi mơjiâng mố đo#i Việt Nam [a\ 25 hâi kak kring tâi tâng kue#n pơlê a mâu đông mố kak tíu tơkăng kong dêi kong pơlê Dak Lak xôk xuâ [a\ tơku\m po hên tơdroăng ki pơxúa. {a\ mâu kăn [o#, mố đo#i kak kring tíu tơkăng kong Yok Đôn rế xôk ro tâ, xua mê cho roh mơd^u tơbâ 10 hnăm hâi mơjiâng đông. Đông ối a tíu tơkăng kong peăng hdroh dêi kong pơlê Dak Lak, đông mố đo#i kâk tíu tơkăng kong Yok Đôn achê [a\ cheăm Dak Wil, tơring }ư Jut, kong pơlê Dak Nông. Mơhé châ mơjiâng mơ’nui tâng pơchông [a\ mâu đông ki ê, la ga kăn [o#, mố đo#i a kố đi đo pêi kêi hnoăng cheăng, đông hiăng 3 hdroh châ Khu xiâm pơkuâ mố đo#i diâp inâi ‘’Đông kho\m mơ-eăm châ [lêi trâng’’. Xôk ro 3 roh châ inâi ‘’Mố đo#i ki rơkê’’, Thươ\ng u\y Trần Văn Hưng tối ăm ‘nâi: Pak^u hnoăng cheăng cho mơngế ki pơkuâ đông, ngoh ối cho kăn pho\ pơkuâ Đoân droh rơtăm, rơneh mâ [a\ xông kân a tơnêi tơníu ai kơno tuk Hải Phòng, klêi kơ’nâi mơgêi mơhriêm [a\ mot Đảng a hngêi trung Ho\k vie#n {iên phong, ngoh lăm a peăng má hâi lâ pá kơnho\ng pêi hnoăng cheăng, veăng tung cheăng lêng kâk kring a tíu tơkăng kong dêi kong pơlê Sơn La, klêi mê, châ Khu xiâm pơkuâ mố đo#i kak tíu tơkăng kong pơtroh ngoh lăm pêi cheăng tung kơpong Tây Nguyên. Drêng ngoh 30 hnăm, ngế rơtăm ki rơneh mâ a tơnêi tơníu ki ai kơno tuk châ mơhriâm tung lêng [a\ trâm hên mâu tơdroăng pá puêt, pơloăng mơnúa a kơpong ngo ngối kong kế Tây Nguyên, mê ngoh thăm rế ai hiâm mơno ki ‘nâi kơdôu mơ-eăm tung rêh ối. Thươ\ng u\y Trần Văn Hưng tối: Xôk ro [a\ mơhúa ăm a, châ pêi cheăng tung khu mố đo#i kak tíu tơkăng kong dêi kong pơlê Dak Lak. Tây Nguyên cho tơnêi tơníu kue#n mơngế ‘nâi pâ nhuo#m dêi rơpó, hâk vâ [a\ dêi rơpó; ki rơhêng vâ tối cho mâu mố đo#i hiăng kum dêi rơpó tơkâ hluâ xah pá. A kôm mơ-eăm tâ mê nếu tung tơdroăng pêi cheăng, mơhriêm tâp; mơ-eăm pêi tro hnoăng cheăng ki châ pơcháu. Ki rơhêng vâ tối, kak kring krá tơnie#n tíu tơkăng kong, tơnêi tơníu Việt Nam’’.

            Tây Nguyên dế mot tung rơnó tôu, dro tíu tơkăng kong [a\ kong pơlê Mondulkiri, kong têa Miâng to ngo ngối, loăng kong, rơnó kố kong hlá hiăng khăng, laga mâu đông kak kring tíu tơkăng kong akố xun ối ngiêt le#m, xua kơdrum ki pêt kơchâi drêh, kơdrum pêt plâi, tá mơngiơk hmân ếu drêh mâu lêng. Vêh dêi a đông klêi roh xéa ngăn kong, kak kring tíu tơkăng kong, {inh nhất Vũ Đức Chí tối ăm ‘nâi, klêi kơ’nâi mơhriâm lêng a tiêuh đoân 19, mố đo#i kak kring tíu tơkăng kong dêi kong pơlê Dak Lak, ngoh kôm pêi hnoăng cheăng a đông lêng kak kring tíu tơkăng kong Bo Heng, tâ xôk ro ‘nâng: Pêi cheăng a đông kak kring tíu tơkăng kong Bo Heng, châ Khu hnê mơhno đông xing xoăng tơdroăng cheăng, a lăm xéa ngăn, kak kring tíu tơkăng kong, kâk kring tơneăn tíu tơkăng. A xôk ro, a cho mố đo#i kak kring tíu tơkăng kong, veăng kum vế ngăn tíu tơkăng kong tơnêi têa. Pêi cheăng tung mố đo#i, châ mơhriâm hên tơdroăng, kum a hlê ple#ng hên tung tơdroăng rêh ối pêi cheăng.

            Đông achê têa kroăng Sêrêpôk, đông mố đo#i kâk kring tíu tơka\ng kong 743-Mố đo#i kâk kring tíu tơkăng kong Dak Lak xun bro inâi têa kroăng kố. Pak^u hnoăng pơkuâ, kâk kring lối 12 km troăng tíu tơkăng kong [a\ 2 tơneăn tâp tíu tơkăng kong, kăn [o#, mố đo#i kak kring tíu tơkăng kong akố ối pơkuâ cheăm Krông Na, tơring {uôn Đôn [a\ tơru\m kâk kring kơdrum kong tơnêi têa a Yok Đôn. Tơdroăng tơ’noăng pêi cheăng vâ koh mơd^u tơbâ 70 hnăm hâi mơjiâng mố đo#i Việt Nam [a\ 25 hnăm hâi kring vế tâi tâng kue#n pơlê hiăng châ khu râ kăn pơkuâ cheăng Đảng, khu râ kăn pơkuâ đông po rơdâ pêi pro xăp apoăng hnăm, troh nôkố, mâu túa pơkâ tơ’noăng hiăng tơkâ hluâ tiêu pơkâ. Rơtế [a\ tơdroăng pêt kơchâi drêh krúa le#m, mê đông ối păn 40 to ro, 30 to chu, 200 to í, peâp, hnăm kố ối ai tơ’nôm mâu tơdroăng nếu, mê cho pêt plâi rơgá tung deăng rơdâ 400 met karê, pêi klâng têa, hiăng poê xo châ 4 ta#n báu, chiâ tơ’nôm klôh têa păn ká. Thie#u tă Y Be Mdrang-kăn [o# cheăng tơdroăng kal kí đông mố đo#i tíu tơkăng kong Srê-pok tối ăm ‘nâi: Tơmiêt troh vâ koh mơd^u tơbâ 70 hnăm hâi mơjiâng mố đo#i Việt Nam, đông hiăng tơku\m po mâu tơdroăng, mơjiâng mâu túa pêi cheăng. Kăn [o# pêi cheăng tung kố, k^ túa pêi cheăng kum kue#n pơlê mơnhông cheăng kâ, rêh ối cheăm. Ho\ng mê, tung khế 12, đông hiăng tơru\m [a\ khu râ kăn pơkuâ Đảng kong pơlê, khu râ kăn pơkuâ cheăm lăm pôu, hbru tơmeăm khoăng ăm mâu rơpo\ng mố đo#i hlâ tung tơplâ xâ a cheăm Krông Na.

            Tiêu tơbleăng dêi Khu xiâm pơkuâ mố đo#i kak kring tíu tơkăng kong dêi kong pơlê Dak Lak tối, klêi kơ’nâi 5 hnăm pêi pro ‘’Hâi kring vế tâi tâng kue#n pơlê’’, mâu đông mố đo#i kak kring tíu tơkăng kong dêi kong pơlê hiăng kring vế tơdroăng kal kí, mơnhông mơdêk cheăng kâ - rêh ối pơlê pơla a mâu cheăm tíu tơkăng kong. Troh nôkố tâi tâng 51 thôn, pơlê ối tung 4 to cheăm a 2 tơring tíu tơkăng kong hiăng ai chi [o# Đảng. Rơtế [a\ troăng lăm xéa ngăn tíu tơkăng kong châ po rơdâ kân, tôh chá kao su [a\ meăn bro [ê-tông, mâu cheăm tíu tơkăng kong xun hiăng ai troăng kân ăm rơxế ôtô kơtâu troh a tơdế tơring, ai on tơhrik tơnêi têa, hngêi pơkeăng cheăm, troăng kơxái vâ mơ’no rơxoh phôn. Mố đo#i kak kring tíu tơkăng kong dêi kong pơlê hiăng mơhnhôk mâu kơ koan tung kong pơlê [a\ pá gong kong pơlê veăng rơlo vâ chê 8 rơtal lie#n vâ mơjiâng chê 200 toăng hngêi ăm mâu ngế kơtiê, chât tơmeăm khoăng kum kue#n pơlê tung rêh ối. Rơtế [a\ 7 ngế sih koan cho kăn Ho#i đông kue#n pơlê mâu cheăm tíu tơkăng kong, mâu đảng viên tung mâu khu pêi cheăng tung cheăm, pêi cheăng a mâu chi [o# thôn, pơlê, vâ pêi ‘na tơdroăng kal kí, khu râ kăn pơkuâ pêi cheăng tung pơlê pơla. Đăi tă Phạm Quang Hùng-kăn pơkuâ Mố đo#i kak kring tíu tơkăng kong dêi kong pơlê Dak Lak tối: Pêi cheăng kal kí cho hnoăng cheăng apoăng. Ho\ng mê, vâ pơtâng tối, mơhnhôk pêi pro mâu tơdroăng pơkâ thế pêi pro, troăng rơhlâ dêi Đảng, luât dêi Tơnêi têa. Ho\ng mê tơbleăng nhên hnoăng cheăng dêi pơlê pơla. Pơtih tơdroăng mơjiâng thôn pơlê rêh ối cheăng kâ tiêu túa nếu, mê ngin hnê mơhno ăm mâu đông, ki nhên cho mâu tôh, khu ki veăng pêi cheăng, mơtiah on tơhrik, troăng kân, hngêi pơkeăng cheăm thế kơjo mơjiâng pro apoăng. Pêt hdrê, mơnăn păn ki tơtro [a\ hyôh kong prâi vâ mơnhông mơdêk cheăng kâ, mê cho mâu túa pêi cheăng, tơdroăng cheăng kum kue#n pơlê, pro kue#n pơlê loi tơngah Đảng, Tơnêi têa, tơdroăng cheăng kâ mơnhông mơdêk. Ngin loi tơngah khât tơdroăng cheăng kâ-rêh ối pơlê pơla hlối pêi ‘na cheăng lêng-kâk kring a tíu tơkăng kong dêi kong pơlê rế hía rế ó rơdêi tâ.

 A Sa Ly tơplôu